¹ Soma dziwani ichi: Munsiku za kumaliza kumdzakhala nthawe za masada. ² Nakuti wanthu amdzakhala wakubzikonda, wakukonda kobiri, wakubzithusa, wakusamwa, wamakiriyado, wakusaya kubvera abereki wao,wakusaya kutenda na wakusaya kubzilemekeza. ³ Amdzakhala wakusaya chikondi ca cibadidwe, wakusaya kuyanjanisika, wakumbadyerekezera pala kuti wina agumane bvuto, wakutaza kubzilambiza, waukali, wakusaya kukonda wabwino. ⁴ Amdzakhala wakumbapereka anzao, wakusaya kusamala, wakukula mtima, wakukonda bzakudekera munthu sikuti bzakudekera Mulungu. ⁵ Wakukhala nayo maonekedwe ya chinamato soma mphamvu yache adailamba. Pana wanthu wakutenepayi ubzipambule. ⁶ Nakuti winango ni amuna wa kumbadzatukulira akazi wakupusa mnyumba nkumbawaphata. Wakusenza mitolo ya bzakuipa bzao achikhala wakutengeka na bzilakolako bza mtundu na mtundu. ⁷ Akazi amwewa mba kumbapfunza nsiku na nsiku soma neye basi kukwanisa kudziwa chadidi mchiponi. ⁸ Ninga ndimo Yane na Yambre akhambagazira bzakusewera Mose, apfunzisi wa cinyengowa ambawenganambo na bza chadidi. Ni wanthu wa katangale mumtima, wakusaya kutsimikiza cikhulupiriro. ⁹ Soma amdzafika lini nabzo patali. Thangwe kupusa kwao kumdzadziwika kuna wense, ninga pomwe bza wanthu amweo. ¹⁰ Soma pala iwe, wateweza cipfunziso cangu, mafambidwe, chitsimikizo mtima, chikhulupirito, kugwesa mtima, chikondi, chipiriro. ¹¹ masada, kubva bzakuwawa, na ndibzo bzidandichitikira ku Antiokea, ku Iconia, na ku Lustro. Ndidapirira ku masada. Pamapeto pache, mbuya adandipulumusa. ¹² Wensene wakufuna kukhala mchinamato mwa Mkhirisitu Yesu amdzaboneresiwa. ¹³ Wanthu wakuipa na wakunama ndiye lemweretu kudzafamba achiipa basi, kudzasocheresa anzao achisocheresiwa pomwe iwo. ¹⁴ Soma ninga iwe, khazikika pa ndibzo wapfunza na ndibzo wakhala ukukhuliupirira na kale lense. ¹⁵ Unkudziwa kuti kuyambira pa utcheche bwako wadziwa manemba ya kupambulika. Yakukhoza kukupa cipulumuso cha ma Mkhirisitu Yesu. ¹⁶ Manemba aya adayafulizira Mulungu. Ya mpindulisa pa chipfunziso, cigazano, chikonzero, chilangizo ca mchilungamo. ¹⁷ Uku mkuti munthu wa Mulungu akhale wakuthemera, wakukonzeka kuchita basa lirirense la bwino.