2 Musheve nimbwa. Musheve navala avavomvi avatalamalandu. Musheve nave vakuvola amavili gavo.
3 Pakuti twetwe twe tuhavolwa - twe tukuputa mnwa Mupepo wa Mulungu, havili tukuyibadila mwa Chilisiti uYesu, havili tutali nulusuvilo mumuvili. 4 Navunuvwo, ine nemwenesho ngendinulusuvilo kumuvili. Inga aliko wumo akusiva ukuti ali nulusuvilo kumuvili, ine ngendinalwo nukulusya.
5 Ine nkavolwa pisiku lya 8, nemuntu wa mu Isilayeli, ne waluho lwa Benjamini, uMuhibuli wa va Hibuli; izya kuyana nululajilo, ne muFalisayi. 6 Izya luvilo lwane, ine nkashiyivya ishivanza; izya vugolosu pansi pa lulajilo, ntahalongwaga nazimo.
7 Nkandi kushonti ishintu she ine nkayikavilaga, nkashisenda shenesho ukuva shavulo mulandu wa Chilisiti. 8 Ilelo, ishi ine nkuvyenya vyonti ivintu ukuva vya vulo mulandu wa uvwinza vwa vumanyinsanyi vwa Chilisiti uYesu uMwene wane. Shifukwa sha wuyo ine mvilesile vyonti ivintu-havili nkuvisenda vyenevyo ngati mantu- ukuti ine inkave uChilisiti
9 havili najikwe muwuyo, ntahavanje ne mugolosu paneka kufuma kululajilo, loli shila she shikujendela mulwitiho mwa Chilisiti- uvugolosu kufuma kwa Mulungu kujendela kulwitiho.
10 Pe ishi ine nkwanza ukumumanya uwene na maha gakuzyuha kwakwe nukulemelana nawo mumayimba gakwe, imbanje ngati weyuyo muvufwe vwakwe,
11 pe pakumo ine inkomane nukuzyuha kufuma kuvafwe. 12 Te kuti ine mvikavile hali ivintu vinivi, pamu ine nemugolosu hali, loli ine nkayisipha ukulemelana pashila she nashilemeleye mwa Chilisiti uYesu.
13 Vamwitu, ine ntakusiva ukuti ine neka nchazile hali shenesho. Loli ishintu shoka she nkuvomba: Nkuluvya ivya kwisinda nukushimbilila kuvye vili muntanzi,
14 ine nkushimbilila kushe nkulwisya ukuti inchaje ishavwila ishakufuma kulwito lwa Mulungu ulwa kumwanya mwa Chilisiti uYesu. 15 Iswe twenti twe tukuzile, nzaga tusivaje vunuvu; loli inga tukusiva umwa kulegana ukuyana nashimo, uMulungu wope alivumbula shenesho kwimwe.
16 Te peka panapo, leha iswe twihale umwakulemelane navye tuhavyaga hali. 17 Muve mwe valandatizi vane, vamwitu, muvenyelezye mupipi sana vala ve vakujenda kujendela mushiholanio she mwamile nasho muliswe.
18 Avinji vakujenda - vala ukuyana nave ine nkavavuzyaga imwe shima, havili nishi ine nkuvavuzya imwe namansozi - ngati valugu vashihovenkanio sha Chilisiti.
19 Uvumalilo vwavo lunanjiho. She umulungu wavo lwanda lwavo, havili uvushindamu vwavo vuli mumusamu wavo. Avene vakusiva ukuyana nivintu vya munsi. 20 Loli uvuhaya vwitu vuli kumwanya, kwe niswe vulo tukulindilila uMuposhi, uMwene uYesu Chilisiti.
21 Uwene aliyandula amavili gitu agavulo aga ukuva mavili gegagomvilwe ngati muvili wakwe uwavushindamu, gagomvilwe kujendela mumaha gakwe amapiti ukuvyihazya vyonti ivintu ku wuyo.