2 pe lelo muvuzye uluseshelo lwane pakuva munsivo yoka, ukuva nishikunzi ishiholanu, ukulemelana mumupepo, havili nukuva nimfundo yoka. 3 Mutahavombe nashimo umwakuyigana pamu umwakuyibada vulo. Mumalo mwakwe muyisye nukuvaviha avanji ukuva vahondeye ukuvashila imwe.
4 Leha aliwonti uwimwe atahenye ivya kumuhovosya wuyo weka, loli nivya kuvahovosya navanji vulo. 5 Muve ninsivo ino mwimwe mweka ye havili yamile mwa Chilisiti uYesu,
6 we, nangavuli uwene ali mushati sha Mulungu, atavelenjeye uvuholanu vwakwe nu Mulungu ngati shimo shakushikakatila.
7 Loli, uwene ahayefya wuyo weka ahasenda ishati sha vuzya, havili uwene ahapapwa mushiholanio sha vantu. Havili ahajikwa mushati sha muntu,
8 uwene ayisizye wuyo weka havili amile wakwivwila ukufishila ukufwa, navwevufwe vwa pashihovenkanio! 9 Pelelo uMulungu havili ahamukwezya sana wenewo nukumupa wenewo izina lye lili pamwanya pa mazina gonti,
10 ukuti pizina lya Yesu ishiphemvu shonti shimusugamilile, kumwanya na pansi havili na kunsi kuntende,
11 havili nululimi lwonti lusimishizyaje ukuti uYesu Chilisiti wu Mwene, kuvushindamu vwa Mulungu uTata. 12 Ishi lelo, vankundwa, inza she mukwivwila shima, te peka pe ndipo loli ishi mukushizya nape ntalipo, vuvombele uvupokwa vwinyu nilyoga nu kutetema.
13 She wu Mulungu we akuvomba mulimwe mwonti mukwanza nu kuvomba muhavele hakwe ahinza. 14 Muvombe ivintu vyonti kusita kudandavula pamu ukudaliha
15 ukuti muvanje mwe vasita kulongwa nashimo havili mwe vazelu, avana va Mulungu avasita vunanzi pakasi pa vagulugulu niphapo inyonganu ye imwe mukulama ngati luhozyo lwa munsi.
16 Mukakatile kwizwi ilya vulanzi ukuti pisiku ilya Chilisiti ine nkayibade ukuti ntahashimbila ishavulo pamu ukuvomba ishavulo. 17 Nkandi nangavuli ine nkupungulwa ngati shavwila pa kufinjila ni mbombo ya lwitiho lwinyu, ine nkovosile nukuseshela poka nimwe mwenti.
18 Muhavele hanaho nimwe muhovohaje nukuseshela poka nine. 19 Loli nkusuvila mwa Mwene uYesu ukumutuma uTimoti kwimwe shinishi, ukuti nine ingomiwaje lwe namanya ivintui ukuyana nimwe.
20 Pakuti ntali nawo uwunji ngati weyuyo, we nalyoli wope akunkuziwa nkani nimwe.
21 Pakuti avene vonti vakulondola zye zikuvahovosya avene, te vintu vya Yesu Chilisiti. 22 Nkandi imwe mumanyile ukwanzikwa kwakwe, loli ukuva ngati mwana poka nuyise wakwe, uwene avomvile poka nine mwipangwi ilyinza.
23 Pe ine nkusuvila ukumutuma uwene shinishi pe ine nkwenya she ivintu vikujenda kwine.
24 Loli ine ndi nulusuvilo mwa Mwene ukuti nine nemwenesho vulo nkwinza shinishi. 25 Nkandi ine nkusiva ukuti kuhondeye ukumutuma havili u Epafulodito kwimwe. Uwene wamwitu havili muvomvi wamwitu havili musilikali wamwitu, havili wantumi winyu numuvomvi wa vya kwanza kwane.
26 She uwene ahapinaga nkani, havili asamvile ukuva poka nimwe mwenti, mulandu imwe mwivuye ukuti uwene muvinu.
27 Pakuti mwemumwo uwene avinile asyaye hansi ukufwa. Nkandi uMulungu amile nuvwila pa wuyo, havili te pe pawuyo weka, loli nakukwane vulo, ukuti ine ntasulumaniaje panya pa vusulumanie. 28 Pe zyonti izi zilusizye ukuyikungula ukuti imutumaje uwene, ukuti lwe imwe mukumwenya uwene havili imwe museshelaje, pe ine ningashefya ukuswilimana.
29 Pelelo, mumuposhele wenewo mwa Mwene poka nuluseshelo lwonti. Mushindishe avantu ngati weyuyo.
30 She yamile mbombo ya Chilisiti ukuti uwene apone kufwa. Ahayitupula nu vulanzi vwakwe ukuti uwene amalizye imbombo ye muhasovelwaga kufuma kukwane.