2 Pakuti avantu valiyiganaga vavo veka, valivanga vagana ndalama, avamayibado, avashilumba, avamusamu, avasita kwivwila avapapi, avasita kusalifya, havili tevafinjile.
3 Avene valiva vasita lugano, avasita luhovoshelo, avafundo zyilenga, ve va takuyilema, avananzi, vatakugana ivyinza.
4 Valitwalaga avamwavo kuvalugu, avapopo, avakuyivwa, vevakugana ivya kuvahovosya avene vakuleha ukugana uMulungu. 5 Avene valivanga ngati vanyila mulungu, loli valihan amaha gakwe. Uyepusye kufuma kuvantu vanava.
6 She vamo muvavo vanavuli ve vakwinjila muzyanyumba nukuvasenda avantanda avapunganu. Iva ve vantanda ve vizuye nuvutalamalandu havili vakulongoziwa niphapilo izya kulehana lehana.
7 Avantanda iva vakumanyila shima, loli avene vatakukwanisya ukumanya uvwanalyoli. 8 Inza she uYanesi nu Yambulesi vahamuvushila uMose, avamanyisi avilenga iva ve havili vahavushila uvwanalyoli. Vantu ve vananjisile insivo, havili pa zya lwitiho avene vahavahana.
9 Loli avene vatalifiha apatali. Pakuti uvupunganu vwavo vulimanyikwa kuvonti, ngati izya vantu vala. 10 Nkandi kuliwe, iwe ulandasite insambilizyo zyane, inkalo, she nkanzaga ukuvomba, ulwitiho, amayimba, ishikunzi, nuvutehamu,
11 ukuvwimilwa, mumayimba, na she shavomvilwe kukwane ku Antiokia, ku Ikoniyamu, na ku Lisitila. Ine nkajimbilila ukuvwimilwa kufuma ku vonti vanavo, uMwene ahaphoha ine.
12 Vonti vala ve vakwanza ukwihala muhavele ha vumulungu mwa Chilisiti uYesu vali vwimilwa.
13 Avantu avatalamalandu na ve vakuhopeha avantu valipitilila uvuvivi, valivasovezyaga avanji havili valisovelaga. 14 Nkandi iwe, wimilie muvintu vye iwe umanyiye havili uvisuviye nkani. Umanyile ukufuma ku we iwe umanyiliye.
15 Umanyile ukuti ukufuma kuvunsi iwe ugamanyile amasimbo amafinjile. Iga gahondeye ukukupa iwe injele ya vuposhi kujendela kulwitiho mw Chilisiti uYesu. 16 Amasimbo gonti ahagasimbisya wu Mulungu. Agene gapindu kunsambilizyo, kulinganizizya, ukuvunganiha, nu kuyezezya muvugolosu.
17 Ishi shili vunuvu ukuti umuntu wa Mulungu avanje wa kuzyagania nkani, uwa vivombelo vyonti ivya mbombo yonti inyinza.