¹ Ka ulu tunene ichoni ivya Abulahamu, u sekulu witu ukuyana nivya mubili, akachagha. ² Nanthi u Abulahamu akeneleziwanga chifukwa cha mbombo zyache, nge akaba ni chifukwa cha kwitumvizya, loli te mo vibelile panthanzi zya Chala. ³ Ka amasimbo ghakuti choni? '' U Abulahamu akasubalila u Chala, sona chi kabelengeka kukwache ngati muswepu.'' ⁴ Nanthi umunthu abomba imbombo, po umuvwalo wache ghutakubelengeka ngati chabupi, loli ngati vyo ali navyo. ⁵ Loli yo atakubomba imbombo, mu buyo bwache akusubalila mwa yo akwenelezya bo batakwiputa, ulwitiko lwache lukubelengiwa lwa bwanaloli. ⁶ U Devedi wepe akanena ivyonyene ukuti musayiwa yo u Chala amusenda wa bwanaloli yo atabombite imbombo nayimo. ⁷ Akati, '' Basayiwa bo uChala akabahobokela imbibi zyabo , nabo akazimya ukunanga kwabo. ⁸ Musayiwa umunthu yo umwene atakukumbuka imbibi zyabo.'' ⁹ Ka ulusayo ulu lupeghiwe ku bene bo badumuliwe, pamo na ku bo batadumuliwe? Tukunena ukuti, '' Ulwitiko lolo lukamubika u Abulahamu ukuti mwiza.'' ¹⁰ Lukapeghiwa bulibuli ku kwache? Ka kukaba ukuti bo atadumuliwe? Kutakaba ukuti bo adumuliwe, loli bo achili! ¹¹ U Abulahamu akapokela ichimanyisyo cha kudumuliwa pisinda pache , cho chikusimikizya ukuti bo atadumulikite , u Chala akamuswefya chifukwa cha lusubilo lwache. Chakulinga chakuit u Abulahamu inthi abe we tata wa bonsi bo bakusubila loli batadumuliwe, ukuti abaswepu bakabelengiwe kukwabo. ¹² Sona we tata wa bo badumuliwe. Loli te bobabo bene bo badumuliwe bo bakwennda mu matamba aghalusubilo lo utata u Abulahamu akaba nalo bo achili atadumuliwe. ¹³ U Abulahamu ni mphapo yache bakapokela ilaghano ukuti akwiza ukulaghila ichisu chonsi te chifukwa chakukonka indaghilo loli chifukwa cha buswepu bwa lwitiko lwache. ¹⁴ Pakuti nanthi bene abakusubalila indaghilo bangaba ba mpyana, po bo ulusubilo lwa bwaka, po kokuti ni laghano te lya bwanaloli. ¹⁵ Pakuti indaghilo zikubika ubukalal, lo luli ko kute indaghilo, kutaliko ukunanga. ¹⁶ Mu chifukwa ichi mu lusubilo, mulubatiko lwakuti ulufingo lube mu chisa sona lipeghiwe ku mphapo ya Abulahamu--te kwa bene bo bali pansi pa ndaghilo, loli na bonsi bo bakugabana u lwitiko ulwa Abulahamu. We tata witu twebonsi, ¹⁷ ngati mo vikasimbiliwa , '' Nakusala ukuba we tata wa banthu bonsi.'' U Abulahamu akaba pa maso pa yo amusubalile, yo we, Chala, yo akabika ubumi ku bafwe , nukwitizya ivinthu vyo vitalipo ukuti vibeko. ¹⁸ Mwakusubalila akivwisya nu kusubalila, ukuti inthi akabe we tata wa banthu abinji, nukuyana namo akamubuzizya, ''Momo nu lunyungu lwako lukwiza ukubela.'' ¹⁹ Ukuleka ukuba nu lwitiko ulwa kutontha, akalinga ngati umubili wache ghufwile (chifukwa chakuti imyaka papipi handiledi) sona nu bwa chumba bwa Sala. ²⁰ Loli chifukwa cha lufingo lwa Chala, u Abulahamu atakachedwa ukuleka ukusubalila. Mu buyo bwache, akaghomya ulusubilo lwache nu kumuchindika u Chala. ²¹ Akaba wakwikutisiwa ni laghano lya Chala, ukuti inthi akwanilisye. ²² Polelo cho chobene, ''Akamusenda musubaliwa.'' ²³ Loli amazwi '' ghakaneniwa kukwache'' ghatakasimbiwa chifukwa cha yuyo mwene. ²⁴ Ghakasimbiwa na kukwinu bwaka, sona ghakwiza na kukwitu swe tukusubalila mu mwache yo akamuzusya u Yesu u Mwene witu ku bufwe. ²⁵ Weyo akapeghiwa nu kumukoma chifukwa cha mbibi zithu nukuzyuka ukuti atukomanie nu Chala.