¹ I nkhalinga bo umwana wa nambelele ighula choka mwa vighalilo seveni, sona nkhivwa choka mu vipeliwa ivyabumi folo vikunena izyi likwivwika ngati yo mvula yikujilimisya, ''zakuno!'' ² Nkhalingisya sona nkhalinga imphunda inswepu. yo akwelitepo ali nu buta, sona apeghiwe imphuphu. akiza ngati mupoti mulubatiko lwa bupoti. ³ Bo umwana wana mbelele ighula ichighalilo cha bubili, Nkhivwa ichipeliwa chabumi icha bubili chikuti, ''Zakuno!'' ⁴ Po imphunda iyinyabo yikafuma _yikaba nchesamu. ko yo akakwela akapewa amaka ghakufumya umutende pa chisu, ukuti abanthu bakomane uyu nu munyabo, yo akakwela imphunda iyi bakamupa ichipeni ichikulu. ⁵ Bo umwana wa nambelele ighula ichighalilo cha butatu, Nkhivwa ichipeliwa chabutatu chikuti, ''Zakuno!'' Nkhalinga imphunda iyifitu, sona yo akakwelapo akanyamula ivyakupimila munyobe zyache. ⁶ Nkhivwa ngati lizyu mukasi mu vyabumi folo likuti, '' I debe lya mupunga likughuliwa 1 kwacha, sona A madebe gha malezi ghakughuliwa 1 kwacha. Loli mutakakomanie amafuta nu wayini.'' ⁷ Bo umwna wa nambelele ighula ichighalilo cha folo, Nkhivwa izyu lya chipeliwa chabumi icha folo chikuti, ''Zakuno!'' ⁸ Po Nkhiza nayilinga imphunda imbufu. Yo akakwelapo akitiziwa ukuti yomfwa, sona ubuzyuka buka mukonkanga yuyo. Bakapewa ubulaghilili bwa wanu forth ubwa chisu, pakukoma nichipeni, ninzala, na matenda, sona ni vinyamana vya munkholongo. ⁹ Bo umwana wa nambelele ighula ichighalilo cha fayivi, Nkhalinga munthende mwa chighemo ubumi bwa bo bakakomiwa chifukwa cha lizyu lya Chala sona ni nsimikizyo zya vyo bakivwa. ¹⁰ Ba kalila umwa kukola nizyu ilikulu, '' lyo lighi, mulaghili wa vyonsi, buswepu sona nu bwanaloli, mupaka po inthi mukalonge bo bakwikala mu chisu, sona mupaka po mwiza mwa nyosezya papo udaba witu?'' ¹¹ Po weka mwa banyabo bakamupa umwenda ughuswepu, sona bakabuziwa ukuti balindililepo panandi mupaka po inambala ya ba bombi sona naba wamwabo yakwanila ku bo inthi baye pa kukomiwa, ngati mumo bakabakomela. ¹² Bo umwana wa nambelele ighula ichighalilo cha sikisi, Nkhalingisya sona ukuti kukaba ichindindi ichikulu. I zuba likaba lifitu ngati lisakalilo, sona umwezi ghukaba ngati we daba. ¹³ I nthondwa ku mwanya zikawa pansi, ngati po umukuyu ghukuwisya ivikomwa vyo vitatonite pala imphepo yikuputa. ¹⁴ Ku mwanya kukasobela ngati cho bakusimbangapo amasimbo. I chipili chonsi poka ni chisu cha pakasi pa nyanja vikafumapo pa buyo bwabo. ¹⁵ Po aba Mwene ba mu chisu sona na banthu bakulondiwa, na ba songo ba bwite, sona na bachuma, na bamaka, sona na wensi bwaka, ukapolo, nu musatuke, ba kavwama mu vibwina na pakasi pa mabwe gha mu mapili. ¹⁶ Ba kanena ku mapili na ku mabwe, ''Tuwile uswe! Tufise uswe kumaso gha yuyo ikalite pa chitengo sona na ku bukali bwa mwana wa nambelele . ¹⁷ Pakuti isiku ilikulu ilya bukali bwache lifikite. Wewenu yo angimilila?''