¹ Po nkhalinga ku nyobe iya ndyelo iya yo ikalite pa chitengo pakusimbapo pasimbiwe panthanzi na kwisinda, pighaliliwe ni vighalilo seveni. ² Nkhalinga uwanthumi umuchindikiwa akakolomoka nizwi ilikulu, ''Wewenu yo abaghile ukwighula ichasimbapo sona angafumya ichakwighalilapo?'' ³ Nayumo kumwanya pamo pachisu pamo pansi pa chisu yo akakwanisya ukwighula ivyakusimbapo sona angafumya ivyakwighalilila pamo ukuchibelenga. ⁴ Nkhalila nichitima nichitima chifukwa patakaba nayumo yo akakwanisya pa kwighula ibuku pamo ukulibelenga. ⁵ Loli weka mwa basongo akanena kukwane, '' utakalile. Linga! inkhalamu ya luko lwa yuda, umusisi wa Davide, apotite. Abaghile pakwighula ibuku sona nivya kwighalila seveni.'' ⁶ Nkhalinga Imbelele yimilile pakasi pa buyo bwa chitengo sona mu vyabumi folo sona na mubasongo. Akaboneka ngati akomiwe.Akaba ni mphembe seveni sona na maso seveni, vivyo mizimu ya Chala seveni yoyikatumiwa pa chisu chonsi icha pansi. ⁷ Akabuka nukusenda ibuku kunyobe iya ndyelo iya yo ikalite pachitengo. ⁸ Bo asenda ibuku, ivyabumi folo na basongo twente _folo bakawa pansi pa Mbelele. Wensi mwa babo akaba ni chakwimbila sona naka nthendo akagolide ko mukizula ivyakununkila, zyo nyiputo zya banthu abaswepu aba Chala. ⁹ Bakimba ulwimbo ulupya: ''Ubaghile pakusenda ibuku sona nukwighula ivya kwighalila vyache. pakuti ukakomiwa, sona nidaba lyako ukasendela abanthu kwa Chala ukufuma kuluko lonsi, ichineno, abanthu sona ni chisu. ¹⁰ Ukabapanga ukuba chinamwene sona baputi ukuti ba mubombele u Chala witu, sona inthi bize balaghile ichisu.'' ¹¹ Po une nkhalinga sona nkivwa ichongo cha ba nthumi abinji bo bakazyungilila ichitengo sona nivyabumi na basongo. mu bwinji poka bakaba teni saghuzade, waba tenisaghuzade, nama saghuzade gha masaghuzade. ¹² Bakanena namazyu aghakulu, ''Yibaghile Imbelele, yoyakomiwa, ukupokela amaka, ichuma, amahala, ukughomya, intchindi, ubuchindamu, nama palo,'' ¹³ Nkhivwa chilichonsi ichipeliwa ichakumwanya sona pachisu sona na pansi pa chisu na mu nyanja_ chilichonsi mwa babo_chikunena, ''kwayo ikalite ku chitengo naku Mbelele kube amapalo, umuchinzi, ubuchindamu, sona namaka gha kulamula, bwila na bwila,'' ¹⁴ Ivyabumi folo vikati, ''Amen!'' sona na basongo bakawa pansi nukumwiputa.