¹ Pisinda pa ichi nkhalinga abandumi munguto folo izya chisu, ukufyenyela kwisinda imphepo folo izya chisuukuti pakawe imphepo iya kuputa pachisu, panyanja pamo ukulwana nikomo limo. ² Nkhamulinga uwandumi uyunji akufumila kubufumilo bwi zuba, yo akapakaziwa nu Chala uwa bumi. Akalila nkhani namazyu aghakulu agha kukolomoka ku bandumi folo bobakapeghiwa amaka ukunanga ichisu ni nyanja: ³ ''Mutakanange ichisu , inyanja, pamo amakomo mpaka tukapakazye pacheni cha babombi ba chala witu.'' ⁴ Nkhivwa ubwinji bwa bo bakapakaziwa: 144,000, bo bakapakaziwa ukufuma ku luko lonsiulwa banthu ba ku izilayeli: ⁵ twelovu sauzande ukufuma ku luko lwa yuda bo bakapakaziwa, Twelovu sauzande ukufuma ku luko lwa Rubeni, Twelovu sauzande ukufuma ku luko lwa Gadi, ⁶ Twelovu sauzande ukufuma ku luko lwa Asha, twelovu sauzande ukufuma ku luko lwa Nafutali, Twelovu sauzande ukufuma ku luko lwa Manase, ⁷ Twelovu sauzande ukufuma ku luko lwa Simiyoni, Twelovu sauzande ukufuma ku luko lwa Levi, Twelovu sauzande ukufuma ku luko lwa Issaka, ⁸ Twelovu sauzande ukufuma ku luko lwa Zebuloni, Twelovu sauzande ukufuma ku luko lwa Yosefe, na Twelovu sauzande ukufuma ku luko lwa Benjamini bobo bakapakiziwa. ⁹ Pisinda pa vinthu ivi nkhalinga, sona pakaba abanthu abinji abakuti utangabelenga ukufuma ku visu vyonsi, uluko, abanthu, ni neno_bimilile bo batafikite pa chitengo na panthanzi pa mwana wa nang'onzi. Bakavwala inkhanzuiyiswepu nu kukola insamba zya vikambalala mu nyobe zyabo, ¹⁰ sona bakitikizyanga na mazyu aghakulu: Une, ukupokiwa kuli mwa Chala witu yo ikalite pa chitengo, napa mwana wa nang'onzi!'' ¹¹ Bonsi abandumi bakimilila ukuzyungulila ichitengo nuku zyungulila abasongosongo ni vipeliwa folo ivya bumi, bakaba ni vyeni pa nthanzi pa chitengo. Bakamwiputa u Chala, ¹² bakati, une ''Ámen! Mukwezye, ubuchindamu, amahala, kusalifya, ukuchindika, amaka nu bughomu vibe kwa Chala witu uwa bwile na bwile! Amen!'' ¹³ Po yumo uwa basongo basongo akandalusya, ''ka bo bawenu aba, boba vwalite inkhanzu iziswepu, sona bakufumila kwiyi?'' ¹⁴ Nkhanena ku kwache, ''Bwana, wewe uzimenye,'' po akanena ku kwane, ''Aba bo bamo bo bafuma mu nthamyo izikulu. Bachapite imvwalo zyabo nu kuyipanga iyiswepu mwidaba lya mwana wa Nang'onzi. ¹⁵ Pa chifukwa ichi, bali pansi pachitengo cha Chala, sona bakumwiputa umwene umusanya nu busiku mu tempheli lyache. Yumo ikalite pa chitengo chache akwiza ukutambasula itenti lyache papabo. ¹⁶ Tebize babe ninzala sona, pamo inyota te yikabakole sona. Izuba te lize liboche, sona nu butukivu ubwakocha. ¹⁷ Pakuti umwana wa Nang'onzi ali pakasi pa chitengo cho chikwiza pa ukubadima, sona akwiza ukubalongozya ku mbwibi ya minzi aghabumi, sona u Chala akwiza ukupupula amansozi ukufuma mu maso ghabo.''