¹ Pisinda pa vinthu ivi nkhivwa ichongo cho chikivwika ngati kukolomoka kwa banthu abinji ku mwanya bakuti, Hallelujah. ukupokwa, ubuchindamu, sona namaka viwe kwa Chala witu. ² U bulongi bwache bwa bwanaloli sona bugholosu, pakuti alongite kale umalaya usongo yo akakomania ichisu nu bwa malaya bwache. Anyosya udaba wa bazya bache, pa nyobe yache.'' ³ Bakanena ilyabubili: ''Hallelujah! Ilyosi likafuma ku kwache bwile na bwile.'' ⁴ Abasongo twente folo ni vilengiwa vya bumi folo vikawa pansi nukumwiputa u Chala, yuyo akikala pa chitengo. Bakanenanga, ''Amen. Hallelujah!'' ⁵ Po amazyu ghakiza ukufuma ku chitengo, ghakunena, ''Munthunvwe u Chala witu, mwebonsi mwe bazya bache umwe mwe mu kumoghopa, mwensi mwe mu takulondiwa na bamaka.'' ⁶ Po nkhivwa cho chikivwika ngati mazyu aghakulu gha banthu abinji, ngati kupoma kwa minzi a ghinji, sona ngati ku neng'enia ukukulu ukwa chindindindi, ukuti Hallelujah! pakuti u Mwene wamaka, u Chala mulamuli wa vyonsi. ⁷ Zanga tusekelele nu kuhoboka sona nukumupa ubuchindamu chifukwa ulusekelo lwa sendwa ulwa nang'onzi lwafika, sona nu wakusenyiwa isengania kale. ⁸ Akitikiziwa ukuti avwale amalaya aghaswepu aghiza'' (pakuti ubuswepu bukwimilila ubugholosu bwa mbombo zya Chala ku banthu abaswepu). ⁹ Uwa nthumi akanena ku kwane, ''Simba ivi: Basayiwa bo bitiziwe ku lusekelo lwa sendwa iya nang'onzi.'' Akanena sona ku kwane, '' Agha mazyu gha bwanaloli agha Chala.'' ¹⁰ Nkhawa pansi pa vinama vyache nu kumwiputa yuyo, loli akanena ku kwane, U takabombe ivi! ne yumo wa mbombo poka nuwe na ba wamwinu bo bali nu lusimikizyo ulwa yesu. mwipute u Chala, pakuti ulusimikizyo lwa yesu gho muzimu wa bu ghonela.'' ¹¹ Po nkhalinga ku mwanya kwighule, sona nkhalingisya kukaba imphunda iyiswepu. weka yo akakwelapo akitiziwa mugholosu sona wa bwanaloli. akulonga sona akupima ubwite mu bwanaloli. ¹² Amaso ghache ghali ngati moto wa kulilima, sona mu mutu wache muli imphumphu izinji. Ali ni zina lyo lisimbiwe mu mwache lyo nayumo yo alimenye loli yuyo mwene. ¹³ Avwete u muvwalo gho ghu dwibikiwe mwa daba, sona ni zina lyache likwitiziwa izwi lya Chala, ¹⁴ Aba bwite bwa kumwanya ba kamukonkezya pa mphunda iziswepu, bavwete amalaya aghiza aghaswepu, aghaswepu sona aghiza. ¹⁵ Mu mulomo wache mukufuma ichipeni chochikwetehe cho akulasila ivisu, sona azukubalamula ni nkhomo iya chela. Akinjila mu cho bakupangila uvinyo uwa bukalale bwa Chala wa maka. ¹⁶ Ali ni zina lyo lisimbiwe pa muvwalo wache na pa mphamba: ''Infumu ya ma Fumu sona Mwene wa ba Mwene.'' ¹⁷ Nkhalinga uwanthumi imilile pi zuba. akitizya na mazyu amakulu ku viyuni vyonsi vyovikabeta pa nthanzi pache , ''Zanga, bungana poka pakuti ulu sekelo ulukulu ulwa Chala. ¹⁸ Zakuno mulye imibili ya ba Mwene, imibili ya bankhondo, imibili ya bamaka abanthu, imibili ya mphunda sona nabenzyi, sona ni mibili ya banthu bonsi, bonsi bobasatuliwe na bo bapinyiwe, abasita kulondiwa sona naba maka.'' ¹⁹ Nkhalinga ichinyamana sona na bamwene ba mu chisu poka na babwite babo. Bakabungana ukuti basenganie ubwite bwalwe nayo akakwela pa mphunda na babwite bache. ²⁰ Ichinyamana chikakoliwa poka nu mughonela uwa bumyansi yo akapanga iviswigho pa maso ghache. Ni viswigho ivi akapusika bonsi bo bakapokela ichimanyikwilo cha chinyamana na bo bakachiputa ichifwani chache. Bonsi ba bili bakasumbiwa ba bumi mu chibwina cha nyanja ya sulefule yo yikakanga. ²¹ Bonsi bo bakasyala bakakomiwa ni chipeni cho chikafuma mu mulomo wa yo akakwela pa mphunda. Ivi yuni vyonsi vikalya imibili ya kufwa.