¹ Pisinda pa vinthu ivi Nkhalinga uwa nthumi uyunji akwiza pansi ukufuma kumwanya, Akaba na mazaza aghakulu, sona ichisu chikabala nu buchindamu bwache. ² Akitizya na mazyu aghakulu, ukuti Awa, awa u Babeloni umukulu! Aba we buyo bwa kwikalamo ivimphepo, umwakusamalilamo umuzimu ghuli ghinsi ughubibi, sona umwakusamalilamo ichiyuni chonsi ichibibi sona ichitamye. ³ Pakuti ivisu vyonsi vingwile u wayini wa bunyali bwache. A bamwene ba chisu bakahula nawe. A bakughuzya bamu chisu baba bakabi chifukwa cha maka gha nyinong'ono zya bwikazi bwache.'' ⁴ Po nkhivwa sona amazyu aghanyabo ukufuma ku mwanya ukuti, ''fumamo mu mwache, banthu bane, ukuti mutakagabane nawe mu mbibi zyache, sona nukuti mutakize mupokele nayimo mwa ndwala zyache. ⁵ I mbibi zyache zizula mpaka na kumwanya sona U Chala akumbuka ivyakubombiwa vyache ivibibi. ⁶ Munyosezye ngati mo wepe anyosezya aba nyabo, sona munyosezye kabili ngati mo wepe abombile; mu lubako onganizye, onganya kabili ukuyana nawe. ⁷ Pakuti i kwezizye mwene nu kwikala umwakufwasa, mupe ubuyinvi nu bubavu. Pakuti akunena mumoyo wache ukuti, 'Nikalite ngati ne Mwene; Te nemufwilwe, sona tengalingepo ukulila.' ⁸ Polelo mwisiku lyoka inthamyo zyache zizukwiza: infwa, ukulila, sona ni nzala. Azukukupya nu moto, pakuti u Mwene u Chala wamaka, sona weyo mulongi wache.'' ⁹ A ba mwene ba pa chisu bo bakabomba nawe ubwamalaya sona nukufuma mukumanyisiwa poka nawe bazukulila sona nichitima papache po bazukulinga ilyosi pakupya kwache. ¹⁰ Bazukwimilila pabutali, nubogha bwa kulila kwache, ukuti, ''Thamyo, thamyo ku kaya akakulu, Babeloni, akaya kamaka nkhani! pakuti mukabalilo kakuchepa ulufundo lwako lwafika.'' ¹¹ Abakughuzya bamu chisu bakumulilila nuku syumula amasozi pakuti nayumo yo akughula ivyakughuzya vyabo_na weka ¹² mubakughuzya u golide, siliva, amabwe aghiza, imilembo, imyenda iyiza, pepo, siliki, ivichesamu, nivyakununkila ivya luko lonsi, nu tunthu tonsi to tufumile ku mino gha nzovu, nu tunthu tonsi to tupangiwe kufuma kwi komo iliza, ichela, sona na ku mabwe, aghapala, ¹³ nu cinnamon, ivilungo, ivyakununkila, nu myrrh, frankincense, bwalwa, mafuta, ubusu ubwiza, upamba, ing'ombe ni ng'onzi, imphunda, vingolo sona nimbili, sona nabambombo ni mizimu ya banthu. ¹⁴ I chikomwa cho ukachilonda na maka ghako ghonsi chafumako ku kwako. U kufwasa kwako konsi nukuboneka akiza kwamala te ukavyaghe sona. ¹⁵ Aba kughuzya ukatundu uyu bo bakaba bakabi mu bwighane bwache bazukwimilila pabutali nawe chifukwa cha bogha bwa kukuta kwache, ukulila nu kukolomoka nkhani. ¹⁶ Bazukunena, ''Nthamyo, nthamyo ku kaya akakulu ko kavwete imyenda iyiza, iya pepo, iyichesamu,sona nayo yikapangiwe nu golide, ivibangili iviza, sona nimilembo! ¹⁷ Mukabalilo akanandi ivyuma vyonsi vila vyaba chibolya,'' umutangilili wensi uwa ngalaba, umutangilili wa pa minzi, nababombi, sona nabonsi bo bakwikala ubumi bwa mu nyanja bakimilila pabutali. ¹⁸ Ba kalila bo balinga ilyosi lyache bo akupya. Bakanena, ''' Kaya buli ko kali ngati kaya akakulu?'' ¹⁹ Bakataya ulufumbi mu mitu yabo nu kulila nkhani, bakakolomoka nukulila, Nthanyo, nthamyo ku kaya akakulu kako wensi yo akaba ni ngalaba pa nyanja nukuba mukabi ukufumila ku kwache pakuti mukabalilo akanandi chaba chibolya.'' '' ²⁰ Hoboka papache, kumwanya, umwe mwebanthu abaswepu na batumiwa sona nabaghonela, pakuti u Chala iza nu bulongi bwinu papache!'' ²¹ U wanthumi wa maka akanyamula mu mwanya ibwe lyolili ngati lwala ulukulu nukutayila mu nyanja, '' munzila ngati iyi, Babeloni, akaya akakulu, azukutayiwa pansi nukuvulungania sona te akaboneke sona. ²² Ichongo chabobakuputa amapati, abimbi, bo bakulizya ivisekese, sona nabalizya mapati batazukwivwika nayumo mu mwinu. Nayumo umuloli uwa luko uwazukwaghiwa mu mwinu. Nichongo cha chigayo techikivwike nachimo mu mwinu. ²³ U bwelu bwa koloboyi butazukubala sona mu mwinu napo panandi. Amazyu gha wakusendwa nu wa kusenda ghatazukwivwika sona mumwinu napanandi. pakuti abakughuzya binu bakaba bo bana ba bamwene ba chisu, po ni visu vinu vikapusikiwa na balozi. ²⁴ Mu mwache udaba wa ba ghonela sona na banthu ba Chala abaswepu akaghiwamo, sona nu daba wa bonsi bo bakakomiwa pa chisu.''