¹ Po pakaba umufalisi yo izina lyache akaba we Nikodemu, umulongoziwa ba Yuda. ² Umunthu uyu akiza kwa Yesu nubusiku po akati kukwache, mumanyisi, tumenye ukuti we manyisi yo akafuma kwachala,pakuti nayumo angapanga ivimanyikilo vyo uwe ukupangapene papo nanthi uchala ali nawe. ³ UYesu akamula kukwache ''Naloli loli,pene papo yumo apapiwa kuminzi na kumuzimu,atanginjila kuchinamwene cha chala''. ⁴ UNekodemu akati kukwache, umunthu angapapiwa bulibuli pala agosipa? Atangingila sona muthumbo yamama wache nukupapiwa,angapapiwa? ⁵ UYesu akamula akati, Naloli loli, penepapo yumo apapiwe muminzi sona mumuzimu atanginjila kuchinamwene cha chala. ⁶ Chochipapiwe kumubili cha mubili, sona chochipapiwe kumuzimu chamuzimu. ⁷ Mutakaswighe ukuti nkhanena kukwinu,''mukwenela mupapiwe sona''. ⁸ Imphepo yikukuka konsi ko yikulonda mukwivwa ichingo chache loli mutakumanya koyikufuma sona nakoyikuya po momo abelile wensi yo apapiwe kumuzimu. ^{11 9} UNikodemu akamula akati kukwache, ''ivinthu vino vingaba bulibuli? ¹⁰ UYesu akamula ku kwache akati, we mumanyisi ku Izilayele, po sona utakwivwisya ivinthu vino? Naloli loli nkhunena kukwinu tukunena uyotuvimenye,sona tukusimikizya pavyo twavilinga. Inga mutakwitikizya ukusimikizya kwitu. ¹² Nanthi nkhakubuzya ivya vinthu vya muchisu sona mutakasubila po mungasubila bulibuli nanthi ningakubuzya inthi ivya mwanya? ¹³ Nayumo akwelite kumwanya loli mwene yo akisika ukufuma kumwanya umwana wa munthu. ¹⁴ Ngali mo umozesi akayitumphulila injoka mu nkholongo, ¹⁵ po wepe umwana wa mutnhu azukutumphuliwa, pakuti wensi yo akusubalila mwache akuzukuba ubumi wamuyilayila. ¹⁶ Pakuti uchala achighanite ichisu cha pansi,akatuma umwana wache umusaliwa, ukuti ya akusubalila mumwache atakwiza ukupya. Loli akwizuba nu bumi wamuyilayila. ¹⁷ Pakuti uchala atakatuma umwana ukuti alonge chisu cha pansi, Loli ukuti apoke ichisu chapansi ukwendela mumwache. ¹⁸ Yo akusubalila mumwache ata kulongiwa,loli yo atasubalila alongwe kale chifukwa atasubalile mwa nzinz iya mwene unwana wa chala. ¹⁹ Ichi cho chifukwa chakulongiwa: ubwelu bwafika pa chisu cha pansi, sona abanthu ba kaghana ichisi, sona nukulusya ubwelu chifukwa ivyakubomba vyabo vikaba vibibi. ²⁰ Pakuti wensi akubomba imbibi akubenga ubwelu, sona atakwizanga kubwelu ukuti vya akubomba vitazubonekela. ²¹ Nangabuli wensi yoakubombanga ubwanaloli akwiza kubwelu umwakuti vibonekele pabwelu ivyakuombiwa vyache vyoabombanga mwa chala. ²² Bopenda ichi uYesu nabamanyili bache akaya muchisu cha Yudeya, kula akikala akabalilo nabo akozya. ²³ Po uYohani wepe akozyanga mu Awenoni ku pipi na Salimu chifukwa kukaba aminzi aghinji kula nyene.A banthu bakizanga kukwache pakonziwa. ²⁴ Pakuti u yohani bakaba bobatamubikite mujele. ²⁵ Popakiza paba umukangano pakasi pa bamanyili ba yohani numuyuda ukuyana nivyakoziwa. ²⁶ Bakaya kwa Yohani nukuti kukwache '''Mumanyisi, yula yo wali nawe kumbali iyinji iya chisoko cha Yolodani, we mwasimikizyanga izyache, Linga, alipakozya, sona bonsi bakuya kukwache''. ²⁷ UYohani akamula, ''Umunthu atanga pokela nachimo pamo pene po chipeghiwe ukufuma kumwanya. ²⁸ Umwe mwebenencho mungasimikizya pakuti nkhanena kukwinu ukuti, ''Tene kilisitu,' loli mumalo mwache nthumiwe bo umwene achili'. ²⁹ Yo akusendwa akuba mumaka gha we yo akumusenda. Po umumanyani wayo, akusendwa yo akumwimilila sona nukwivwa, akuhoboka hee chifukwa cha mazwi gha yo akusenda. ³⁰ Po chinonye ukughoboka kwane kwa kwanila. Umwene akweziwe une nisike. ³¹ Yo afumile kumwanya ali pamwanya pavyosi. Yo mwene afumite pa chisucha pansi wamuchisu chapansi sona akunena ivya chisu chapansi. Yo mwene afumite kumwanya ali pamwanya pavyosi. ³² Akusimikizya pavyo akavilinga navyo akivwa, loli nayumo akwitikizya ukusimikizya bwache. ³³ Mwene yo apokela ukusimikizya kwache akwanilisya ukuti uchala bwa naloli. ³⁴ Pa kuti uchala amutumite ukunena amazwi agha chala. Pakuti atakupa umuzimu umwakupima. ³⁵ Utata amughanite umwana sona amupile ivinthu vyonsi munyobe yache. ³⁶ Kwa we asubalila mumwana ali nubumi bwabwilabwila, loli kwayo atakumwivwila umwana atakwiza ukulinga ubumi,loli ubukali bwa chala buzukuba papache.