¹ Pobo uYesu amanya ukuti aba falisi bivwa ukuti akupanga sona akozya abamanyili abingi ukulusya uYohani. ² (Nangabuli uYesu umwene atakozyanga, loli abamanyili bache), ³ Akafuma ku Judeya nukuya sona ku Galileya ⁴ Loli chikenelera kukwache ukenda ku samaliya. ⁵ Po akiza kukaya akakulu aka Samaliya, kokakitiziwanga sayika papapi pakamughunda akanandi aka muchisu ko uYakobe akamupa umwana wache u Josefu, ⁶ Ichifula cha yakobu chikabapapo. UYesu akalita pa bulendo bwache po akikala pa mbali pa chifula, kakaba kabalilo ka maawazi 6. ⁷ Umwanakazi umusamaliya akiza pasemba aminzi, po uYesu akati kukwache, ''mphanga ghamo aminzi ghakumwa'. ⁸ Pakuti abamanyili bache bakabuka kukaya akakulu pakughula ichakulya. ⁹ Po umwanakazi umusamaliya akati kukwache, ''vilibulibuli ukuti uwe mu yuda ukulonda kukwane ukuba mwanakazi umusamaliya ukuti ung'we chimo? pakuti abayuda bate nivyakuomba nabasamaliya. ¹⁰ UYesu akamula nukuti kukwache, ''Nanthi ukumanya ichabupi chachala, sona nawe akunena kukwako, 'mphanga ichakumwa,' nge wamulenga po nge akupile aminzi aghabumi''. ¹¹ Umwanakazi akati kukwache, ''Songo mutenichakusembera aminzi sona ni chifula chitali. Ngapo kokwi kouli naminzi aghabumi? ¹² Tewe wakuchindikiwa ukulusya utata uYakobe yo akatupa ichfula sona nukung'wa mulanye ngati mobakabombela abana bache sona ni vinyamana vyahe?'' ¹³ UYesu akamula nukuti kukwache, ''Wensi yo akung'wa aminzi ghano akwizukwivwa inyota sona, ¹⁴ loli kwa wensi yo azung'wa aminzi ghonkhuzumupa teakivwe inyota sona mumalo mwache, aminzi gho inthi mupe ghazuba minzi gha moyo wamuyilayila ¹⁵ Umwanakazi akati kukwache, ''Songo mphanga aminzi aghonye ukuti nthakivwe inyota sona nthakize pasemba aminzi''. ¹⁶ UYesu akati kukwache, 'Buka kamwitizye umulume wako mwize sona kuno''. ¹⁷ Umwanakazi akamula nukunena kukwache ukuti, nthenawe umwanalume''. UYesu akamula wa nenaakiza'', ukuti 'nthenumwanalume', ¹⁸ pakuti ukaba nabalume fayivi, sona yo uli nawe pano tewe mwanalume wako.Vyowanena vyabwanaloli''. ¹⁹ Umwanakazi akati kukwache , songo nkhulinga ukuti we mughonela. ²⁰ Abatata bitu bakiputa pachipili ichi, loli ukunena ukuti muYelusalemu gho malo gho abanthu biputengemo''. ²¹ UYesu akati kukwache, ''subalila une, mwanakazi, pakuti iawala yikwiza po uzukwiputa utata osati muvipili pamo muYelusalemu. ²² Ukwiputa cho utachimenye. tukwiputa cho tuchimenye, pakuti ukupokwa kufuma kuba Yuda. ²³ Nanga buli, iawala likwiza sona lili panonye, pobobakwiputa mubwanwanaloli bazukwiputa utata mumuzimu sona nubwanaloli, po utata akulonda abanthu bala pakuti babe bakumwiputa. ²⁴ UChala womuzimu, po abanthu bo bakumwiputa bakwenela bipute mumuzimu nu bwanaloli. ²⁵ Umwanakazi akati kukwache, ''Menye pakuti Mesiya akwiza (yo akwitiziwa kilisitu) pala iza alilongosola vyosi kukwitu''. ²⁶ UYesu akati kukwache, ''Nene, ne nkhunena kukwako''. ²⁷ Pakabalio kalanye abamanyili bache bakanyokela. Po bakaswighanga po akanena numwanakazi, loli nayumo atakanenapo, ''ulondachi?''olo ''Cheni cho unena nawe?'' ²⁸ Po mwanakazi akayileka inthendo yache iyasembela aminzi, nukunyokela kukaya akakulu nukunena kubanthu ukuti, ²⁹ ''Zakuno, linga umunthu yo ambuzya vyonsi vyo nthambombite lumo . Uyuatangaba we kilisitu, angaba? ³⁰ Bakufuma mukaya akakulu nukwiza kukwache. ³¹ Pa kabalilo kanandi,abamanyili baka mudalisya,bakatingi ''mumanyisi, lyanga.'' ³² Loli akati kukwache, ''indi nichakulya chakuti indye cho mutachimenye.'' ³³ Po abamanyili bakanena benebene, Nayumo yo amwizile nacho? ³⁴ Uyesu akati kukwabo, ''ichakulya chane chakuti mbombe ubwighane bwache bwayo anthumite sona nukumalizya imbombo. ³⁵ Mutakunena, ''yichili yilipo imyezi 4 po ukwinula kukwiza? Nkhunena kukwinu, linga sona lolela vyo pakuti vitonite kale ukuti vigoboliwe! ³⁶ Yo akugobola akupokela amalipilo sona akwagha ichikomwa cha moyo muyilayila pakuti yo akupesa sona yo akwinula bahoboke poka. ³⁷ Pakuti ichi pakuneniwa, ' yumo akupesa, sona uyunji agobola, bwanaloli. ³⁸ Nkhabatuma ukuti muye mugobole vyo mutabombitepo imbombo. Abanji babombite sona mwaya mwinjila mo babomba''. ³⁹ Aba Samaliya abinji mukaya kalanyene bakasubalila mumwache, chifukwa cha nkhani zya mwanakazi zyo akasimikizya, ''akambuzya vyonsi vyonkhabomba.'' ⁴⁰ Pobo aba samaliya biza kukwache, bakamulenga ukuti bikale nawe, po akikala pala amasiku ghabili. ⁴¹ Abinji bakamusubalila chifukwa chizwi lyache. ⁴² Bati kwa mwanakazi, ''tutakusubalila sona chifukwa cha vyo unenite. pakuti uswe swebene twayivwila, sona tumenye ukuti uyu naloli we mpoki wa chisu cha pansi. ⁴³ Bopenda amasiku ghabili ghala akafuma pala nukuya ku Galileya. ⁴⁴ Pakuti Yesu umwenecho akanena ukuti umughonela atachindikiwe muchisu chache. ⁴⁵ Bo afika mu Galileya, abaGalileya bakamupokela. Bakalinga ivinthu vyonsi vyo vikabombwa mu Jelusalemu kakwimba bo bope bakabuka kobakimbanga. ⁴⁶ Po akiza sona ku Kana mu Galileya ko akapanga aminzi ghaba we wayini. pakaba usongo yumo uwa mfumu yo umwana wache uwa mu Kapenumu aka lwala. ⁴⁷ Bo ivwa ukuti u Yesu afika mfumu ku Yudeya ukuya ku Galileya,akabuka kwa Yesu nukumulenga ize aponye umwana wache, yo akaba papipi ukufwa ⁴⁸ Po uYesu akati kukwache. ''pene papo ungalinga ivibonekelo sona nivyakuswighisa tewize usubalile.'' ⁴⁹ Aba songo bakati kukwache, ''Songo, za pansi bo umwana wane atafwile,'' ⁵⁰ uYesu akati kukwache, ''Bukanga umwana wako apola.'' Umunthu akasubalila izwi lyo uYesu akamubuzya sona akanyamuka nukubuka. ⁵¹ Bo akabuka pansi, abambombo bakakomana nawe nukunena ukuti umwana ali nubumi. ⁵² Po akabalalusya akabalilo ko andile pa kwivwa akiza.Bakamwamula ukuti ,''Mabwila pakabalilo ka seveni awala amaleliya ghakamala. ⁵³ Po utata akiza akumbukila ukuti kokabalilo ko uYesu ambuzizye ukuti, ''umwana apola.'' po umwene nuwambombo bakasubalila. ⁵⁴ Ichi chikaba chimanyisyo chabubili cho uYesu akabomba bo afuma mu Judeya nukuya mu Galileya