¹ Bo amasiku ghenda ghatatu, kukaba isendwa ku Kana mu Galileya, umama wa Yesu akaba kuko. ² UYesu nabafundiwa bache bakitiziwa kusendwa. ³ Bo ubala lyamala, umama wa Yesu akati kukwache, ''bate nubal.'' ⁴ UYesu akati kukwache ''We mwanakazi choni cho mukwiza kukwane? Akabalilo kane kachili pakwana.'' ⁵ Umama wache akati kubambombo, ''chonsi cho anganena numwe muchibombe.'' ⁶ Po pakaba inthendo izya minzi izya mabwe 6 zyo aba Yuda bakasukusulila, ubutali yikabanga 2 litazi pamo 3 litazi. ⁷ Uyesu akati kukwabo, ''izuzya aminzi mu nthendo .'' po bakizuzya mupaka popa pamwanya. ⁸ Po akababuzya abambombo, ''fumyamo ghamo muye nagho kwa mugabim usongo pobakabomba mwakanenela.'' ⁹ Umugabi usongo akanozya akagha aminzi ghaba bala,loli atakamanya ko ghafuma ( loli abambombo bobakasemba aminzi bakamanya ). po bakamwitizya uwa ukwati. ¹⁰ Sona ''akamubuzya akati, Umunthu wensi akugaba ubwalwa ubwiza pabwandilo po ubwalwa bubibi pobakolwa. loli musengwile ubwals ubwiza mwasengwile nakabalilo kano.'' ¹¹ Ichi chikaba chimanyikilo cha bwandilo cho uYesu akabomba mu Kana wa Galileya, po sona akasetula ubuchindamu bwache sona abamanyili bache bakamusubalila. ¹² Pafuma apa uYesu, unyina, abawamwabo, sona nabafundiwa bache bakaya ku kapenamu nukwikala kula amasiku ghanandi. ¹³ Bo pasaka wa ba Yuda apalamila, po uYesu akaya ku Jelusalemu. ¹⁴ Akabagha bobaghulizya ikhunda, ing'ombe izyakulima, ing'onzi mu tempele sona nabo bakachenjananga indalama bikalite mumo. ¹⁵ Po uYesu akapanga ichikali nusamazya bonsi ukufuma mu tempele, ukusazya vyonsi ing'ombe, ning'onzi.Akasasya bobakachenjananga indalama nu kung'anamula amatebulo. ¹⁶ Kwayo bakaghuzya inkhunda akamubuzya akati, ''Fumyapo ivinthu vino pano. Leka ukupanga inyumbaya Tata yabuchuluzi''. ¹⁷ Abafundiwa bache bakakumbukila ukuti vikasimbiwa, ''ichangwi cha nyumba yinu chizakundya une''. ¹⁸ Po abalamulilo boba Yuda bakitizya bakanena nawe bakati, ''chimanyikilo buli cho ungatulangizya uswe, pa vinthu vyo ukubomba?'' ¹⁹ UYesu akamula, ''vongola itempele sona mumasiku ghatatu inkhwiza pa kwi mika .'' ²⁰ Po abalamulilo boba Yuda bakuti, ''itempele yino yikazengwa nimyka 46, po uwe ukuti uzuzenga amasiku ghatatu?'' ²¹ Nanga buli Umwene akanena itempele lya mubili wache. ²² Bo azyuka kubufwe, abafundiwa bakakumbukila ukuti akanena zino, sona bakasubila vyo visimbiwe namazwi gho uYesu akiza anena. ²³ Bo uYesu ali muJelusalemu palusekelo lwa pasaka, poabinji bakasubila mwizina lyache bobalinga ivimanyikilo vyoakabomba. ²⁴ Loli uYesu atakabasubila abene chifukwa akabamanya bonsi, ²⁵ chifukwa atakalonda nayumo imilile ubukaboni akuyana nu munthu, pakuti umwene akamanya chochili mwa munthu,