¹ Mutakabe mwe ba manyisi mwe binji, ba wamwitu, pakuti mumenye uswe swe tukumanyisya tukwiza ukulongiwa nkhani ukupota. ² Pakuti twebonsi tukwipunula munzila iznji. Pala nayumo atakupunula mu mazwi, munthu wa bwanaloli, abaghile ukwikola mu mubili wache wonsi. ³ Po pala tubika ivikolelo mu milomo ya mbunda ukuti zitwivwe uswe, po tungalongozya ni mibili yonsi iya mbunda. ⁴ Muchimanye sona ukuti Isitima, napo zikulu hee sona zikwendeziwa ni mphepo iyamaka, loli zikwendeziwa na kasindano akanandi pakuya ko uwakwendezya ighana. ⁵ Munzila iyi, ululimi kachigaba ka mubili akanandi hee, loli lukwitumvya pa vinthu ivikulu. Mumanye sona mo akamoto akanandi kakwasizya inkholongo iyikulu. ⁶ Ululimi lope sona gho moto,chisu cha mbibi chakubikiwa pakasi pa banyitu. Ululimi lukunangania umubili ghonsi, lungapanga umoto mukabalilo ka bumi, sona lope lubikiwe mu moto wa Gehena. ⁷ Pakuti imitundu yonsi iya vinyamana vya mu nkholongo, iviyuni, ivyakwendela inyanda, sona nivipeliwa vya mu nyanja vitekiwe sona vikutekiwa nu munthu. ⁸ Loli nayumo umunthu yo angateka ululimi. Lutakutuzya pakunanga, lwizwile nu bubibi ubwakukoma. ⁹ Nalo lope tukumupala uMwene u Tata, sona nalo lope tukughunila abanthu, bo bapeliwe mu chifwani cha Chala. ¹⁰ Ukufuma mu mulomo woka uwonyene mukufuma ivisayo nu kughuna. Ba wamwitu, ivinthu ivi vitakabombiwenge. ¹¹ Ka ichifula chingabwitukila aminzi ghonsi aghakunona na ghakubaba? ¹² Ka umukuyu, ba wamwitu, wungela, ama vilu? Pamo ichikomo cha magelepusi, amakuyu? Nansiku aminzi ghambeya ghatangafumia aminzi ghakunona. ¹³ Ka wewenu wa mahala sona wakwivwa mukasi mumwinu? Za umunthu uyo abonesye ubumi ubwiza ni mbombo zyache mu kwiyisya kwa mahala. ¹⁴ Loli pala uli nakabini akakubaba sona ichinyonywa mu moyo, utakabusenge pamo ukutamantha pakususya ubwanaloli. ¹⁵ Agha te mahala gho ghakwiza pansi ukufuma kumwanya. Mu buyo bwache, gha chisu, vya mubili, zyo mphepo izibibi. ¹⁶ Pakuti po pali akabini sona ni chinyonywa, pakuba ivyakuvulungania sona ivibibi vyonsi vikubombwa. ¹⁷ Loli amahala aghakufuma kumwanya ghaswepu aghabwandilo, po umutende-wa lughano, ukwichindika,ukwinong'ona, ikwizula nu bwila ni vikomwa iviza, ivisita kususiwa nu kusita kupusikizya. ¹⁸ Ichikomwa cha bugholosu chikupesiwa mu mutende mukasi mu bo bakubika umutende.