1
Yesuah ruwa fi Jebel Zeitun.
2
Sabah bediri Huwo ja fi haikal kaman, nas kulu ja, Huwo geni tehet
wa bada alimu humon.
3
Mualimin ta ganun wa nas ferisiin jibu mara amsuku fi zina. Humon
wogifu hia fi nus.
4
wa humon kelim le Huwo, "Ya Mualim mara de gobudu fi zina.
5
Has fi ganun,
Musa kelim le nina, sikil nas del bi luku be hajer? Inta bi kelim shunu an hia?"
6
homon kelim
kalam de ashan bi ahriju Huwo wabiga humon bi tahamu Huwo. lakin Yesyah dengir tehet wa
katibu fi turab be ida Bito.
7
Wokit humon lisa bi istemir asalu Huwo, Huwo wogif fok wa kelim le
humon, "Fi nus bitakum al ma indu katiya, kede bada luku hia be hajer."
8
Wa kaman Huwo rija geni
tehet, wa katibu fi turab be ida Bito.
9
Wokit humon asuma kalam de, humon ruwa wahid wahid,
bada min nas kubar. Akir bito sibu Yesuah barau, be mara al kan al fi nus de.
10
Yesuah gum fok
wa kelim le hia, "Ya mara,wenu nas al tahamu inta de? mafi wahid agder hukumu inta?"
11
Huwo
kelim, "Mafi wahid, ya Rab." Yesuah kelim "kaman Ana ma bi hukumu inta, Amshi wa mata amulu
khatiya tani mara.
12
Yesuah kelim le homon tani,gali, "ana nur ta donia; zol al bi douru wara tai
ma bi douru fi doloma lakin houw bi kun indu nur ta haya."
13
ferisiin kelim le houw gali, inta bi
kun shahid le nefsa taki; shehada taki ma hagiga."
14
Yesuah juwabu wa kelim le homon, "sala kan
ana shahid an nefsa tai, shehada tai hagiga. laanu ana arufu ana ja min wen wa ana bi ruwa le
wen, lakin intakum ma arufu ana ja min wen aw ana bi ruwa wen.
15
intakum bi hakimu hasab
gisim; ana ma bi hakimu ai zol.
16
hasa kan ana hakimu, humkum tai hagiga lanu ana ma barauw,
lakin ana ma abu al rasulu ana.
17
Nam, wa fi ganun takum muktob be inu shihada ta rojulen yau
hagiga.
18
ana yau shahid ta nefsa tai, wa abu al rasulu ana houw bi shahid le ana."
19
homon kelim
le houw, "wenu abu taki?" yesuah juwabu, "intakum ma bi arufu ana wele abu tai; kan intakum
arufu ana, intakum bi arufu abu tai kaman."
20
Houw kelim kalam de fi al kazana wa houw bi alimu
fi haikal, wa mafi zol amsuku houw leanu saa tou lisa ma ja.
21
kaman houw kelim le homon
tani, "ana bi ruwa bara; intakum bi fetisu ana wa intakum bi mutu fi katia takum.mahal al ana
bi ruwa intakum ma bi agder ja."
22
wa yahodiin kelim, "bi kun houw der katulu nefsa towu?yau
houw bi kelim, ' mahal al ana bi ruwa intakum ma bi agder ja'?"
23
yesuah kelim le homon, intakum
min tehat; ana min fok. intakum min donia de; ana ma min donia de,
24
ashan kida, ana kelim le
intakum gali intakum bi mutu fi katia takum."
25
ashan kida homon kelim le houw, "inta munu?"
Yesuah kelim le homon, ana min bidaia ma kelim le intaku.
26
ana endi hajat ketirashan bi wonusu
wa bi hukum an intakum. al mohim zol al rasulu ana de houw hagiga; wa hajat al ana asuma
min houw,hajat de ana bi wori le donia,"
27
homon ma fahim gali houw bi kelim le homon an abu.
28
Yesuah kelim, " kan intakum arfa jena ta insan, yau intakum bi arufu inu de Ana, wa ana ma
amulu ai haja be nefsa tai. ze ma abu alimu ana, ana bi wonusu hajat de.
29
zol al rasulu ana houw
ma ana, wa houw ma bi sibu ana baraw, la anu ana fi kulu zaman bi amulu al hou bi rudu."
30
wokit
Yesuah bi kelim hajat de, ketiriin amin fi houw.
31
Yesuah kelim le Yahudiin al amin fi houw, "kan
intakum sabit fi kalam tai, intakum bi kun talamiz tai al hagiga;
32
wa intakum bi arufu al hagiga;
wa hagiga bi hareru intakum."
33
homon juwabu houw, " anina iyal ta Abrahim wa bi abidu ai zol;
kef inta bi kelim; 'intakum bi kun ahrar'?"
34
Yesyah juwabu humon, "Hagiga hagiga Ana wori le
intakum, ai wahid al bi amulu katia huwo kadam ta katia.
35
Kadam ma bi geni fi bet le nihaya, jena
yaw bi geni fi bet le nihaya.
36
Ashan kida, kan jena hariru intakum, hagiga intakum bi kun ahrar.
37
Ana aruf intakum iyal ta iyal ta Ibrahim; intakum bi fetisu teriga ashan bi katulu Ana ashan
kelima Bitai ma ligo mahal fi intakum.
38
Ana bi kelim haja al ana aynu min Abu Bitai, wa intakum
bi amulu haja al intakum asuma min abu bitakum."
39
Humon juwabu wa kelim le Huwo, "Abu
bitana Ibrahim." Yesuah kelim le humon, "Kan intakum iyal ta Ibrahim intakum bi amulu shokol
ta Ibrahim. Biga,
40
hasa intakum bi fetisu ashan bi katulu Ana, zol al wori le intakum al hagiga
al Ana asuma min Allah. Ibrahim ma amulu zede.
41
Intakum bi amulu shokol ta abu bitakum."
Humon kelim le Huwo, "Nina ma weledu min niyat ta zina; nina indu Abu wahid; Allah."
42
Yesuah
kelim le humon, ka Allah yau abu bitakum, intakum bi hibu ana, ashan ana ja min Allah ana hina;
ana ma ja be nefsa tai, Huwo yau rasulu Ana.
43
leh intakum ma bi fahim kalam tai? de ashan
intakum ma agder asuma kalam tai.
44
intakum ta abu takum, iblis, intakum der amulu nia ta abu
takum. huwo kan bi katulu min bidai huwo ma bi wogif fi hagiga ashan mafi hagiga fi huwo. kan
huwo bi wonusu kidib, huwo bi wonusu min tebia bito ashan huwo kadab wa abu ta kadabin.
45
Biga ashan ana bi kelim hagiga, intakum ma bi sedek Ana.
46
Munu min intakum bi wori katia
tai? Kan ana bi wonusu hagiga, le intakum ma bi sedek Ana?
47
Zol al kan ma Allah bi asuma
kalam ta Allah; intakum ma bi asuma humon ashan intakum ma min Allah."
48
Yahudin juwabu
wa kelim le Huwo, "Nina ma wori gali inta Samiriya wa inta indu shitan?"
49
Yesuah juwabu, "Ana
ma indu shitan, lakin ana bi ihterim Abu Bitai, wa intakum bi alisu ana.
50
Ana ma bi fetisu mejid
Bitai; fi wahid al bi fetisu wa bi hukumu.
51
Hagiga, hagiga, Ana bi kelim le intakum, kan ai wahid
bi hafizu kalam Bitai, huwo ma bi aynu mutu."
52
Yahudin kelim le Huwo, "Hasa nina aruf gali Inta
indu shitan. Ibrahim wa anbiya mutu; lakin inta kelim, "Kan ai wahid bi hafisu kalam Bitai, huwo
ma bi jeribu mutu."
53
Inta ma kebir min abu tanina Ibrahim al mutu, sei de inta? Anbiya kaman
mutu mutu. Inta der wori nefta taki gali inta munu?"
54
Yesuah juwabu, kan Ana bi mejidu nefsa
tai, mejid tai ma endu faida; abu Bitai yau bi mejidu Ana - de munu al intakum bi kelim huwo yau
Allah.
55
Intakum ma aruf huwo, lakin ana bi aruf huwo. Kan ana bi kelim, "Ana ma bi aruf huwo,
Ana bi kun ze intakum, kadab. Lakin, Ana bi aruf huwo wa bi hafizu kalam Bito.
56
Abu takum
Ibrahim tala mokosut wokit huwo aynu yom Bitai, huwo aynu wa kan mokosut."
57
Yahudin kelim
le Huwo, "Inta lisa ma wosulu 50 sena, wa inta aynu Ibrahim?
58
Yesuah kelim le humon, "Hagiga,
hagiga, Ana kelim le intakum, gubal Ibrahim, Ana fi."
59
Humon gum arfa hujar ashan bi luku Huwo,
.lakin Yesuah katis fi nus tomon wa tala min haikal