¹ hasa ze ma yesuah bi ruwa, howu ayenu zol amiyan mini weledu howu. ² talamiz bito asalu howu, "rabi, munu amulu katia, de zol de wele abuhat bito, yahu weledu howu amiyan?" ³ Yesuah juwabu, "zol de ma amulu katia wele abuhat bito, lakin ashan shukol ta Alla bi zahir fi huwo. ⁴ lazim anina bi eshtakal shokol bito al huwo rasulu ana ligo lisa nahar. bilel bi ja al mafi zol bi agder eshtakal. ⁵ ligo ana fi donia, ana yahu nur ta donia." ⁶ bad ma Yesuah kelim kalamat de, huwo tufu fi wata, huwo amulu tin be buzag, wa layesu tin de fi ena bito. ⁷ huwo kelim le huwo, "ruwa, kasulu fi birkata salom (al bi terjimu gali: rasulu)." biga zol de ruwa kasulu, wa rija biga bi ainu. ⁸ biga jerenat bito wa nas al kan ainu huwo min bederi homon kelim, " de ma yahu zol al bi geni wa bi asalu?" ⁹ tbad min homon kelim de huwo," tanin kelim, "la lakin huwo ze huwo." lakin huwo kelim,de ana." ¹⁰ homon kelim le huwo, "biga kef ena taki fata?" ¹¹ huwo juwabu, "zol al isim bito Yesuah amulu tin wa leyesu fi ena tai wa kelim le ana. 'ruwa ela siloam wa kasulu.' yaho ana ruwa wa kasulu, wa ana istelim nazar." ¹² homon kelim le huwo, wenu huwo?" Huwo juwabu, Ana ma arufu." ¹³ homon jibu zol al kan amiyan de le ferisiin. ¹⁴ kan de fi yom sebit zaman Yesuah amulu tin wa fata ena bito. ¹⁵ kaman tani ferisiin asalu huwo kef huwo ligo nazar. huwo kelim le homon, huwo kutu tin fi ena tai,ana kasulu, wa ana biga hasa bi ayinu." ¹⁶ bad min ferisiin de kelim, "zol de ma min Allahashan huwo ma hafisu al sebit." tanin kelim, kef zol al ta katia bi amulu ayat?" ashan kida homon gesimu fi badu bitomon. ¹⁷ ashan kida homon asalu zol al amiyan de tani, inta bi kelim shunu an huwo, bad ma huwo fata ena taki?" zol al amiyan de kelim, "huwo nebi." ¹⁸ hasa yahudin lisa ma bi sedeg an huwo gali huwo kan amiya wa huwo biga bi aynu lahadi homon nadi abuhat ta zol al kan biga bi ayenu. ¹⁹ homon asalu abuhat , de yahu jena takumal intakum bi kelim gali weledu huwo amiyan? kef huwo hasa bi ayenu?" ²⁰ ashan kida abuhat bito juwabu homon, nina arufu gali de jena tanina wa weledu huwo kan amiyan. ²¹ kef huwo hasa bi ayenu anina ma arufu, wa munu yahu fata ena bito,anina ma arufu. asalu takum huwo, huwo biga kebir. huwo bi agder wonusu an nefsa bito." ²² abuhat bito kelim hajat de, leanu homon kan bi kafu min al yahudin. leanu al yahud ka aslan tefagu gali kan ai wahid rudu gali de mesih, bi jadau huwo bara min mujama. ²³ ashan kalam de, abuhat bito kelim, "huwo biga kebir, asalu huwo." ²⁴ ashan kida homon nadi zol al amiyan de tani marawa kelim le huwo, wodi mejid le Allah. anina arufu gali zol de huwo ta katia." ²⁵ biga zol de rija juwabu, ana ma bi arufu kan huwo ta katia." wahid haja ana bi arufu: ana kan amiyan, wa hasa ana bi ayenu." ²⁶ biga homon kelim le huwo, " huwo amulu shunu le inta?kef huwo fata ena taki?" ²⁷ huwo juwabu, ana kelim le intakum kalas, wa intakum ma bi asuma! malu intakum der asuma tani mara?sei inatkum ma der kun talamiz bito kaman, intakum der? homon shetimu huwo wa kelim, inta yahu tilmiz bito, lakin anina talamiz ta musa. anina arufu gali Allah kelim le musa, lakin anina ma bi arufu al wahid de min wen." ²⁸ Humon shitimu huwo wa kelim, "Inta telmiz Bito, Lakin nina talamiz bita Musa. ²⁹ Nina aruf gali Allah wonusu le Musa, lakin nina ma aruf de min wen." ³⁰ zolde juwabu waelim le homon, de ajib, intakum ma bi arufu huwo min wen, wa hasa huwo fata ena tai, ³¹ anina arufu gali Allah ma bi asuma le katiin, lakin kan wahid tani mumin wa amulu erada bito,huwo bi asuma le huwo. ³² min bidaya ta dunia mafi zol asuma gali fi zol fata ena ta zol al weledu amiyan. ³³ kan zol de ma min Allah huwo ma bi agder amulu haja." ³⁴ homon juwabu wa kelim le huwo, weledu inta kulu fi katia , wa inta alimu anina?"biga homon tala huwo bara. ³⁵ Yesuah asuma gali homon tala huwo bara min majma. huwo ligo huwo wa kelim, "sei inta amin fi jena ta insan?" ³⁶ huwo juwabu wa kelim, huwo munu, rabuna, ashan ana bi amin fi huwo?" ³⁷ Yesuah kelim le huwo, "inta aynu huwo, wa de huwo yahu bi kelimma inta." ³⁸ zol de kelim, " rabuna, ana amin " wa huwo abidu huwo. ³⁹ Yesuah kelim, " le hukum ana ja fi dunia ashan del al ma bi ayenu bi ayenu wa wa le del al bi ayenu homon bi tala amiyan." ⁴⁰ bad min feresin al kan ma huwo asuma hajat de wa asalu huwo, " hal anina kaman aminyan?" ⁴¹ Yesuah kelim le homon, kan intakum amiyan, intakum ma bi kun enu katia, .lakin hasa intakum kelim, 'anina bi ayenu, ashan kida intakum lisa fi katia