¹ wa bad hajat de Yesuwa safir gerib fi jelil, leanu hou ma der ruwa fi yahudia ashan nas yahud bi fetisu ashan bi katulu hou. ² wokit eaid ta yahud eaid mazal biga gerib. ³ akuana tou kelim le hou gali, "rahalu min mahal de wa ruwa le yahudia, ashan talamiz taki kaman bi aynu hajat al ita bi amulu. ⁴ mafi zol bi amulu ai haja fi sir kan hou der ashan bi arufu. kan ita bi amulu hajat de wori nefsa taki le donia." ⁵ leanu hata akuana tou kaman ma bi amin fi hou. ashan kida Yesuwa kelim le homon, ⁶ zaman tai lisa ma ja, lakin zaman takumkulu yom jahiz. ⁷ donia ma bi agder ashan bi aba itakum, lakin hou bi aba ana ashan ana bi wori le hou gali amail tou batal. ⁸ tala takumwa ruwa takum fi eaid de;ana ma bi ruwa fi eaid de ashan zaman tai hasa lisa ma kalasu." ⁹ bad hou kelim le homon hajat de, hou geni fi jelile. ¹⁰ zaman akuna tou tala wa ruwa fi eaid, hou kaman ruwa, ma gidam nas lakin fi sir. ¹¹ yahudin kan bi fetisu hou fi eaid wa homon bi kelim gali wenu hou?" ¹² wa kan biga fi munakash ketir gidam ta nas an hou, "baad min homon bi kelim gali, hou rajil kwes." wa tanin bi kelim, la," hou bi woduro nas. ¹³ lakin mafi zol kan wonusu be shuja gidam nas an hou ashan kafu tomon min yahud. ¹⁴ wa zaman wosulu fi nus ta ead, Yesuwa ruwa fi haikal wa ka hou bi alimu. ¹⁵ wa nas yahud biga mustagrabin, homon kelim gali "kef rajil de bi arufu ketir? hou ma mutalim. ¹⁶ Yesuwa juwabu homon wa kelim,"talimtai ma le ana, lakin le zol al rasulu ana. ¹⁷ iza kan zol der amulu irada tou, hou bi arufu talim de, kan ja min Allah wele ana bi wonusu be nefsa tai. ¹⁸ zol al bi wonusu min nefsa tou houbi talabu mejid ta tou, lakin zol al bi talabu mejid ta zol al rasulu hou, zol de hou hagiga, wa mafi zulum fi hou. ¹⁹ de ma musa yauo wodi le itakum ganun? wa hasa mafi zol min itakum bi hafisu ganun. malu itakum der katulu ana?" ²⁰ kulu nas juwabu wa kelim, ita endu shetan. munu yauo der katulu ita?" ²¹ Yesuwa juwabu wa kelim le homon, wahid shokol ana amulu, wa itakum kulu mustagrabin ashan hou. ²² musa wodi le itakum tohur, )de ma min musa lakin de min abuhat(,wa fi sebit itakum bi tehiru insan. ²³ iza kan insan bi rudu tuhour fi sebit ashan ganun ta musa ma bi kasuru, malu itakum zalanin min ana ashan ana wodi shefa kamil le insan fi sebit? ²⁴ matakum hukumu be haja al zahir, lakin hukumu be adala." ²⁵ nas tanin min jerusalem kelim, de ma yauo al der katulu hou de? ²⁶ ayenu takum, hou bi kelim adil, wa homon ma kelim le hou ai haja. sei nas ganun de ma arufu hagiga gali de yauo al mesih,? ²⁷ hasa ana arufu hou min wen. lakin al mesih kan ja, mafi zol bi arufu hou min wen." ²⁸ tawali Yeswa nadi fi haikal wa hou bi alimu, gali, itakum arufu ana wa itakum arufu ana ja min wen. ana ma ja be nefsa tai, lakin al rasulu ana de hou hagiga, wa itakum ma bi arufu hou. ²⁹ ana arufu hou ashan ana ja min huwo wa hou yauo rasulu ana." ³⁰ homon hawil ashan bi gobudu hou, lakin mafi zol medu edan tou le hou ashan saa tou lisa ma ja. ³¹ lakin ketir min nas amin fi hou, wa homon kelim, "iza al mesih ja, hou bi amulu isharat ketir min al de amulu. ³² pharisein asuma nas bi nakish hajat de an Yesuwa, wa ruasaa ta kahana wa al phariseein rasulu kadamin ashan bi amsuko hou. ³³ Yesuwa kelim le homon, "ana lisa ma itakum be zaman besit, bad dak ana bi ruwa le zol al rasulu ana. ³⁴ itakum bi der ana lakin itakum ma bi ligo ana; mahal al ana bi ruwa foko, itakum ma bi agder ja foko." ³⁵ nas yahud bad kelim fi baduon tomon, "insan de der ruwa wen hata ana ma bi agder ligo hou? hou der ruwa ferigo bein yonanin wa bi alimu yonanin? ³⁶ kalam de mana tou shunu al hou kelim de, itakum bi kun der ana lakin itakum ma bi ligo ana; mahal al ana bi ruwa foko itakum ma bi agder ja foko'?" ³⁷ Wa fi akir yom ta Eid al kebir, Yesuah wogif wa kelim be sot fok kalis, gali, "Kan ai wahid atshan, kede ja le Ana ashan bi ashrab. ³⁸ Al kan amin fi Ana bes ze kitab kelim, anhar ta moyo al hai bi jere min juwa batna bito." ³⁹ Lakin Huwo kelim zede ashan Roho, al del al amin fi Huwo bi ligo. Al Roho lisa ma wodi ashan Yesuah lisa ma mejidu. ⁴⁰ Nas tanin, wokit asuma kalam de, humon kwlim, "Hagiga de nebi, ⁴¹ Tanin kelim, "De yau al Mesih." Lakin tanin kelim., "Sei al Mesih bi ja min Jelil? ⁴² kitab ma kelim gali al Mesih bi ja min iyal ta Daud wa min Bet laham, beled al Daud fogo?" ⁴³ Hasil ingisamat fi nus ta nas del be sabab Bito. ⁴⁴ Tanin hawil ashan bi gobudu Huwo, lakin mafi wahid kutu idan fi Huwo. ⁴⁵ Tuwali huras ta Hikal rija le Ruasaa ta Haikal wa Ferisiin, wa asalu humon gali, "Le intakum ma jibu Huwo?" ⁴⁶ Huras del juwabu, "mafi zol wonusu zede." ⁴⁷ Kaman al Ferisiin juwabu humon, "Kaman kabasu intakum?" ⁴⁸ Intakum aynu munu min hukam del amin be Huwo, aw min ferisiin del? ⁴⁹ Lakin nas al ma aruf ganun, humon bi ligo laana." ⁵⁰ Nikodimos ( wahid min ferisiin, al kan ja le huwo bilel) kelim le humon, ⁵¹ hal ganun ta nina bi hukumu zol gubal ma asuma min huwo?" ⁵² humon juwabu wa kelim le huwo, kaman inta min jelil? fetisu wa aynu mafi nebi bi tala min Jelil." ⁵³ Wa ai zol futu .le bet bito