¹ bad hajat de kulu, Yesuwa ruwa fi itija ta bahar al jelilil, wa kaman bi nadi bahar tibiria. ² nas ketir kan bada ruwa wara ta Yesuwa ashan humon aynu ajaib al kan Hou amulu fi nas al ayanin. ³ wa Yesuwa tala fok fi jebel wa hou keni hinak ma talamiz to. ⁴ wa fi zaman dak kan eaid ta zekra ta Yahud bia gerib. ⁵ zaman Yesuwa arfa ena tou hou aynu nas ketir bi ja le hou, Hou kelim le philip, min wen ana bi ruwa biyu eash ashan nas del bi akulu? ⁶ lakin Yesuwa kelim kida ashan hou der ektebir Philip, lanu hou arufu hou bi ruwa amulu shnu. ⁷ Phlilip juwabu hou, ma bi timu homon eash ta miten dinar ashan ai wahid bi agder shilu shala kan besid. ⁸ wahid min talamiz, Andrew, aku ta Simon Petre, kelim le yesuwa, ⁹ fi weled hina hou endu kamsa eash sheair wa etnen samag, wa lakin de bi kun kefle le nas al ketir de? ¹⁰ Yesuwa kelim, kutu nas kede geni tehat. (wa kan fi Aashab ketir fi mahal daK, wa rijal bada geni tehat, adad tomon kamsa alif. ¹¹ Yesuwa bada shilu eash de wa barik, hou wodi le nas al geni de. hou amulu nefsa haja le samagaten kaman, gudur al homon der. ¹² zaman nas biga shabanin, hou kelim le talamiz tou, limu limu takum bagi al kasuru de, ashan kede mafi haja woduru. ¹³ homon limulimu fok wa mala etnashar gufa min al kasuru, min eash ta sheair al fadulu min nas al akulu de. ¹⁴ biga, zaman nas aynu haja al Hou amulu de, homon bada kelim, de hagiga nebi al bi ja fi donia. ¹⁵ wa Yesuwa arufu gali homon endu nia ashan bi ja shilu hou be guwa wa bi kutu hou meli, hou ruwa fok fi jebel baraw. ¹⁶ wa zaman ta misa, talamiz tou nezille fi bahar. ¹⁷ homon dakalu fi murkab, homon der gata bahar ashan bi ruwa fi kafarnaho. zaman dak kan biga bilel, wa Yesuwa ma ja le homon. ¹⁸ hawa shedid wa habub, ja bada hezu bahar. ¹⁹ zaman homon le masafa ta kamsa wa eshirin le teletin, humon aynu yesuwa bi ruwa fi moyo ta bahar gerib min sefina, homon bada kafu. ²⁰ lakin hou kelim le homon :"de ana , matakum kafu!". ²¹ biga homon rudu ashan bi gabilu hou fi murkab. wa bad kida murkab de bada ruwa le arid al homon kan bi ruwa foko. ²² biga fi yom nimra etnin, nas al kan bi wogif fi taraf bahar homon aynu be inu murkab tani biga mafi ile wahid,wa Yesuwa ma dakalu ma talamiz fi murkabwa lakin talamiz homon ruwa baraw. ²³ lakin fi muekab tani ja min tiberiagerib min mahal al kan homon akulu fogo ashe, bad ma homon shukuru rabuna. ²⁴ zaman nas aynube inu Yesuwa wa talamiz tou biga mafi hinak, homon kaman bada dakalu fi murkabwa homon ja le capernaum ashan bi fetisu Yesuwa. ²⁵ wokit homon ligo hou fi taraf bahar, homon kelim le hou gal: "rabbi, miten ita ja hini?" ²⁶ Yesuwa juwabu homon,gali,"hagiga hagiga itakum bi fetisu ana ma ashan itakum aynu mujiza, lakin ashan itakum akulu min eash wa itakum biga shabanin. ²⁷ amulu takum ma ashan akil al bi kalasu, lakin amulu takum le akil al bi fadulu le haya al abadia al jena ta insan bi wodi le itakum, leanu alla al abu yawo katimu hou." ²⁸ wa homon bada kelim le hou, "ana bi amulu shunu ashan ana bi amulu shukol ta Alla? ²⁹ "Yesuwa juwabu wa kelim le homon, "de yawo shokol ta Alla: keli itakum amin be zol al hou rasulu." ³⁰ biga homon kelim le hou, yato mujiza ita bi amulu, ashan ana bi ainu wa bi amin be ita? ita bi amulu shun? ³¹ abuhat tana akulu al maan fi sahara,ze ma katibu, 'hou wodi le homon eash min samaashan bi akulu"" ³² biga Yesuwa kelim le homon, "hagig, hagiga, de ma musa yawo wodi le itakum eash min sama, lakin de abu tai yauo bi wodi le itakum eash al hagiga min sam. ³³ leanu eashta Alla hou ali bi nezil min sama wa bi wodi haya le dunia." ³⁴ biga homon kelim le hou, "ya seaid, wodi le ana eash de kulu yom." ³⁵ Yesuwa kelim le homon, "ana yauo eash ta haya, zol al bi ja le ana ma bi tala jiyan,wa al bi amin be ana ma bi tala atshan. ³⁶ lakin ana kelim le itakum hagiga itakum ayenu ana, wa itakum ma amin. ³⁷ kulu zol al abu tai bi wodi le ana hou bi ja le ana, wa zol al ja ana ma bi tala hou bara. ³⁸ leanu ana nezil min sama, ma ashan bi amulu irada ta, lakin irada ta zol al rasulu ana. ³⁹ de yauo irada tou al hou rasulu ana, kulu al hou wodi ana ma bi woduro min foko wele wahi, lakin ana bi guomu homon fi yom ta aki. ⁴⁰ leanu de yauo irada ta abu tai, inu kulu zol al bi ayenu jena wa bi amin foko hou bi kun indu haya abadia wa ana bi goumu hou fi yom ta akir. ⁴¹ biga yahoud bi wonusu tehat tehat le hou ashan hou kelim gal,"ana yauo eash al nezil min sama. ⁴² homon kelim gali de ma yauo yesuwa jena ta yusif, al ana arufu abu wa uoma tou? kef hou bi kelim gali ana nezil min sama'?" ⁴³ Yesuwa juwabu wa kelim le homon gali, matakum wonusu wonusu fi badon takum. ⁴⁴ mafi zol bi agder ja le ana kan abu al rasulu ana ma geribu hou, wa ana bi goumu hou fi yom ta akir ⁴⁵ hou muktob fi anbia, 'kulu zol bi alimu min Alla.' kulu zol al asuma wa ligo talim min abu bi ja le ana. ⁴⁶ mafi zol aynu abu, ile al hou min Alla-yauo aynu abu. ⁴⁷ hagiga, hagiga, zol al bi amin indu haya abadia. ⁴⁸ Ana yauo eash ta haya. ⁴⁹ abuhat takum akulu manna fi sahara wa homon mutu. ⁵⁰ de yauo eash al nezil min sam, zol al bi akulu min eash de hou ma bi mutu. ⁵¹ Ana yauo eash al hai al nezil min sama. kan zol akulu min eash de hou bi hai le nihaya. wa eash al ana bi wodi de hou gisim tai ali ana dafa ashan donia bi ligo haya. ⁵² yahudin bada ferigo badun tomon wa homon kelimu, gali, "kef de bi agder wodi le ana gisim tou ashan ana bi akulu" ⁵³ biga yesuwa bada kelim le homon, "hagiga, hagiga, kan itakum ma akulu gisim ta jena ta insan wa ashurubu dom tou, itakum ma bi kun endu haya. ⁵⁴ zol al bi akulu gisim tai wa bi ashrab dom tai hou endu haya abadia, wa ana bi goumu hou fi yom ta akir. ⁵⁵ lanu gisim tai akil hagiga, wa dom tai shirab hagiga. ⁵⁶ zol al bi akulu gisim tai wa bi ashirab dom tai hou bi sabit fi ana, wa ana fi hou. ⁵⁷ ze ma abu tai al hai rasulu ana, wa ana bi hai ashan abu, kaman zol al bi akulu ana, hou bi hai ashan ana. ⁵⁸ de yauo eash al nezil min sama, ma ze abuhat takum akulu wa wa homon mutu. zol al bi akulu eash de hou bi hai le abad. ⁵⁹ lakin yesuwa kelim kalam de fi majma zaman hou bi alimu fi capernaum. ⁶⁰ ketir min talamiz tou zaman asuma kalam de homon kelim, "de taalim al saab; munu yauo bi rudu kalam de?" ⁶¹ yesuwa arufu gali talamiz tou bi wonusu wonusu fi badun tomon ashan kalam de, hou kelim le homon, de yauo sababu mushkila le itakum? ⁶² biga kan itakum aynu jena ta insanbi ruwa fok le mahal al kan hou foko min bedir? ⁶³ de roho yauo bi wodi haya, lakin gisim ma endu faida le ai haja. kalam al ana bi kelim le itakum de hou roho, wa hou haya. ⁶⁴ hasa fi nas fi nus takum ma bi amin. "lanu yesuwa arufu min bidaya nas munu yauo ma bi amin wa de munu yauo bi selimu hou. ⁶⁵ hou kelim gali,"de ashan kida ana kelm le itakum mafi zol bi agder ja le ana ili kan abu yauo wodi ho." ⁶⁶ ashan kida, ketir min talamiz tou rija wara wa homon ma ja tani ashan bi douru ma ho. ⁶⁷ wa Yesuwa bada kelim le itnashar de gali, itakum kaman ma der rija wara, wele itakum der?" ⁶⁸ samaan buturs juwabu hou, "ya Rab le munu ana bi ruwa? kalam ta haya al abadia fi le ita, ⁶⁹ wa ana amin wa ja arufu gali inta yauo al kudus ta Alla." ⁷⁰ Yesuwa kelim le homon, de ma ana yauo azilu itakum, al etnashar, wa wahid min itakum shetan?" ⁷¹ hasa hou kelim be sabab ta samaan al escariot, leanu hou wahid min etnasha, al kan .endu nia ashan bi selimu Yesuwa