¹ Baad ma Yesuah wonusu kalamat del, Huwo tala ma talamiz Bito fi safa ta wadi kadarun, mahal al kan fogo jinana Huwo wa talamiz Bito dakalu fogo. ² Biga Yahuza al bi ja selimu Huwo, arufu mahal de, ashan Yesuah baad marat bi ruwa ma talamiz bito fogo. ³ Baad dak Yahuza shilu mojmu min asakir wa nas huras bita haikal wa nas Ferisiin, humon ruwa hinak be lambat, wa batariat, wa silahat. ⁴ Biga Yesuah, al arufu kulu hajat al kan hasil le humon, ruwa gidam wa asalu humon, "intakum bi aynu le munu?" ⁵ humon juwabu huwo, Yesuah bita Nazereta." Yesyah kelim le humon, "Ana yau." Yahuza, al selimu Huwo, kan wagif ma asakir del. ⁶ Min hinak wokit Huwo kelim le humon, "Ana yau," humon rija wara wa humon waga fi wata. ⁷ kaman tani Huwo asalu humon, "Intakum der munu?" Kaman tani humon kelim, "Yesuah bita Nazereta." ⁸ Yesuah juwabu, "Ana wori le intakum gali Ana yau. Kan intakum bi fetisu Ana, sibu del kede ruwa." ⁹ De kan ashan kalam al Huwo kelim bi timu; "Le del al inta wodi le Ana, mafi wahid woduru." ¹⁰ Min hinak Semaan Butrus, kan indu sef, huwo talau wa dugu be kadam ta reis bita kahana wa gata adana yemin bito bara. Isim ta kadam de kan Malkos. ¹¹ Yesuah kelim le Butrus, "rija sef de fi mahal bito. Kede ana ma ashurubu kas al Abu wodi le Ana? ¹² Mojmu bita firka wa asakir wa huras bita al haikal ta yahud, gobudu Yesuah wa robutu Huwo. ¹³ Shilu Huwo awel le Hanan, nesib bita Giyafa, al kan yau reis bita kahana zaman dak. ¹⁴ Giyafa kan wodi talimat le Yahud ashan gali bikun kews kan wahid zol mutu bidal nas kulu. ¹⁵ Smaan Butrus tabi Yesuah, wa kaman telmiz tani. Telmiz tani de kan reis bita kahana bi arufu huwo, huwo dakalu ma Yesuah fi juwa mahkama ta reis bita al kahana. ¹⁶ Lakin Butrus kan bi wogif bara fi bab. Telmiz tani al maruf be reis bita kahana de, gum tala bara wa wonusu ma mara al gafir de wa dakalu Butrus juwa. ¹⁷ Mara al marasula, wa gafir ta bab de, kelim le Butrus, "Inta sei ma wahid min talamiz ta zol de?" Huwo kelim. "De ma ana." ¹⁸ Kaman kan kadamin wa junud del bi wogif hinak, humon walau na ashan kan jow barid, humonbi geni sukunu badu. Butrus kaman kan fi ma humon, bi wogif hinak wa bi sukunu jsim bito. ¹⁹ Reis bita kahana bada asalu Yesuah be kalam talamiz Bito wa kaman be taalim Bito. ²⁰ Yesuah juwabu huwo, "Ana wonusu bara le dunia. Ana daiman kan bi derisu fi majama wa fi haika al kan kulu Yahud bi limu sawa. Ana ma kelim haja fi sir. ²¹ Leh intakum asalu ana? Asalu del al asuma ana, sunu yau kan Ana bi kelimu. Aynu, nas del arufu shunu Ana kan kelim." ²² Wokit Yesuah kelim ze de, wahid min huras del gum wogif wa nowuru Yesuah be kof wa kelim, "Ze de Inta bi juwabu reis bita kahana? ²³ Yesuah juwabu huwo, "Kan Ana wonusu galat, wori galat de, wa kan kwes leh inta nowuru Ana?" ²⁴ Min hinak Hanan robutu Huwo wa rasulu le Giyafa reis bit al kahana. ²⁵ Wokit lisa Samaan Butrus kan bi wogif wa bi sukunu jisim bito . Nas del biga kelim le huwo, "Inta sei ma wahid min talamiz Bito?" Huwo anguru wa kelim, "De ma ana." ²⁶ Wahid min kadamin bita reis al kahana, huwo kan ahal ma zol al Butrus gata adana bito bara de,, kelim, "Sei de ma Inta al ana aynu fi jinana ma Huwo?" ²⁷ kaman Butrus anguru tani, fi nefsu zaman Dik bada kore. ²⁸ Humon bada shilu Yesuah min Giyafa le riasa bit hukuma. fi sabah bedri, wa humon ma dakalu fi riasa bita hukuma ashan kede humon ma kun nijis wa kaman ma bi akulu fi Eid. ²⁹ Bilatus ruwa le humon bara hinak wa kelim, "Yatu tuhma intakun jibu did zol de?" ³⁰ Humon juwabu wa kelim le Huwo, "Kan zol de ma amulu haja bataln nina ma bi jibu Huwo le inta." ³¹ Bilatus kelim le humon, "Shilu takum huwo, wa hukumu takum Huwo be ganun bitakum." Yahudin del kelim le huwo," De mafi fi ganun ta nina ashan bi katulu zol." ³² Humon kelim ze de ashan kelima ta Yesuah bi timu al huwo kelimu wa bi wori shikil mutu yatu Huwo bi mutu. ³³ Bilatus gum dakalu fi riasa ta hukuma wa nadi Yesuah wa kelim le Huwo, "Sei Inta melik bitw Yahud?" ³⁴ Yesuah juwabu, "inta bi kelim min nefsak, wole nas tanin yau wori le inta kalam Bitai?" ³⁵ Bilatus juwabu, "Ana ma Yahudi, sei?" nas taki wa ruasa bita kahana yau selimu Inta le ana. Inta amulu sunu? ³⁶ Yesuah juwabu, "Mamlaka Bitai ma ta dunia de. Lo kan mamlaka Bitai min dunia hini,kan kadamin Bitai bi shakil ashan kede ma selimu Ana le Yahud.Lakin ashan mamlaka Bitai ma min hini. ³⁷ "Bilatus biga kelim le Huwo, kan kida Inta melik?" Yesuah juwabu, "Inta kelim gali Ana melik. Ashan kida weledu Ana, wa le sabab de Ana ja fi dunia, ashan Ana bi ligo shuhud le al hak. Ai wahid al bita hagiga bi asuma le sot Bita." ³⁸ Bilatus kelim le Huwo, "De sunu yau hagiga?" wokit huwo kelim ze de, huwo tala bara tani le Yahud wa kelim le humon, "ana ma ligo galat fi zol de. ³⁹ Lakin ana daiman bi fiku le itakum wahid zol fi Eid. Itakum der kede ana fiku melik bita Yahud le itakum?" ⁴⁰ Hmon bada kore tani shedid gali, "Ma zol de, lakin Barabas." Barabas de kan .harami