¹ Bad Yesuah kelim hajat de, huwo arfa ena bito fok fi sama wa kelim, "Abu, saa bito ja, mejidu jena taki ashan biga jena bi mejidu inta- ² ze ma inta wodi le huwo sulta fok kulu gisim ashan huwo bi wodi haya abadia le ai wahid al inta wodi le huwo. ³ De yau haya abadia: ashan humon bi aruf gali inta bes yau Allah al hagiga, wa Yesuah Al mesih al Inta rasulu. ⁴ Ana mejidu inta fi dunia. Ana kalsu shokol al Inta wodi le Ana ashan amulu. ⁵ Hasa, Ya Abui, mejidu Ana gidam bitak be mejid al Ana indu le inta fubal ma kalagu dunia. ⁶ Ana beinu isim Bitak le nas al Inta wodi le Ana min dunia. Humon kan taki, wa Inta wodi le Ana, wa humon hafisu kalam bitaki. ⁷ Hasa humaon arufu gali kulu haja al inta wodi le Ana ja min Int, ⁸ ashan Ana wodi le humon kulu kalamat al ja min Inta, wa humon amin gali Inta rasulu Ana. ⁹ Ana seli le humon. Ana ma seli le dunia lakin le del al inta wodi le ana, ashan humon taki. ¹⁰ ai haja al le ana huwo taki wa taki huwo tai, wa ana mejidu fi humon. ¹¹ ana ma bi geni towil fi donia lakin nas del humon fi donia, wa ana ja le intakum Abu al kudus,hafisu humon fi isim bitaki al inta wodi le ana ashan humon bi kun wahid, ze ma anina wahid. ¹² Zaman ana kan ma humon, ana hafisu humon fi isim taki del al inta wodi le ana. ana aynu humon, wa mafi wahid min humon karabu, ile jena ta karaba, ashan kalam al katibu bi kun kamil. ¹³ hasa ana jai le intakum, lakin ana kelim hajat del fi donia ashan humon bi kun endu farah bitai fi nufus bitomon kamil. ¹⁴ ana wodi le humon kalam bitaki, wa donia aba humon ashan humon ma min donia, ze ma ana ma min donia. ¹⁵ Ana ma asalu min inta ashan bi shilu humon min donia, lakin le inta ashan bi hafisu humon min haja al batal. ¹⁶ humon ma min donia, ze ma ana ma min donia. ¹⁷ kutu humon fi hagiga bitak. kalam taki hagiga. ¹⁸ Ze ma inta rasulu ana fi donia, kaman ana rasulu humon fi donia. ¹⁹ min ajli humon ana wodi nefsa bitai, ashan humon kaman bi kun fi hagiga. ²⁰ Ana bi seli ma bes le del, lakin kaman le del al amin fi ana min kilal kalam bitomon ²¹ ashan humon kaman bi kun wahid, ze inta, Abu, fi ana, wa ana fi inta. ana bi seli ashan humon kaman bi kun fi anina ashan donia bi amin gali inta rasulu ana. ²² Mejid al inta wodi le ana, ana wodi le humon, ashan humon bi kun wahid: ²³ ana fi humon, wa inta fi ana- ashan humon bi agder timo wa bi kun fi wehda, ashan donia bi arof gali inta rasulu ana, wa inta hibu humon ze ma inta hibu ana. ²⁴ Ya abui, ana der del al inta wodi le ana ashan bi geni ma ana fi mahal al ana bi geni foko, wa ashan bi aynu mejid bitai, mejid al inta wodi le ana ashan inta hibu ana gubal galiga bita donia. ²⁵ Ya Abui al bar, dunia ma arufu Inta, lakin Ana arufu Inta, wa del arufu gali Inta rasulu Ana. ²⁶ ana kutu isim Bitak maruf le humon, wa kaman Ana bi kutu kede ".arufu gali muhaba al Inta hibu be Ana bi kun fi humon, wa ana bi kun fi humon