¹ Ana kelim le intakum hajat de ashan kede itakum ma bi ligo tasir. ² humon bi tala intakum bara min min majma. lakin fi zaman bi ja wokit kulu zol al bi katulu intakum bi fekir gali huwo bi gedimu kidma le Allah. ³ Humon bi amulu hajat de ashan humon ma arufu abu wele ana. ⁴ ana bi wori le intakum hajat de ashan biga kan zaman tomon ja, intakum bi zekir gali ana kelim le intakum an humon. ana kan ma kelim le intakujm an hajat fi bidaya, ashan ana kan ma intakum. ⁵ Lakin hasa ana bi ruwa le huwo al rasulu ana, lahadi hasa mafi zol min intakum asalu ana, inta bi ruwa wen?' ⁶ lakin ashan ana kelim hajat de le intakum, huzon mala fi gulub bitakum. ⁷ lakin hagiga ana kelim le intakum, lakin ahsan le intakum leanu ana bi ruwa. leanu iza ana ma ruwa, al muazeema bi ja le intakum, lakin iza ana rua, ana bi rasulu huwo le intakum. ⁸ Wokid huwo bi ja, al muazee bi asbit le donia an batal bita katia, an shokol adil, wa an hukum- ⁹ an katia, ashan humon ma amin fi ana, ¹⁰ an shokol adil, ashan ana bi ruwa le abu, wa intakum ma bi ainu ana ketir; ¹¹ wa an hukum, ashan hakim ta donia de hukumu kalas. ¹² Ana endi hajat ketir ashan bi wori le intakum, lakin intakum ma bi fahim huomn hasa. ¹³ lakin wokit huwo, roho ta hagiga, bi ja, huwo bi arshidu intakum fi kulu hagiga, leanu huwo ma bi wonusu min nefsa bito. lakin huwo bi kelim kulu al huwo bi asuma, wa huwo bi kelim le intakum hajat al bi ja. ¹⁴ huwo bi mejidu ana, leanu huwo bi shilu min al ana endu wa huwo bi kelim le intakum. ¹⁵ kulu hajat al abu endu de le ana. ashan kida , ana kelim gali Roho bi shilu min al ana endu wa huwo bi wori huwo le intakum. ¹⁶ fi zaman besit intakum ma bi ainu ana, wa bad zaman besit intakum bi ainu ana." ¹⁷ Biga bad min talamiz bito kelim le bad bitomon ma bad, "de shunu al huwo bi kelim le anina, 'bad shuwia min zaman intakum ma bi ainu ana wa bad shuwia tani min zaman intakum bi ainu ana,' wa ashan ana bi ruwa le abu;? ¹⁸ ashan kida humon kelim, "de shunu al huwo bi kelim, bad shuwia min zaman'?anina ma arufu huwo bi kelim an shunu." ¹⁹ Yesuah ainu gali humon der asalu huwo, wa huwo kelim le humon, "itakum bi asalu nufus takum an kalam de, ana gasid shunu be kalam al ana kelim , bad shuwia min zaman intakum ma bi ainu ana wa kaman bad shuwia min zaman intakum bi ainu ana'? ²⁰ hagiga, hagiga, ana bi kelim le intakum, intakum bi kori wa bi kun haznanin, lakin donia bi kun farhan. intakum bi kun haznanin be kamil, lakin huzun takum bi hawil le farah. ²¹ wokit al mara bi weledu hia bi kun haznan leanu zaman bit hia ja, lakin kan hia weledu jena , hia ma bi rija zekir waja bita hia be sabab farah ta hia leanu weledu insan fi donia. ²² Intakum bi kun haznanin hasa, lakin ana bi ainu intakum tani, wa gelba takum bi kun farhan, wa mafi zol bi agder shilu farah takum min intakum. ²³ fi yom dak intakum ma bi asalu ana be ai haja. hagiga, hagiga, ana bi kelim le intakum, iza intakum asalu ai haja min abu fi isim bitai, huwo bi wodi huwo le intakum. ²⁴ lahadi hasa intakum ma asalu ai haja fi isim bitai. asalu, wa intakum bi ligo ashan farah bitakum bi kun kamil. ²⁵ Ana kelim le intakum hajat de be teriga ta amsal, lakin zaman bi ja al ana ma bi kelim le intakum be teriga ta amsal, lakin ana bi keim le intakum be wadeh an Abu. ²⁶ Fi yom dak intakum bi asalu be isim bitai wa ana ma bi kelim le intakum gali ana bi seli le abu min ajili takum, ²⁷ leanu abu be nefsa bito bi hibu intakum ashan intakum hibu ana wa ashan intakum amin gali ana ja min abu. ²⁸ ana ja min abu, wa ana ja le donia. tani, ana bi sibu donia wa ana bi bi ruwa le abu." ²⁹ Talamiz bito kelim, "aynu, hasa inta bi kelim wadeh wa inta ma bi istagdem teriga ta amsal ³⁰ hasa anina arufu gali inta arufu kulu haja, wa inta ma der ai zol kede asalu inta sualat. ashan kida, anina amin gali inta ja min abu. ³¹ Yesuah juwabu humon, "hasa intakum amin? ³² Ainu, saa bi ja, nam, huwo fi hagiga ja, wokit intakumbi ferigu, ai zol le bet bito al melik, wa intakum bi sibu ana baraw. la hadi saha ana ma baraw leanu abu ma ana. ³³ ana kelim kalam de le intakum ashan intakum bi kun indu salamfi ana. fi donia intakum bi kun indu ".mashakil, lakin sheja takum: ana gilibu donia