¹ Ana karma al hagiga, wa abu bitai yau said ta karma. ² huwo bi shilu bara kulu furu fi ana al ma bi jibu samara, wa kulu furu al bi jibu samara huwo bi kutu bi geni nedif ashan huwo bi jibu samara ketir. ³ Intakum kalas biga nedif be sabab ta risala al ana kelim. le intakums ⁴ sabit takum fi ana , wa ana fi intakum. ze ma fere ma bi jibu samara be nefsa bito ili kan huwo sabit fi karma, kaman intakum ma bi agdr, ili kan intakum sabit fi ana. ⁵ Ana karma, intakum yau furu.zol al bi sabit fi ana wa ana fi huwo, huwo bi jibu samara ketir, lianu be dun ana intakum ma bi agder amulu ai haja. ⁶ iza ai wahid ma sabit fi ana, bi jadau bara ze fere de wa bi nashif fok, wa bi limu furu de wa bi jadau humon fi nar, wa humon bi haragu fok. ⁷ iza intakum sabit fi an, wa iza kalam bitai sabit fi intakum, ai haja al intakum der asalu bi kun le intakum, wa bi amulu huwo le intakum. ⁸ Yau abu bitai bi mejidu , kan intakum bi jibu samara ketir wa biga bi asbitu gali intakum talamiz bitai. ⁹ ze ma abu hibu ana, ana kaman hibu intakum. sabit takum fi muhaba bitai. ¹⁰ Iza intakum hafisu wasaya bitai, intakum bi sabit fi muhaba bitai, ze ana hafisu wasaya ta abu bitai wa sabit fi muhaba bito. ¹¹ ana kelim le intakum hajat de ashan farah bitai bi kun fi intakum wa ashan farah bitakum bi kun kamil. ¹² De yau wosiya bitai, kede intakum hibu badu bitakum ma bad ze ana hibu intakum. ¹³ mafi ai wahid endu muhaba azam min de, al huwo bi nezilu nefsa bito le asdika bito. ¹⁴ Intakum asdika bitai iza intakum amulu hajat al ana wori le intakum. ¹⁵ ana ma bi rija nadi intakum kudam, lianu kudam ma bi arufu seid bito bi amulu shunu. ana bi nadi intakum asdika, lianu ai haja al ana asuma min abu bitai ana kutu biga maruf le intakum. ¹⁶ intakum ma iktar ana, lakin ana yau iktar intakumwa ainu intakum ashan intakum bi ruwa wa bi jibu samara, wa samara bitakum bi geni. de yau biga abu bi wodi le intakum al intakum bi asalu be isim bitai ¹⁷ hajat de ana wodi le intakum, ashan intakum kede hibu badu takum ma bad. ¹⁸ Iza donia aba intakum, arufu takum gali huwo aba ana gubal ma humon bi aba intakum. ¹⁹ iza kan intakum min donia, donia bi hibu intakum ze nas bito. lakin ashan intakum ma min donia wa ashan ana iktar intakum min donia, ashan kida donia bi aba intakum. ²⁰ Zekir kalam al ana kelim le intakum, 'kadam ma azim min seid bito.' iza kan humon tabu ana, humon kaman bi tabu intakum; iza humon hafisu kalam bitai humon kaman bi hafisu takum. ²¹ humon bi amulu hajat de kulu le intakum ashan isim bitai, ashan humon ma arufu ali rasulu ana. ²² iza kan ana ma ja wa kelim le humon, humon ma bi kun endu katia, lakin hasa humon ma endu uzor le katai bitomon. ²³ Al bi aba an bi aba abu biyai kaman. ²⁴ iza kan ana ma amulu amail al mafi zol amulu gidam bitomon, humon ma bi kun endu katia, lakin hasa humon ainu wa humon aba ana wa abu bitai. ²⁵ lakin de nizamu ashan bi kamilu kalam al katibu fi ganunbitomon, humomn aba ana be don sabab.' ²⁶ Wokit al muazee-al ana bi rasulu le intakum min abu, de yau, roho ta hagiga, al bi tala min abu-bi ja, huwo bi shahid le ana. . ²⁷ intakum kaman bi shahidu , le ana leanu intakum fi ma ana min bidaya