1
Matakum sibu gelba takum bi kun galgan. intakum amin fi Allah, amin takum kaman fi ana.
2
fi
bet bita abu bitai biyot fi hinak ketir. iza kan ma ze de, ana kan bi kelim le intakum, lianu ana
bi ruwa ashan bi jahizu le intakum mahal.
3
kan ana ruwa wa jahizu le intakum mahal, ana bi ja
tani wa bi shilu intakum tani le nefsa bitai, biga mahal al ana foko intakum kaman bi kun fogo.
4
Intakumbi arufu sika le wen ana bi ruwa.
5
Toma kelimle Yesuah, ya Rab anina ma bi arufu inta
bi ruwa wen, kef anina bi arufu sika?"
6
Yesuah kelim le humon, ana yau sika, wa hagiga, wa
haya;mafi zol bi ja le abu ili be wasit ana.
7
iza intakum arufu ana, intakum kaman bi arufu abu.
min hasa intakum arufu huwo wa intakum ainu huwo."
8
Philipus lelim le Yesuah, "ya Rab wori le
anina abu, wa bi kun kifaya le anina."
9
Yesuah kelim le huwo, ana ma intakum zaman towil wa
intakum lisa ma arufu ana, Pholipus? zol al ainu ana huwo ainu abu. kef inta bi kelim, wori le
anina abu'?
10
inta ma bi amin gali ana fi abu wa abu fi ana? kalam al ana bi kelim le intakum de
ana ma bi kelim min sulta ta nefsa bitai, lakin abu al bi eish fi ana bi amulu shokol bito.
11
sedeg
ana gali ana fi abuwa abu fi ana, auw amin be sabab ta shokol de nefsa bito.
12
hagiga, hagiga,
ana bi kelim le intakum, zol al bi amin fi ana be amulu shokol al ana bi amulu, wa huwo bi amulu
azam min shokol de ashan ana bi ruwa le abu.
13
mahma intakum asalu be isim bitai, ana bi
amulu huwo ashan bi mejidu abu fi jena.
14
iza intakum asalu ai haja be isim bitai, ana bi amulu
huwo.
15
Iza intakum bi hibu ana, intakum bi hafisu wosiya bitai,
16
wa ana bi seli le abu, wa huwo bi
wodi le intakum muazi tani biga huwo bi geni ma intakum ili abad-
17
Roho ta hagiga. al donia ma
bi agder ashan bi gabilu huwo ashan huwo ma ainu huwoa auw ma arufu huwo. lakin intakum
arufu huwo, ashan huwo bi geni ma intakum wa bi kun ma intakum.
18
Ana ma bi sibu intakum
baruw; ana bi ja wara le intakum. la hadi
19
hasa be zaman besit donia ma bi ainu ana towil, lakin
intakum bi ainu ana. ashan ana hai, intakum kaman bi hai.
20
fi yom dak intakum bi arufu gali ana
fi abu bitai, wa intakum fi ana, wa ana fi intakum.
21
Zol al endu wasaya bitai wa hafisu de yau zol
al bi hibu ana, wa zol al bi hibu ana bi hibu abu bitai wa ana bi hibu huwo wa ana bi wori nefsa
bitai le huwo."
22
Yahza (ma al iscarioti) kelim le Yesuah, ya Rab lei kida inta der wori nefsa taki le
anina wa ma le donia?"
23
Yesuah juwabu wa kelim le huwo, " iza ai zol hibu ana, huwo bi hafisu
kalam bitai. abu bitai bi hibu huwo, wa anina bi ja le huwo wa anina bi amulu bet bita nian ma
huwo.
24
zol al ma bi hibu ana ma bi hafisu kalamat bitai. kalam al intakum asuma de ma min
ana lakin min abu al rasulu ana.
25
Ana kelim hajat de le intakum, beinama ana ma intakum.
26
fi
ai hala muazi de-Roho al kudusal abu rasulu fi isim bitai-huwo bi alimu intakum ai haj wa huwo
bi zekir intakum min hajat al ana kelim le intakum.
27
ana bi sibu le intakum salam; salam tai ana
wodi le intakum. ana ma bi wodi huwo ze ma donia bi wodi.ma takum sibu gelba takum kede
geni galgan, wa ma takum kafu.
28
Intakum asuma al ana kelim le intakum, ana bi ruwa, wa ana
bi ja wara le intakum.' iza intakum bi hibu ana, intakum bi kun farhanin ashan ana bi ruwa le abu,
lianu abu azam min ana.
29
hasa ana kelim le intakum gubal ma bi hasila ashan biga, kan huwo
hasil, intakum bi amin.
30
Ana ma bi kelim ma intakum towil, lianu reis ta donia de jai. huwo ma
endu guwa fok le ana,
31
lakin mutlub ashan donia bi arufu gali ana bi hibu abu, ana bi amulu bes
ze ma abu wodi le ana wosia. kede anina gum fok wa ruwa min hina