1
hasa de kan gubal eid al fusha.Yesuah arufu gali saa bito kan ashan huwo bi ruwa min donia de
wa huwo bi ruwa le abu. huwo kan hibu nas bito fi donia, huwo hibu homon le nihaya.
2
hasa iblis
kan kalas kotu fi gelba ta Saman Iscariot jena ta Simon, ashan bi selimu Yesuah.
3
Huwo aruf gali
Abu wodi kulu hahat fi idan bito wa kaman Huwo ja min Allah wa bi rija le Allah.
4
Huwo gum fok fi
zaman ta ashah wa agila gumash Bito. Huwo shilu bishkir wa lifu fi sulba Bito.
5
Huwo kubu moyo
fi teshit wa bada kasulu kuraein bita talamiz wa masa be bishkir al Huwo lifu fi sulba Bito.
6
Huwo
ja le Samaan Butrus, wa Butrus kelim le Huwo, "Ya Rab, Inta der kasulu kura bitai?"
7
Yesuah
juwabu wa kelim le huiwo, "Haja al ana bi amulu de inta ma bi fahim hasa, lakin inta bi ja fahim
badin."
8
Butrus kelim le Huwo, "Inta mabi kasulu kura bitai." Yesuah juwabu huwo, "Kan Ana ma
kasulu inta, inta ma bi ishterik ma ana."
9
Samaan Butrus kelim le Huwo, Ya Rab, mata kasulu kura
bitai barau, lakin kaman idan wa ras bitai."
10
Yesuah kelim le huwo, "Zol al kan beredu huwo ma
der, ile bi kasulu kura bito. ashan huwo nedif, itakum nedifin, lakin ma kulakum."
11
(Ashan Yesuah
aruf zolal bija amulu kayana le Huwo; ashan kida Huwo kelim, "ma kulakum nedifin."(
12
Wa baad
ma Yesuah kasulu kureinat tomon wa Huwo shilu gumash Bito wa geni tehet tani, Huwo kelim
le humon, "Sei intakum aruf al Ana amulu le intakum?
13
Intakum bi nadi Ana Mualim wa Rabuna;
wa intakum bi wonusu sah, ashan de Ana.
14
Kan biga Ana, Rabuna wa Mualim, kasulu kurein
bitakum, kaman kede intakum kasulu kurein takum.
15
Asahan Ana wori le intakum misal kede
intakum kaman amulu ze Ana le intakum.
16
Hagiga, Hagiga, Ana kelim le intakum, Kadam ma
ahsen min sidi bito; wa kaman marasula ma ahsen min zol al bi rasulu huwo.
17
Kan intakum aruf
hajat del, intakum bi kun mubarikin kan intakum amulu.
18
Ana ma bi kelim ashan intkum kulu;
Ana aruf del al Ana hazilu-lakin de ashan al katibu bi timu: "zol akulu esh Bitai arfa wara kura bito
did bitai."
19
Ana bi kelim le intakum de gubal lisa ma hasil ashan kan ja hasil, intakum bi sedek
Ana.
20
Hagiga, hagiga, Ana bi elim le intakum, zol al kn gabilu ai zol Ana rasulu, huwo gabilu
Ana, wa al kan gabilu Ana, gabilu Huwo al rasulu Ana."
21
Wokit Yesuah kelim ze de, Huwo kan bi
rogus fi roho. Huwo alinu gali, "Hagiga, hagiga, Ana bi kelim le intakum gali wahid min intakum
bi selimu Ana."
22
Al talamiz biga bi aynu badun bitomon, wa mustagrabin de munu yau Huwo bi
kelimu.
23
Wahid min talamiz al Yesuah kan bi hibu, huwo kan bi teki fi tarbeza jambu Yesuah.
24
Samaan Butrus amulu ishara le huwo wa kelim, "Asalu Huwo gali de munu al inta bi wonusu
huwo."
25
kaman huwo dengir tehet jambu Yesuah wa asalu huwo, "Ya Rab, de munu lakin?"
26
Min
hinak Yesuah juwabu, "De zol al Ana bi dakalu gita esh de le huwo." Wokit Huwo dakalu esh,
Huwo wodi le Yahuza jena ta Semaan al eskarioti.
27
wa baad esh de, Sitan dakalu le huwo, biga
Yesuah kelim le huwo, "Haja al inta der amulu de, amulu guwam."
28
Mafi wahid min talamiz al
gaidin fi tarbiza fahim le Huwo kelim ze de le huwo.
29
Tanin fekir gali, ashan Yahuza yau bi
amsuku sonduk ta gurush, Yesuah kelim le huwo, "Biyu hajat al nina der le eid," aw kaman kede
huwo wodi hajat le masakin.
30
Baad Yahuza akulu esh de, tuwali huwo tala. de kan fi misa.
31
Zaman Yahuza kan ruwa, Yesuah kelim, kalas mejidu jena ta insan, wa mejidu Allah fi huwo.
32
Allah bi mejidu huwo fi nefsa bito, wa huwo bi mejidu huwo be sura.
33
ya iyal bitai, ana ma
intakum le zaman besit. intakum bi fetishu ana ze ma ana kelim le Yahud, mahal al ana bi ruwa
foko, intakum ma bi agder ja foko.' hasa ana bi kelim le intakum.
34
Ana wodi le intakum wosiya
jedid, kede intakum hibu badu bitakum ma bad,ze ma ana hibu intakum , kaman kede intakum
hibu badu bitakum ma bad.
35
ashan kede nas arufu gali intakum talamiz bitai, iza kan intakum
endu muhaba le bad bitakum ma bad."
36
Samaan buturs kelim le huwo, "ya Rab, inta bi ruwa
wen?" Yesuah juwabu, mahal al ana bi ruwa foko inta ma bi agder ja wara bitai hasa, lakin inta bi
ja fi zaman tani."
37
Buturs kelim le huwo, ya Rab, malu ana ma bi agder ja wara bitaki hasa? ana
bi nezilu haya bitai ashan inta."
38
Yesuah juwabu, kan inta nezilu haya bitaki ashan ana? hagiga,
".hagiga, ana bi kelim le inta, gidada ma bi kore gubal ma inta bi ankuru ana talata marat