¹ gubal sita yom min eid al fusha, Yesuah ja le betaniya, mahal al kan lazarus foko, la Yesuah gomu huwo min mutu. ² homon amulu le huwo asha hinak, wa martha kan bi kadimu, lakin lazarus wahid min nas del al kan bi geni tehet fi tarabeza ma Yesuah. ³ biga maryam shilu riha min zat ta nardin al gali, wa hia masa be kura ta Yesuah, wa hia masa kura bito be shar ta hia. bet de kan biga mala be riha de. ⁴ Yahuza iscariot, wahid min talamiz bito, al amulu le huwo kayana, kelim, ⁵ "malu ma biyu riha de be tultumiya dinar wa bi wodi le masakin?" ⁶ huwo kelim kalam de, ma ashan huwo bi ihtam be masakin, lakin ashan huwo kan harami:huwo kan ende shenta ta hafisu gurus wa huwo kan der seregu min al gutu foko. ⁷ Yesuah kelim, "sibu takum hia kede hafisu le yom ta defin tai. ⁸ intakum endu masakin kulu yom ma intakum. lakin ana mafi ma intakum kulu yom." ⁹ ketir min mojmu ta yahud arufu gali Yesuah fi hinak, wa homon ja, ma bes le Yesuah, lakin kaman ashan bi ja aynu Lazarus, al Yesuah gomu huwo min mutu . ¹⁰ Reis ta huhana homon tefagu ma badu bitomon ashan bi katulu Lazarus tani; ¹¹ ashan kan be sabab biti ketir min Yahud bada ruwa wa amin fi Yesuah. ¹² fi yom al tani mujmu ketir ja fi eid. zaman homon asuma gali Yesuah kan jai fi orshelim, ¹³ homon shilu furu ta shejera ta nahal wa homon tala ashan bi gabili huwo wa homon bi kore , "hosanna! baraka le de al bi ja be isim ta Rabuna, melik ta israel." ¹⁴ Yesuah ligo humar suger wa wa huwo geni fogo; ze ma huwo kan katibu, ¹⁵ mta kafu, jena ta sahyon; Melik taki jai, bi geni fi humar." ¹⁶ talamiz bito ma fahim hajat de min bidaya; lakin Yesuah kan mejidu, homon zekir gali hajat de kan katibu an huwo wa wa homon kan amulu hajat de le huwo. ¹⁷ hasa mujmu de shahidu gali homon kan ma huwo zaman huwo nadi Lazarus bara min turuba wa huwo gomu huwo min mutu dak. ¹⁸ kaman kan le sabab de yau mujmu de ja ashan bi gabilu huwo, ashan homon asuma gali kan huwo amulu ishara. ashan kida ¹⁹ ferisin kelim le badu bitomon, "aynu, intakum ma bi amfa le ai haja; aynu, donia de bi ruwa wara bito." ²⁰ Yonaniuon kan fi nus ta nas del al kan bi ruwa le ibada fi eid. ²¹ homon ruwa le Philipus, al kan min bet saidafi Jelil, wa asalu huwo gali, "ya seid anina ja ashan bi shufu Yesuah." ²² Philipus ja wa kelim le Andraws; Andrawa ruwa ma Philipus, wa homon kelim le Yesuah. ²³ Yesuah juwabu homon wa kelim, Saa kalas ja ashan bi mejidu jena ta insan. ²⁴ hagiga, hagiga, ana bi kelim le intakum, kan hubub ta hanta ma waga fi wata ashan bi mutu, bi fadulu ze ma huwo baraw; lakin kan huwo mutu, huwo bi jibu samara ketir. ²⁵ al bi hubu haya bito huwo bi fagidu; lakin al bi aba haya bito fi donia de huwo bi hafisu le haya abadia. ²⁶ kan ai zol bi kadimu ana ; kede huwo ja wara bitai; wa mahal al ana fogo kadam tai kaman bi geni fogo, kan zol al bi kadimu ana, abu bi akrimu huwo. ²⁷ hasa rohu bitai galgan wa ana bi kelim shunu? ²⁸ abu tai, hafisu ana fi saa de'? lakin le sabab de ana ja fi saa de. ya abu, tai mejidu isim bitaki. "biga sot ja min sama wa kelim, ana mejidu huwo wa ana bi mejidu huwo tani." ²⁹ biga mujmu al kan wagif wa asuma gali raad kan hasil. tanin kelim, "malaika yau kan bi kelim le huwo." ³⁰ Yesuah juwabu wa kelim, sot de ma ja le ana, lakin le intakum. ³¹ hasa de hukum ta donia: hasa hakim ta donia de bi jadau bara. ³² zaman al ana bi ruwa fok min ardia de, ana bi shilu kulu nas le nefsa bitai." ³³ huwo kelim ze de ashan huwo der wori ishara ta mutu al huwo der mutu. ³⁴ mujmu de juwabu huwo, anina asuma min namus gali al mesih bi geni ili abad. kef inta bi kelim, 'jena ta insan bi ruwa fok'? jena ta insan de munu?" ³⁵ Yesuah biga kelim le homon, "nur bi geni ma intakum le zaman besit. dowru takum ma dam intakum endu nur, ashan doloma kede ma ja ligo intakum. zol al bi dowru fi doloma huwo ma bi arufu huwo bi ruwa wen. ³⁶ ma dam intakum endu nur, amin takum fi nur ashan intakum bi kun iyal ta nur." Yesuah kelim hajat de wa biga huwo ruwa wa wodoru min homon. ³⁷ be ragam min Yesuah amulual alamat ketir fi gidam bitomon, lisa homon ma bi amin fi huwo ³⁸ ashan kalam ta nebi isaiah de bi timu, fi kalam bito: "ya Rab, zol al bi amin wori le anina, wa le zol al eda ta Rabuana alinu le huwo?" ³⁹ le sabab de homon ma der amin leanu Isaiah kaman kan kelim, ⁴⁰ homon kutu ena bitomon biga amiyanin, wa homon gofulu gulub bitimon; ashan homon ma bi aynu be ena bitomon wa bi fahim be gulub bitomon, wa homon bi rija wa ana bi ashfi homon." ⁴¹ Isaiah kelim hajat de ashan huwo aynu mejid ta Yesuah wa huwo bi kelim an huwo. ⁴² lakin be ragam min dak, ketir min hukam amin fi Yesuah; lakin be sabab ta ferisin, homon ma iteref be huwo ashan kede ma haziru homon min majma. ⁴³ homon hibu mejid al bi ja min nas aktar min mejid al bi ja min Allah. ⁴⁴ Yesuah bada nadi wa huwo kelim, le de al bi amin be ana, ma bes bi amin be ana lakin kaman fi huwo al rasulu ana, ⁴⁵ wa le zol al aynu ana huwo aynu al rasulu ana. ⁴⁶ ana ja ze nur fi donia de, ashan al bi amin fi ana ma bi geni fi doloma. ⁴⁷ kan ai zol asuma kalam bitai lakin ma bi esh fogo, ana ma bi hakimu huwo, leanu ana ma ja ashan bi hukumu donia de, lakin ashan bi kalisu donia. ⁴⁸ zol al bi aba ana wa al ma bi gabilu kalam bitai, huwo end zol al bi hakimu huwo. kalam al ana kelim de bi hakimu huwo fi yom ta akir. ⁴⁹ le anu ana ma kelim be nefsa biti, lakin de abu al rasulu ana, huwo yahu wodi le ana wosiya anshunu ana bi kelim wa shunu ana wonusu. ⁵⁰ ana arufu wosiya bito de haya abadia, ashan kida al ana bi kelim- ze ma ".abu yahu kelim le ana, yahu ana bi kelim