(Bongkaran Kitab umaekan Ana Babiri) ¹ Lipas, aku mailae ka jarie kanan Iyae am duru ka tingie takhta iyah samacam bongkaran*kitab,am hompue tulisan ka sorap lalam umaekan luarnyae,am disegel honie tujuh segel. ² Lalue,akue mailae siku malaikat am gagah basoru honie suarae nyaring, ''Sapaekah am layak mambuka bongkaran kitab iyah umaekan mambuka segel-segelnyae?'' ³ Tapi, mayan arae siku urang jam, baie am ka surga, ka bumi, atawae ka lowa bumi am ulih mambuka umakan am mailae bagian lalam bongkaran iyah. ⁴ Maka, aku nampara manangis sasiren laie hontae arae siku urang jam tadapat pantas akan mambuka bongkaran kitab iyah umakan mailae bagian lalamnya. ⁵ Akan tapi, siku mulae am tuhae-tuhae* Iyah bapaner kan akue, "Bahontilah menangis! Ilae, Singa mulae suku Yehuda, keturunan Daud*, jari monang sahingga Inya ulih mambuka bongkaran kitab iyah lalue tujuh segelnya." ⁶ Lalue, aku mailae ka tongah-tongah takhta lalue 4 makhluk tarie, lalue ka tongah-tongah kaban tuhae-tuhae iyah siku ana Babiri badirie, berakan jari disamolih, am bagorae tujuh tandu umakan tujuh matae, iyah am tujuh Roh Hatalla am diutus ka saluruh bumi. ⁷ Ana Babiri iyah datang lalu mangalap bongkar kitab iyah mulae jarie kanan Iya am duru ka tingie takhta. ⁸ Lalue, katika Ana Babiri jari mangalap bongkaran kitab iyah, kaompat makhluk umakan kadua puluh ompat tuhae-tuhae sujud ka paharap Ana Babiri iyah, masing-masing marigap suti kacapi umakan suti cangkir bulau am ponuh laie garu- manyan, am iyah am doa urang-urang barasih. ⁹ Lalue, urang banya manyanyikan samacam nyanyian baharue, ujanya: ''Kolaie layak mangalap bongkaran kitab iyah lalue mambuka segel-segelnyae laie Kolaie jari kona sambolih, umakan darah-Mu, Kolaie jari manowus urang-urang mulae satiap suku, bahasa, kaum, umakan bangsa akan Hatalla. ¹⁰ lalue Kolaie jari manjadikan urang manjari samacam karajaan umakan imam-imam akan Hatalla dirie, lalue urang akan mamarintah katingi bumi,'' ¹¹ Lopas iyah, aku mailae, umakan aku mandongar suara mulae banyae malaikat am mangaliling takhta, 4 makhluk, umakan kaban tuhae-tuhae iyah. Lalue pamanya rang baribu ribu, bahkan puluhan ribu, ¹² basorue honie suara am nyaring, '' Layaklah Ana Babiri, am jari konae samolih iyah, manarimae kuasa, umakan panatau, umakan hikmat, umakan hormat, umakan kamuliaan,tuntang pujian.'' ¹³ lopas iyah, aku mandongar satiap makhluk am tege ka surga, umakan ka loba bumi, umakan ka laut, umakan saluruh am tege ka lalam saluruh iyah bapaner, '' Bagi Iya, am duru ka tingie takhta, lalue akan Ana Babiri, uras pujian, hormat, kemuliaan, umakan kuasa sampai sapalama-lamatnyae!'' ¹⁴ Lalue, 4 makhluk iyah bapaner, ''Amin''* lalue kaban tuhae-tuhae sujud umakan menyembah.