¹ lipas iyah, aku mailae suti pintu tabuka ka surga, lalue suarae talie,am aku manongar bahing suarae trompet bapaner akankue, baparah,''Naik ja kotie lalue Akue akan mamailae kan kolai apae am harus tajari salopas itie.'' ² metuh iyah jam,akue dikuasae Roh* lalue ilae ja, suti takhta tege ka surga lalue siku urang duru ka tingie takhta iyah ³ Lalue, Iyae am duru ka tingie takhta iyah,taila berae batue parmata yaspis umakan sardia; lalue tege samacam palangi ka sakaliling takhta iyah am tailae berae zambud. ^{4 4} Kaliling takhta iyah tege dua puluh ompat takhta lalue ka tingie takhta-takhta iyah akue mailae dua puluh ompat tuhae-tuhae* duru,mahonie jubah putih lalue mahkota-mahkota bulau tege ka kapala rang. ⁵ Lalue, mulae takhta iyah maluar kilat patir umae kan guruh bungie guntur.Lalue tege tujuh obor am banyala ka paharap takhta iyah, am aralah tujuh Roh Hatalla. ^{6 6} Lalue ka paharap takhta iyah jam tadapat samacam berae lautan kaca,bera kristal.Ka tongah umae kan sakaliling takhta iyah tege ompat makhluk am ponuh akan matae ka bagian paharap umae kan balakangnyae. ^{7 7} Makhluk am pamulanyae berae siku singa,lalue makhluk am kadua berae siku sapie kalakie,lalue makhluk am katolue bamuhae berae muhae kalunen,lalue makhluk am kaompat berae siku burung holang am metuh tarobang. ⁸ Kaompat makhlukiyah masing-masing bagorae onam sayap am ponuh laie matae,baie mulae luar atau mulae lalamnyae; siang umaekan malam, kaompat makhluk iyah hontae basae bahontie basuara, ''Barasih,barasih,barasihlah Tuhan, Hatalla am Mahakuasae, am jari tege,am tege,umae kan am akan datang.'' ⁹ Lalue satiap kalie makhluk-makhluk iyah mamoriekan kamuliaan,hormat,umae kan manyoku sukur akan Iyae am duru ka tingie takhta,am hirup sapalama-lamtnyae ¹⁰ kadua puluh ompat tuhae-tuhae iyah sujut manyomah ka paharap Iyae am duru ka tingie takhtaiyah,lalue manyomah Iyae am hirup sampai sapalama-lamatnyae yah, lalue manibarkan mahkota rang ka paharap takhta iyahsamil bapaner, ¹¹ ''Au Tuhan umae kan Hatalla kamie, Kolaie layak manarimae kamuliaan,hormat umae kan kuasae laie kolaie jari mangaruh sagalae macam umaekan laie kahona Mu saluruh iyah tege lalue dikaruhkan.''