(Ana Babiri Mambuka Segel Partama sampai Kaonam) ¹ Lipas, akue maparhatikan katika Ana Babiri mambuka suti mulae tujuh segeliyah,laiue akue manongar siku mulae ompat makhluk iyah bapaner bahing suarae am berae guntur, ''Ayo!'' ² Makae, akue mailae siku kuda putih lalue ia am duru ka tingienyae marigap suti panah; umaekan suiti mahkota diborienyae akan, lalue ia maju supaya mangalahkan umaekan mamonangakan. ³ Lalue, katikae Ana Babiri iyah mambuka segel am kaduae, akue manongar makhluk am kadua bapaner, ''Ayo!'' ⁴ Makae maju jam siku kuda bukan bawarna mirah berae nyalae apie, lalue ia am duru ka tingienya diborie kuasae supayae mangalap kadamaian mulae bumi supayae kalunen akan saling bapatie, umaekan suti porang am bakah diborienyae akan iyae. ⁵ Lalue, katikae Ana Babiri iyah mambuka segel am katolue, akue manongar makhluk am katolue bapaner, ''Ayo!'' Makae, akue mailae siku kuda hitam lalue ia am duru katingienyae marigap suti timbangan ka jarienyae. ⁶ Lalue, akue manongar bahing tege suarae mulae tongah-tongah kaompat makhluk iyah bapaner, ''Suti cupak gandum akan 1 dinar,lalue 3 cupak jaholie akan 1 dinar, tapie hinam marusakkan binyaknyae umaekan angguurnyae!'' ⁷ Lalue katikae Ana Babiri iyah mambuka segel am kaompat,akue manongar suarae makhluk am kaompat bapaner, ''Ayo!'' ⁸ Makae, akue mailae siku kuda bawarna hijau pucat lalue ia am duru ka tingienyae banama Maut lalue Hades umae iyae. Lalue kuasa diborienyae akan urang tingie 1/4 bumi, supayae mapati honie porangnyae,am kaporan,panyakit, umaekan binatang-binatang buas ka bumi. ⁹ Kametuh Ana Babiri mambuka segel am kalima,akue mailae kaloba altar* jiwa-jiwa urang banya am jari matie laie firman Hatalla lalue laie kasaksian am jari urang pertahankan. ¹⁰ Rang banya basoru honie suarae nyaring, ''Barapa lamat mulae au, Tuhan am barasih umaekan bujur, Kolaie akan manahan kanirie mulae manghakimie umaekan mambalaskan darah kamie akan urang am diam ka bumi?'' ¹¹ Lalue akan sangaya jiwa iyah diborikan suti jubah putih lalue urang baya diparahkan bahwa urang harus bahontie nyulue holue, sampai jumlah kawal-kawal pangawi umae kan kaban manyarie rang am akan dipatie berae urang jari gonak. ¹² Lalue,akue mailae katikae Ana Babiri iyah mambuka segel am kaomam, tajadilah gempa bumia am bahimat; mata arie manjari hitam berae kain karung am dikaruh mulae balau lalue saluruh bulan manjari darah. ¹³ Lalue, bintang-bintang kalangit jari jatu ka bumi berae puhun ara manyatukan buah-buahnyae am matah metuh diguncangkan laie ribut am puna kancang. ¹⁴ Lalue, timullah* langit beraekan kitab am tabongkar,lalue satiap gunung umaekan pulau dipinahkan mulae homannyae. ¹⁷ Sabab,arie bakah akan pangusar rang jari datang lalue sapae am ulih batahan?'' ¹⁵ Makae,raja-raja ka bumi,umaekan kaban patingie, umaekan perwirae-pewirae,* umaekan urang-urang tatau umaekan panguasae, umaekan saluruh hulun,lalue urang bebas mantabu ka gua-gua umaekan kaantara batu-batu ka pagunungan. ¹⁶ Urang bapaner akan gunung-gunung lalue batu-batu korang iyah, ''Runtuh ja maningang kamie lalue tabukan kamie mulae paharap Iyae am duru ka tingie takhta,umaekan mulae pangusar Ana Babiri!