(Borikan Dirimu Ka Hatalla) ¹ Mula manih datangnya bakalahi rang nua basual am tajadi ka antara kolai? Bukankah iti baasal mula hawa nafsumu am baperang kalalam anggota-anggota tubuhmu? ² Kolai bakahona sasuatu, tapi honta baulih, maka kolai pambunuh. Kolai bakahiri lalu kolai honta baulih, maka kolai bakalahi lalu basual. Kolai honta baulih laie kolai honta maminta. ³ Tapi, kolai maminta, tapi honta baulih laie kolai maminta honi alasan am salah, inyaham honi mamuaskan hawa nafsumu. ⁴ Ui, kolai penzina, honta ingatkah kolai am basahabat akan dunia baarti bamusuh akan Hatalla? Laie iti, sapa am hona basahabat akan dunia,inya kona jadi dirinya musuh Hatalla. ⁵ Apakah kolai pikir Kitab Suci honta baalasan bapaner,'' Roh am kona omah ka lalam diri uras kona kahona-Nya honi ngamuru.''? ⁶ Tapi, Hatalla mamori anugerah am lobih mula. Laie iyah, Kitab Suci,'' bapaner'' Hatalla manantang urang am sombong, tapi mamori anugerah ka urang am ronah hati.'' ⁷ Laie iti, sorahkan dirimu ka Hatalla. Lawankan setan, maka inya akan badari mula kolai. ⁸ Dampingkan ka Hatalla, maka inya akan damping ka kolai. Rasihkan jarimu, ui urang-urang am badosa, lalu murnikan hatimu, ui urang-urang am manduakan hati. ⁹ Prihatin, baduka, lalu tampaikan; biar am pagorahmu baubah jadi ratapan lalu sukacitamu jadi dukacita. ¹⁰ Ronahkan hatimu ka paharap Tuhan, maka Inya akan bakahona kan kolai. (Hinang mancela lalu manghakimi sasamahmu) ¹¹ Kawan manyari, hinang kali bapaner hal am jahat ka antaramu.Urang am bapaner am jahat tuntang manyarinya, atau manghakimi manyarinya, bapaner malawan hukum lalu manghakimi hukum. Amun kolai manghaimi hukum, kolai bukan palaku hukum, tapi hakimnya. ¹² Baya tege suti pamori hukum lalu hakim, inyaham inya am ulih manyalamatkan lalu mamatikan; tapi sapakah kolai sampai kolai manghakimi sasamahmu?(Kahona Hatalla Lalam Sagala Rancana Kalunen) ¹³ Wayah iti, dongarkan ui kolai am bapaner,'' Ari iti lalu pagi kami akan badari ka kota iti lalu iti, tingal koyah salama satahun, badagang, lalu baulih ka untungan,'' ¹⁴ Padahal kolai honta ingat apa am tajadi pagi. Apakah arti pahirupmu? Hirupmu iti bera uap am muncul, lalu limah iyah hila. ¹⁵ Jadi, kolai saharusnya bapaner,'' Amun Tuhan bakahona, kami akan hirup lalu magaruh iti atau iyah.'' ¹⁶ Tapi wayah iti, kolai bangga lalam ka sombonganmu; kabanggaan bera iyah inyaham jahat. ¹⁷ Jadi, amun siku urang tahu apa ulahnya angaruh am baie, tapi honta mangarunya, inya badosa.