1
Manyari-manyariku, hinang tege banya kaantara kolai jarie guru laie kolai ingat iyah am dirie am mangajar akan kona hakim honi ukuran am lobih borat.
2
Dirie uras basalah lalam banya hal. Jaka tege urang am honta basa basalah lalam panernya, inya iyah am urang am sampurna, am ulih mangamuri uras tuwuh.
3
Dirie masang pansu ka nyawae kuda nyaman rang patuh ka dirie, umakan diri jam mangamurie uras tuwuh kuda.
4
Ila jam kapal-kapal, biarnya rang amat bakah umakan dikanyah laie riwut am gancang, kapal iyah dikamurie laie kamurie am amat koni, umakan ingkas kamanih jam pangamurie bakahona.
5
Bera iyah jam, lilah iyaham bahagian am koni mula tuwuh, tapie lilah ulih manyombong hal-hal am bakah. Ila ja puna amat bakah rima am takehu laie api am koni.
6
Lilah iyah bera api, suti dunia am jahat, am di omah kaantara bahagian-bahagian tuwuh umakan am tahu maisa uras tuwuh. Inya mangehu uras tintu hirup dirie panehan inya kaniri dikehu laie api naraka.
7
Sabab, uras macam satuwa liar umakan burung, bahaya umakan satuwa am hirup ka laut iyah jarie dilimu laie kalunen,
8
tapie honta siku urang am ulih malimu lilah. Lilah iyaham am jahat am honta ulih suni, ponuh laie racun am bawisa.
9
Umakan lilah dirie manuah Tuhan umakan Ompai dirie, tapie honi iyah jam dirie mangutu urang, am dikaruh samah bera Hatalla.
10
Mula nyawa am samah maluar kapuji umakan kutu. Manyari-manyariku, sapatutnya honta bera iyah.
11
Apa suti mata arai ulih maluar arai manis umakan arai pahit barota?
12
Manyari-manyariku, ulih honta puhun ara baulih buah zaitun; umakan puhun anggur baulih buah ara? Bera iyah jam, mata arai asin honta ulih baulih arai am nyaman. (Dua Macam Akal Budi)
13
Sapa kaantara kolai am baakal budi umakan paham? Belai honi sikapnya am baie, ia manunyu am gawi-gawinya lalam kalucit umakan akal budi.
14
Amun, jaka kolai bagora kadangki am ponuh kapahit umakan kahona am hona monang kaniri lalam hatimu, hinang am banga umakan hinang marongka malawan kabujur.
15
Akal budi bera iyah honta turun mula tingie, tapie mula dunia, honta rohani, umakan jahat.
16
jakae tege kadangki umakan kahona am manaing kahiri, ka diyah tege kasabak umakan uras macam pangawi jahat.
17
Akal budie am datang mula tingie, am hulu iyah am asli, limah iyah ungang ranai, lomah lucit, tabuka, ponuh siha, umakan buah-buah am baie, honta membeda-beda, umakan honta pamarongka.
18
Buah kabujur di tawur lalam ranai laie kawan paranai