¹ Iyah am, janji am lamat yah baisi aturan sembayang umakan homan barasih am tege ka bumi. ² Bera iyah jam Kemah Hatalla kona siap: ka luar, am tege pelita, meja, umakan roti sajie, am di paner Homan Barasih. ³ Ka lakang tirai kadua yah am bagian kemah am konae paner Dangaue paling Barasih, ⁴ ka dangau yah tege altar padupaan am dikaruh mulae amas lalue Tabut perjanjian am uras isie nya konae lapis laie amas. Ka lalam tabut yah, tege kendi amas am baisie manna, tongkat Harun am basae batumuh, umakan dua lempeng batue perjanjian. ⁵ Ka tingie nya, tege dua patung kerub kamuliaanya malindungie Tutup Pedamaian, tapi metuh tie hontae baya waktu am bujur akan mamaner tie sacara rincie. ⁶ Salopas urasnya jarie konae siap sabujurnya, kawan imam tamae ka bagian partamae mulae kemah yah sacara rajin, akan mangawie pelayanan sembayang akan Hatalla. ⁷ Tapie, bayae imam bakah meh am ulih tamae ka bagian kadua mulae kemah yah, iyah jam bayae satahun sakalie, lalue manaing darah ka Hatalla akan dirie nya kanirie umakan akam dosae-dosae umat am mangawie hontae sangajae. ⁸ Roh am Barasih mamaner akan dirie amun jalan manuju Dangau am paling Barasih hompan tabuka amun masih tege Ruang Barasih, ⁹ hal yah kiasan zaman tie. Berae iyah jam macam-macam pamorie umakan kurba-kurban am konae borie hontae ulih manyampurnakan nuranie urang-urang am sembayang, ¹⁰ laie hontae baya museh, maraie, umakan ritual mandie akan tuwuh jasmanie am berlaku sampai tiba waktu pambaharue. (Sembayang ka lalam Janjie am Baharue) ¹¹ Tapie, metuh Kristus datang sabagaie Iman Bakah ka tingie hal-hal baie am datang, Inya tamae malalue Homan Barasih am lobih bakah umakan lobih sampurna; am hontae dikaruh laie jarie kalunen umakan hontae jam sutie ciptaan. ¹² Inya tama ka Dangau am Paling Barasih sutie kali akan salamanya, hontae manaing darah kambing am kalakie umakan darah anae sapi, tapi manaing darah-Nya kanirie sahingga baulih tebusan am kekal. ¹³ Laie, amun darah kambing kalakie umakan sapi am kalakie tapercik, lalue jam abu anak sapi labinie akan urang am hontae baie ulih mambarasihkan tuwuh jasmanie rang, ¹⁴ lobih-lobih jam darah Kristus, Inya am malalue Roh am kekal mamorie dirie-Nya sabagai kurban am hontae cacat akan Hatalla ulih mambarasihkan hatie nuranie kam mulae pengawie sia-sia nyaman kolaie ulih malayanie Hatalla am hirup. ¹⁵ Akan alasan itie am Kristus manjarie Perantara mulae perjanjian am baharue nyaman urang am konae pangil Hatalla ulih manarimae warisan kekal am jarie konae janjie-Nya; laie pamatie jarie tajadie akan manowus urang mulae pelanggaran-pelanggaran am urang gawie ka lobae perjanjian am pertama. ¹⁶ Amun tege surat wasiat, maka harus tege am matie mulae urang am mangaruhnya. ¹⁷ Laie, surat wasiat berlaku amun urang am mangaruhnya jarie matie; surat yah hontae hompue kuasa salama urang am mangaruhnya masih hirup. ¹⁸ laie iyah am, ngapa perjanjian pertama jam hontae berlaku amun mayan kurban darah. ¹⁹ Laie, salopas Musa mamaner satiap parintah lalam Hukum Taurat ka umat Israel, inya ma alap darah anak sapi umakan kambing lalue mancampurnya honie araie. Lalue, honie kain wol mirah umakan sabatang hisop, inya percik ka Kitab Taurat umakan ka uras ungkup ²⁰ samil bapaner, "Itie am darah mulae perjanjian am jarie Hatalla perintah nyaman kolai taati." ²¹ Honie carae am samah, Musa mamercik ka Dangau am Barasih lalue uras perlengkapan am digunae lalam sembayang honie darah. ²² Manurut Hukum Taurat, Honae uras sagala sasuatu harus konae barasih honie darah, lalue tanpa panumpahan darah, hontae tege pangampunan. (Yesus Kristus yah Kurban Pahapus Dosa) ²³ Laie iyah, sagala sasuatu am mananda hal-hal surgawi bujur perlu dibarasih honie hal itie, tapi sagala sasuatu am ka surga dibarasih honie kurban am lobih baie. ²⁴ Laie, Kristus hontae tama ka lalam Dangau am Paling Barasih am dikaruh laie jarie kalunen, am bayae tiruan mulae am sabujurnya, tapie Inya tamae ka lalam surga yah kanirie lalaue keken tie ka paharap Hatalla akan dirie. ²⁵ Kristus jam hontae mamorie dirie-Nya bakali-kali, macam imam bakah am harus tamae ka Dangau am Paling Barasih mulae tahun ka tahun honie manaing darah am bukan darahnya kanirie. ²⁶ Amun berae iyah, Kristus harus manderita baulang kali metuh duniae konae cipta. Tapie, Kristus baya mamarah dirie-Nya sutie kali akan sapalamat akan akhir zaman tie akan mahapus dosa, honie cara mamorie dirie-Nya kanirie. ²⁷ Bera kalunen, am ditentu akan matie sutie kali meh lalue salopas iyah bapaharap akan penghakiman, ²⁸ samah jam Kristus; Inya diborie bayae sutie kali meh akan mananggung dosae banyae urang, lalue honae datang akan kadua kalinya, hontae mananggung dosae, tapie akan manaing kasalamatan akan urang am manunggu Inya.