¹ Itie am pokok utama pamaner dirie: dirie bagora Imam Bakah am duru ka sorap kanan takhta Am Mahatingi ka surga. ² Inya malayan ka Ruang Mahabarasih lalue ka Kemah Barasih sajati am didiri laie Hatalla kaniri, bukan laie kalunen. ³ Laie satiap imam bakah ditunyu akan mempersembahkan pamori lalue kurban, maka Imam Bakah itie jam harus manaing suatu akan dipersembahkan. ⁴ Amun Imam Bakah itie hirup ka bumi, Inya honta akan jadie imam samah sekali laie ka bumi jadie tege imam-imam am mempersembahkan pamori sasuai Hukum Taurat, ⁵ iyah am urang am sambayang manurut panulat lalue bayang-bayang mula hal-hal surgawi bera metuh Hatalla maingat Musa metuh inya hona maniri Kemah Barasih: "Pastikan kolai mangaruh sagala suatu honi rancangan am jadie ditampai Ku ka kolai katingi gunung." ⁶ Amun, wayah itie, Yesus manarima tugas palayanan am jauh lobih mulia laie perjanjian baharu am lantaran laie-Nya iyah am jauh lobih tingi lalue ditotapkan badasarkan ka janyi-janyi am lobih baie. ⁷ Laie, amun perjanjian am samula honta maundang kasalah, honta akan tege am memerlukan perjanjian am ka dua. ⁸ Laie Hatalla manapat kasalah kalunen, Inya bapaner, "'Ila, metuhnya akan datang,' uja Tuhan,'metuh Aku akan maara suti perjanjian baharu honi kaum Israel lalue kaum Yehuda. ⁹ Honta bera perjanjian am jadie ku arakan honi hia umuh urang, iyah am metuh aku manuntun urang honi jari-Ku akan mamimpin urang maluar mula tanah Mesir. Laie urang honta satia ka perjanjian am ku bori, maka Aku honta peduli kan urang,'uja Tuhan. ¹⁰ 'Itie am perjanjian am akan Ku arakan honi kaum Israel sahompam masa iyah,' uja Tuhan: 'Aku akan maomah hukum-hukum-Ku lalam pikiran urang, lalue aku akan manulisnya ka hati urang. Aku akan jadie Hatalla urang, lalue urang akan jadie umat-Ku. ¹¹ Urang jam honta akan mula malajar sasama bangsanya lalue manyarinya bapaner,' Kasenelah Tuhan ' Laie uras urang akan mangasene Aku, mula am koni sampai am paling bakah. ¹² Laie, aku akan babalas kasih tingi kasalah lalue dosa-dosa urang. Lalue, aku pun honta akan mula maingat kasalah-kasalah urang."' Yeremia 31:31-34 ¹³ Metuh Hatalla manyoku perjanjian baharu inya mangaruh perjanjian am lamat honta payu mula. Lalue, apa am jadie honta payu mula lalue usam akan segera hila.