¹ Laie, Melkisedek, Raja Salem lalue imam Hatalla am Mahatingi, manapat Abraham sahompan Abraham baulang mula mambantai raja-raja, lalue memberkatinya. ² Ka Melkisedek, Abraham jam mamori sepersapuluh mula uras harta am di robut am didapatnya. Mula-mula, nama Melkisedek baarti "Raja Kabujur", limah iyah, "Raja Salem" am baarti "raja damai". ³ Inya honta baompai lalue bainai, honta berselisih, lalue hirupnya honta am ingat papan inya lahir lalue matie. Tapie, bera ana Hatalla, inya akan jadie imam akan salama-lamanya. ⁴ Taliti, batapa agungnya urang itie, malahan Abraham leluhur dirie pun manyorah ka inya sepersapuluh mula sagala hasil marobut am dikalahi. ⁵ Manurut Hukum Taurat, ana-ana Lewi am manarima jabatan imama bahak mangumpul persepuluhan mula umat am iyah kawan manyari urang, biar pun urang samah-samah katurunan Abraham. ⁶ Tapie, Melkisedek am honta mula katurunan Lewi, manarima persepuluhan mula Abraham lalue memberkati inya am marigap janyi-janyi Hatalla. ⁷ Lalue, honta tahu dilawan, am lobih loba diberkati laie am lobih tingi. ⁸ Lalam suti hal, persepuluhan diterima laie kalunen fana am tahu mati. Tapie, lalam hal itie, diterima laie inya, am pasti hirup. ⁹ Laie iyah, tahu dipaner amun kaum Lewi am bahak manarima persepuluhan jam mamayar persepuluhan urang malalu Abraham, ¹⁰ laie metuh Melkisedek manapatnya, Lewi masih tege lalam tuwuh hia umuh nya. ¹¹ Wayah itie, saumpama kesempurnaan tahu dicapai malalu keimanan Lewi (am laie inya, umat Israel manapat Hukum Taurat), akan apa tege imam bukan lalue bukan am harus dihuaskan manurut aturan Melkisedek, lalue bukan imam mula garis katurunan Harun? ¹² Laie, amun aturan kaimanan baubah, maka Hukum Taurat jam harus dirubah. ¹³ Urang am metuh dirie panerkan itie baasal mula suku am bukan, lalue mayan ara siku pun mula suku-Nya am basa batugas jadie palayanan altar. ¹⁴ Laie, jadie jelas amun Tuhan dirie baasal mula suku Yehuda, suku am tuntangnya Musa honta basa mamarah hal apa pun am basangkut akan para imam. Yesus iyah am Imam bera Melkisedek ¹⁵ Uras hal itie jadie samakin jelas metuh dirie maila tampanya siku Imam bukan, am mirip bera Melkisedek, ¹⁶ am jadie imam bukan badasarkan persyaratan katurunan jasmani, tapie badasarkan kuasa pahirup am honta tahu mati. ¹⁷ Laie, Kitab Barasih basaksi akan Inya: "Kolai iyah am Imam akan salama-lamanya, manurut aturan Melkisedek." ¹⁸ Ka suti sisie, peraturan am lamat jadie panutup laie tege kalomah am honta baguna, ¹⁹ lalue laie hukum iyah honta menyempurnakan apa pun. Tapie, ka sisie am bukan, tege pengharapan am lobih baie am dikasene ka dirie, lalue pengharapan iyah manarik dirie akan manamping kan Hatalla. ²⁰ Lalue laie pengharapan iyah ditaing ka dirie honi suti sumpah -- imam am bukan jadie imam biar pun honta disumpah. ²¹ Tapie, Inya jadie imam honi sumpah am dikaruh laie Inya am diberkat akan-Nya. "Tuhan jadie basumpah lalue inya honta akan marubah pikiran: 'Kolai iyah am Imam akan salama-lamanya."' Mazmur 110:4 ²² Laie sumpah itie, Yesus jadie jaminan mula perjanjian am lobih baie. ²³ Sahompannya, tege banya imam metuh tege imam am mati, tege am tahu mangantinya. ²⁴ Tapie, Yesus marigap kaimanan sacara totap salamanya laie Inya akan tarus hirup salamanya. ²⁵ Amun bera iyah, Yesus tahu manyalamatkan honi sempurna urang am datang ka Hatalla malalu-Inya, laie Inya tarus hirup akan badoa akan badoa akan urang. ²⁶ Imam Bakah bera iyah am dirie perlukan, iyah am Imam Bakah am barasih, honta bacela, asli, dipisah mula urang-urang badosa, lalue ditingikan malobih tingkat-tingkat surgawi. ²⁷ Yesus honta bera para imam bakah am bukan. Urang harus mempersembahkan kurban satiap arie, mula akan dosa urang kaniri, limah iyah akan dosa-dosa umat. Tapie, Yesus honta perlu mangawinya. Inya baya mempersembahkan kurban sakali akan salamanya, iyah am kaniri-Nya. ²⁸ Hukum Musa manotapkan kalunen am ponuh kalomah akan jadie imam-imam bakah. Tapie, sumpah am baasal mula Hatalla, am datang metuh Hukum Musa, manotapkan Ana-Nya, am jadie sempurna sampai salama-lamanya.