¹ Laie iyah, ayu diri di tingal palajar dasar tuntang Kristus lalu mangijak masa bujang, honta mula maulang-ulang palajar dasar lalu partobat mula pangawi am mati lalu iman ka Hatalla; ² palajar tuntang pambasuhan manumpang jari ; balajar tuntang bangkit mula urang mati lalue hukum am baie. ³ Lalue, iyah am hona diri. karuhkan, amun Hatalla manyuruh. ⁴ Laie, honta mungkin manobat maulang urang am honta baulih panorang, jadi mansai karunia surgawi, lalu mangalap bagian barota Roh Kudus, ⁵ mansaie kabaie firman Hatalla, lalue mansai kuwasa mula dunia am hona datang. ⁶ Amun urang tingal kajalan Kristus, makae mastahel akan baharu mula tobat urang laie urang metuh manyalib Anae Hatalla am kadua kalie nya lalu mangaruh-Nya cara taungkap. ⁷ Laie, tanah am mainsap banya arai hujan am turun mula tingi, barota mahasil paner am baguna akan urang am mangaruhnya, honta manarima hasil mula Hatalla. ⁸ Amun, tanah iyah banya manumuh duru lalu pulau rumput, maka tanah iyah honta baguna lalu damping akan hama, lalu di tutung. ⁹ Tapi, kawan-manyariku am kusayang, sakali kamie bapaner-paner bungi iyah, kami apa am baie tuntang kolai, iyah am hal-hal am bahubungan honi kasalamatan. ¹⁰ Laie, Hatalla bukan nya honta adil. Inya honta malupa sagala gawi lalue kasih am kolaie tunyukan demi nama-Nya honi malayan urang kudus samah kan am metuh kolaie ngawi. ¹¹ Kami bagau kaniri-kaniri kolai manintu karajin am samah akan hompu jaminan harapan am baie sampai panuntup, ¹² nyaman kolai honta jadi losung, tapi uma mairing taladan urang am jadi baulih janyi-janyi Hatalla malalu iman lalu honi karajin. (Janyi Hatalla Honta Basa Baubah) ¹³ Metuh Hatalla banjanyi ka Abraham, Inya banjanyi akan inya kaniri laie manyan am bakah mula-Inya. ¹⁴ Hatalla bapaner, "Aku hona mamberkat kolaie," lalu," Aku harus hona mamanya katurunan mu," ¹⁵ Lalu, jadi mananti honi sabar, Abraham manarima janyi iyah. ¹⁶ Kalunen basumpah demi siku urang am lobih bakah mula inya kaniri. lalu nyaman di bori tugas honi manghapus pangawi uras palawan. ¹⁷ Jadi, metuh Hatalla hona mamarah lalu hona yakin akan ahli waris janyi-Nya lalu kahona-Nya honta ara baubah, Inya manjamin lalu mangaruh sumpah ¹⁸ nyaman honi dua hal am honta ulih di ubah, am kona Hatalla mastahel marongka, lalu inya datang mangau nyaman baulih dorongan am bakah honi barigap nya akan harapan am di bori kadiri. ¹⁹ Harapan am diri hompu nya tege jangkar bagi jiwa diri, onya lalue pasti, am manobus tama datang ka baie tirai, ²⁰ ka homan am jadi di tama Yesus samah kan paungkap jalan akan diri lalu jadi Iman Bakah akan sapalamanya, samah kan aturan Melkisidek.