¹ Laie, tiap imam bakah am dipilih mula antara kalunen am di tunyu jadi wakil kalunen lalam hal-hal am bakahona akan Hatalla, Nyaman inya tahu baulih parsembah hal lalu kurban tingi dosa-dosa. ² Laie imam bakah am ponuh laie kalemahan, maka inya jam baulih sikap lembut paharap urang am manyan ara pangigat lalu murah sosat. ³ Inya laie nya, inya wajib mamparsembahkan kurban mahilang dosa, bukan lalu akan umat, tapi akan inya kaniri nya. ⁴ Manyan ara iman bakah am ulih mangalap kahormatan itie kan inya kaniri, inya baya manarima katika inya di timai laie Hatalla, bera lah inya Harun. ⁵ Bera inya jam Kristus honta mamuliakan Inya kaniri honi jadi siku Iman Bakah, tapi laie inya am bapaner ka-Inya, " kolai inyah am Ana-ku. metuh ari itie aku jadi Bapa-mu." Mazmur 2:7 ⁶ Ka sagian bukan inya jam bapaner, "Kolaie inya jam Iman kan salaman-lamanya, Manurut aturan Melkisedek ." Mazmur 110:4 ⁷ Lalam hurup nya samah kan kalunen, Yesus mamori doa lalu mimta rompuh honi ratapan lalu araie mata, akan Inya am Manyalamat-Nya mula mati. Lalu, Inya di dongar laie inya kasalehan-Nya. ⁸ Biar pang Yesus iyah am Ana, tapi Inya balajar nyaman taat malalu kasiha am disayie-Nya. ⁹ Laie jadi baie, Inya jadi sumber salamat kekal akan urang am taat ka Inya, ¹⁰ Lalu Inya jadi di timaie laie Hatalla samah kan Iman Bakah sasuai aturan Melkisedek. (Malangkah Manguang Kabujang Rohani) ¹¹ Tege banya am baulih di parah tentang hal itie. Tapi, holin manjelas nya laie kolaie jadi lamat paham akan manongar. ¹² Laie, biar metuh itie kolaie harus jadi malajar, tapi maka kolaie masih mangau siku urang akan malajar kolaie mula tuntang prinsip dasar kona firman Hatalla. Kolai masih mamerlu susu, bukan pusehlaie am parat. ¹³ Laie, urang am hirup mula susu inya am urang am honta bapangalaman lalam mamaham palajaran tuntang kabujuran, inya lagi onin. ¹⁴ tapi, puseh laie padat akan urang jadi bujang, iyah am urang am jadi malatih indera urang mambedakan apa am baie lalu am jahat.