¹ Laie Hukum Taurat bayae tege bayangan tentang hal-hal am honae datang lalue hontae gambar am sabujurnya mulae hal-hal iyah, maka honie kurban-kurban am samah, am urang borie tarus satiap tahun, hukum yah hontae ulih mayampurnakan urang am datang badamping. ² Amun sabaliknya, hontae mamorie persembahan saharusnya hontae am digawie laie sakali konae barasih, urang-urang am sembayang yah hontae am marasae tege kasadaran akan dosae? ³ Tapie, lalam pamorie kurban yah, urang malah maingat akan dosae-dosae urang mulae tahun ka tahun. ⁴ Laie, darah lomue kalakie umakan kambing kalakie hontae ulih mahapus dosae. ⁵ Laie iyah, metuh Kristus datang ka lalam dunia, Inya bapaner, "Kurban umakan pamorie hontae Kolai honae, tapi tuwuh jarie Kolai siap akan-Ku; ⁶ Kolai hontae berkenan akan kurban bakar umakan kurban pahapus dosae. ⁷ Lalue aku bapaner, 'Itie Aku: Tege tatulis tetang Aku lalam gulungan kitab, Aku datang akan mangawie kahonae_mu, ya Hatalla.""Mazmur 40:7-9 ⁸ Salopas Kristus mamaner,"Kurban lalue pamorie, umakan kurban bakaran lalue kurban pahapus dosae, hontae Kolai honae, umakan hontae berkenan akan-Mu,"(am di borie sasuaie Hukum Taurat) ⁹ Inya manambah,"Itie Aku. Aku datang akan mangawie kahonae-Mu." Jarie, Yesus mahapus am pertamae akan manotapkan am kadua. ¹⁰ Laie kahonae-Nya, dirie konae barasih malalue pangurbanan tuwuh Yesus Kristus, sakalie akan salama-lamanya. ¹¹ Satiap imam mangaruh pengawie arienya mulae waktu ke waktu akan mamorie kurban am samah, am hontae ulih mahapus dosae; ¹² tapie Kristus, salopas mamorie kurban laie dosae, sutie kali ja akan sapalamatnya, Inya durue ka kiwae kanan Hatalla, ¹³ lalue manunggu metuh musuh-musuh-Nya jadie tumpuan kakie-Nya. ¹⁴ Honie sutie kurban, Kristus manyampurnakan urang am jarie dibarasih-Nya akan salama-lamanya. ¹⁵ Roh Barasih jam manjarie saksie akan dirie tentang hal itie laie salopas bapaner, ¹⁶ "Itie perjanjian am honae ku karuh barotae umat-Ku salopas masa iyah, paner Tuhan : 'Aku honae maanae hukum-hukum-Ku lalam hatie urang, Lalue Aku manulis_nya lalam pikiran urang.""Yeremia 31:33 ¹⁷ Limah yah, Inya Malanjutkan, "Aku akan malupakan dosae-dosae urang lalue hontae am mulae maingat kajahatan urang." Yeremia 31:34 ¹⁸ Keken tie, katika paampunan akan uras nya jarie tasadiae, maka hontae perlu am kurban akan manowus dosae. (Badamping ka Hatalla) ¹⁹ Laie iyah, kawan manyarieku, laie keken tie dirie tege kabaranie akan tamae ka lalam Dangau paling Barasih laie pangurbanan darah Yesus, ²⁰ honie jalan am baharue umakan hirup, am jarie dibukae laie Yesus akan dirie malalue tirai, yah am tuwuh-Nya, ²¹ lalue laie dirie jarie tege sikue Imam Bakah am mangapalae dangau Hatalla, ²² maka ayo dirie badamping dengan Hatalla honie hatie am tulus lalam keyakinan iman am ponuh, honie hatie am jarie dibarasihkan mulae nuranie am jahat, umakan tuwuh am jarie dibasuh honie araie am murnie. ²³ Ayo dirie barigap teguh akan pangakuan harapan dirie laie Hatalla am manjanjiekannya yah am satiae, ²⁴ ayo dirie mangaue cara nyaman ulih saling mandorong lalam mangasihi umakan mangawie perbuatan-perbuatan am baie, ²⁵ lalue hinang manjauhkan dirie mulae pertamuan sembayang dirie basamah, berae am digawie laie babarapa urang. Tapie, ayo dirie saling manguatkan, talobih jam laie kolai ingat amun Arie Tuhan honae damping. (Hinang Malawan Hatalla) ²⁶ Laie, amun sengaja dirie tatap babuat dosae salopas baulih kapintar tentang kabujur, maka hontae arae am kurban akan mahapus dosae-dosae iyah. ²⁷ Am tege baya penantian am mangolae akan pahakiman lalue nyalae apie am mahapus musuh-musuh Hatalla. ²⁸ Manurut kasaksian mulae dua atau tiga urang saksi, sapa jam am hontae manaatie Hukum Musa akan dihukum matie tanpa baulih bolas kasihan. ²⁹ Amun berae iyah, bujur lobih borat hukuman am konae tarimae laie urang am mainjae-injae Anae Hatalla, lalue am maanggap najis daras perjanjian am jarie dibarasihnya, umakan am mahinae Roh*pamorie Hatalla? ³⁰ Laie, dirie mangonal Inya am bapaner, "Pambalasan yah hak-Ku; Aku akan manuntut pambalasan." Inya jam bapaner, "Tuhan akan mahakimi uamat-Nya." ³¹ Am mangerikannya amun dirie jatue ka lalam jarie Hatalla am hirup. (Pelihara Kabaranian umakan Kasabaran) ³² Tapie, ingat arie-arie am jarie balalue, salopas kolaie baulih pancerahan, kolai batahan lalam perjuanganmu mananggung panderitaan am borat. ³³ Kadang-kadang, kolai dihinae lalue di jerae sacara tabuka dipaharap urang banya, lalue kadang-kadang kolai jam umae ka lalam panderitaan urang-urang am di gawie berae iyah. ³⁴ Kolai jam babolas kasihan akan urang am dipenjara, sampaie manarimae honie karamie katika harta hemu dijarah laie kolai ingat amun kolai tege harta am lobih baie umakan am kekal. ³⁵ Laie iyah, hinang kolaie mamuang kayakinanmu laie kayakinanmu yah mandatangkan pahala am bakah. ³⁶ Laie kolai perlu ketekunan akan mangawie kahonae Hatalla sahingga kolai baulih apa am dijanjie-Nya. ³⁷ Laie, "Hontae Lamat Jam, Inya am honae datang, akan tiba, lalue hontae akan manundae. ³⁸ Tapie, urang-Ku am bujur akan hirup laie iman. Lalue, amun inya mundur laie golae, maka jiwa-Ku hontae honae ka inya." Habakuk 2:3-4 ³⁹ Dirie bukannya urang-urang am undur akan kabinasaan, tapi urang-urang am baiman akan pamoliharaan jiwae.