¹ Sabab iyah, kahonanya kolaie maniru-maniru Hatalla samah berae ana-ana am kakasih. ² Hirupja lalam kasih, samah berae kristus mangasih dirie lalaue mamorie nirie-Nya akan dirie jadie manyorah akan kurban am harum kan Hatalla. ³ Tapie, hinang tege pancabulan atawae sagalae macam amisa, sarakah, bahkan diejokue hinang laie hal iyah hontae tamae kae antarae urang-urang kudus. ⁴ Hinang tege paner amisa, paner bunggul, atawae amlucu lucu kasar--am hontae pantas--sabaienya, maucap syukur. ⁵ Sabab, kolaie tahue umakan pasti bahwa urang cabul, urang hontae suci, atawae urang sarakah am manyomah imun hontae akan baulih warisan lalam Karajaan Kristus Hatalla. ⁶ Hinang arae urang am manipu kolaie umakan pane-paner tabagunae laie hal-hal iyah gin am manatang pangusar Hatalla tinggie ana-ana duhakae. ⁷ Jadie, hinang bakawal umakan pamanya. ⁸ Hariah kolaie dieam lalam potang, tapie metuh itie kolaie iyaham torang lalam Tuhan. pahiduptie berae ana-ana torang ⁹ laie buah mulae torang iyaham uras ambaie, amadil, kabujuran, ¹⁰ yahgin cubae manggaue apae am manyanang Tuhan. ¹¹ Hinang umae ngalap bagian ngaruh gawie lalam potang am hontae mahasilkan buah, sabaienya buang jauh pangawie-pangawie iyah. ¹² Sabab,manyokue hal-hal am pamanya karuh carae sunie-sunie ngaruh pamalue ¹³ Tapie, uras am talanjang laie torang jadie ilae ¹⁴ metuh itie uras am nyata iyaham torang. Iyah sabab, diepaner, "Misik,hey kolaie tukang tidur! Hidup ja mulae antara urang matie, Kristus akan bacahaya tinggie kolaie.'' Yesaya 60:1 ¹⁵ Jadie, parhatikan risae berae apae kolaie hidup, hinang berae urang babal, jadieam bijaksa. ¹⁶ Gunaekan waktu am tege carae baie-baie ja laie arie-arie itie iyaham jahat. ¹⁷ Laie iyah, hinang jadie bunggul, tapie mangarti apae iyah kahona Tuhan. ¹⁸ Hinang mawu laie anggur laie hal iyah hontae pantas, sabaienya ponohkan honie Roh. ¹⁹ Bapaner ja suti samah berae lalam mazmur, kidung pujian, nyanyian rohanie, manyanyaie ja karuhkan lagu pujian akan Tuhan honie sagonap hatiemu. ²⁰ Ucapkan syukur tarus laie sagala suatu akan Hatalla Ompaie lalam namaTuhan dirie, Yesus Kristus. (Nasehat akan Lakie umakan Binie) ²¹ Tunduk ja saurang akan am bukan berae golae akan Kristus. ²² Kawan-binie, tuduk ja akan lakiemu, berae akan Tuhan. ²³ Sabab, lakie iyaham kapala mulae binie, berae Kristus iyaham kapala mulae ungkup, iyaham tuwuh-Nya, Inyae kanirie Jurue Salamat. ²⁴ Tapie, berae apae ungkup tunduk akan Kristus, berae iyahjam binie harus tunduk akan lakienya lalam sagalae apae jam. ²⁵ Kawan-lakie, sayangkan biniemu berae Kristus mangasih ungkup mamoria nirie-Nya akan ungkup, ²⁶ laie manguduskan pamanya marasihnya masu honie araie umakan firman. ²⁷ Laie berae iyah, Kristus ulih manyorah ungkup akan nirie-Nya lalam kamuliaan, mayan isa, atawae mayan karesut, atawae sagala macamnya akan ungkup jadie kudus hontae cacat bakunat. ²⁸ Berae iyah jam, kawan-lakie harus manyanyang binienya berae tuwuhnya kanirie. Inyae am manyanyang binienya, mangasih nirienya kanirie. ²⁹ Sabab, hontae arae urang am basae gilie akan tuwuhnya kanirie, tapie inyae mahaga umakan marawatnya. Bebeh jam kristus akan ungkup. ³⁰ Laie dirie iyaham bagian-anggota tuwuh-Nya. ³¹ Iyaham sababnya, siku urang lakie-lakie akan bapisah mulae ompaie inaienya baumae kan binienya kaduanya jadie suti tuwuh. ³² Rahasia iyah bakah, lalue aku mamaner itie tege hubungannya antarae Kristus umakan ungkup. ³³ Tapie, biarja satiap kolaie manyanyang binie berae niriemu kanirie umakan biniemu harus homat akan lakienya.