¹ Laei inyah, aku, urang am di hukum laei Tuhan manyuruh kolaie akan hirup samah umakan panimaie am jadie kolaie bulih. ² Umakan uras kalowae hati lalu halus, umakan kesabaran samah manangung ka uyuh lalam kasih , ³ bausaha sakuat tenaga akan maliharae ka saluruh roh lalam kobatan damai sejahtera. ⁴ Laei tege sikue tuwuh umakan sikue roh, samah jam katika kolai di timaie akan sutie am di harap mula am di timaie mu ⁵ suti Tuhan, suti iman umakan suti baptisan, ⁶ suti Hatalla umakan ompaie dirie uras am di tingie urasnya, Malue urasnya umakan lalam urasnya. ⁷ Amun tam iyah, kan dirie samah-samah di borie anugrah samah umakan ukuran karunia Kristus. ⁸ Inyae am sobabnya di paner, ''katika inyae naie ka tingie , inyae managkap urang-urang am di panyarae umakan mamorie karunia akan kalunen.'' ( Mazmur 68:19) ⁹ Katika di paner, "Inyae naie," bukan inyae baartie inya jam jadie turun ka lowae bumi? ¹⁰ Inyae, am turun, inyae jam am naie lobih tingie mula uras langit nyame inyae ulih bulih uras am tege. ¹¹ Inyae am mamorie, kan rasul-rasul, nabi-nabi mangabar-ngabar injil gembala-gembala atau pun am malajar-malajar, ¹² akan malekap urang-urang barasih lalam gawian mambatu kam mambagun tuwuh Kristus, ¹³ sampai dirie uras bulih kesaluruh iman umakan paingat akan Ana Hatalla, yah am kalunen tuhae, manurut ukuran tingkat kasuburan am sasuai umakan kaperluan Kristus. ¹⁴ Dengan iyah, dirie hontae mula babiae am di luntang -lantung laie galumang umakan di tainge kakoyah kakotie laie bamacam riwut malajar, laie tipu daya kalunen, laie akal mula panipuam licik. ¹⁵ Am baik nyae, mander ka bujur lalam kasih, dirie akan batumuh lalam uras hal akan inyae, am ialah kapala inyalah Kristus. ¹⁶ Mula i-Nyae saluruh tuwuh tasusun umakan di kobat samah-samah jadie sutie malalu manahan tiap sendi. Jakae masing-masing mangaruh bagian henya , tuwuh akan batumuh nyaman mangaruh dirie nyae kanirie lalam kasih. (Cara Hirup Akan Bujur Lalam Kristus) ¹⁷ Laie iyah , aku bapaner umakan jelas lalam Tuhan, umet mula kolai hirup nulat urang-urang am hinta pacaya, akan hirup umakan babikir am sia-sia. ¹⁸ pamahaman pamanya manjadi golap umakan bapisah mula kahirup Hatalla laie kabungul tege lalam dirie pamanya akan disababkan laie kakoring hati. ¹⁹ perasaan pamanya am jadi tumpul umakan pamanya manyorah dirie akan hawa nafsu akan magaruh uras macam ka jangkit umakan maguasa. ²⁰ akan tapie, bukan umakan cara iyah kolaie malajar tentang Kristus. ²¹ Saumpama kolaie memang jadi mandongar tentang inyae umkan dilajar lalam inyae, sebenar nya am bujur tege lalam Yesus, ²² buangkan kalunen holuemu am kolaie bulih mula cara hirupmu am holue, am masih rusak laie hawa nafsu am manipu. ²³ Baharukan roh pikiranmu. ²⁴ Honie kan kalunen am baharu, am di karuh lalam gomar Hatalla lalam kabujur umakan kabarasih am sejati. ²⁵ Laie iyah, umakan mamuang am palsu, ayo tiap kolai bapaner am bujur akan sasamah kolai laie dirie samah-samah bagian sutie tuwuh. ²⁶ Gusarkan umakan umet mangaruh dusa. Umet manyuruh mata ari tangolam lalam kagusarmu. ²⁷ Umet mamori kasompatan akan setan. ²⁸ Urang am jadie mangolit, umet mangolit mula.Lobih baik amun iyae bagawie gancang umakan mangaruh gawian am baik honie jarie kanirie nyaman iyae mahompu am tege kan di bagie kan urang am pamerlue. ²⁹ Umet manyuruh bapaner burue maluar mula bibirmu, tapie tahue bapaner am baik kan marompuh urang am mamerlue nyaaman panermu iyah mamori berkat akan pamanya am mandoarnya. ³⁰ Umet manyakit hati Roh Barasih Hatalla, Sabab laie Inyae kolaie dimateraikan akan arie penebusan. ³¹ Buang uras macam am pahite, kasangkal, pangusar, bakalahi, umakan bapaner manuduh, umakan uras kajahat, jauhkan mulae kolaie. ³² Bakalakuan baik sutie umaka am bukan, mangora hati am baik, umakan samah ma ampunie nulat Hatalla lalam Kristus jam maampunie kolaie.