¹ Babiyae, turutie urang tuhaemu lalam Tuhan laie itie ialah hal am bujur . ² ''Rogakan ompaie umakan inaiemu ," itie ialah parintah pertama akan barotae janyie ³ " nyaman hirupmu baik umakan kolaie kan baumur panyange ka bumi". ⁴ Ompaie-ompaie, umet kam maacung kan babiyae akan jadie gusar, tapie bakahkan pamanya lalam aturan umakan nasihat Tuhan.(Nasihat Akan Hamba umakan Tuan) ⁵ Palayan, turutie tuanmu am tege di duniae itie umakan rogae dengan golae, lalu dengan katulus hatie nulat akan Kristus. ⁶ Umet nulat urang-urang am mangaruh gawian nyaman akan di ilae urang -- akan maramie kalunen, tapie nulat hamba-hamba Kristus am mangaruh kahonae Hatalla mula hati. ⁷ Malayanie dengan saponuh hati nulat akan Tuhan umakan bukan akan kalunen. ⁸ Sabab, kolaie ingat, apae nyae budak atau jam urang monang, jakae nyae mangaruh hal am baik, Tuhan akan mamori upah akan iyae. ⁹ Tuan-tuan, karuhkan jam akan hamba-hambamu. bahontie mangancam laie ingat kan apa tuan mu atau tuan pamanya samah-samah tege di surga. (Honielah saluruh sanjata Hatalla) ¹⁰ Akhirnya, jadie toguh lalam Tuhan umakan lalam toguh kuasa-Nyae. ¹¹ Honie kan saluruh parlongkapan sanjata Hatalla nyaman kolaie bulih badirie malawan tipue daya Iblis. ¹² Sabab,parjuangan dirie bukan malawan daging umakan darah, tapie malawan pamarintah-pamarintah, penguasa-penguasa,kagancang-kagancang dunia kagolapan itie, umakan malawan kagancang roh mula am jahat am tege ka langit. ¹³ Laie iyah, honikan saluruh parlongkapan sanyata Hatalla nyaman kolaie ulih bulih batahan waktu arie am jahat iyah datang, umakan sahabis urasnyae jadie kolaie totap badirie. ¹⁴ Jadie, badirie toguh, umakan mangancang kowat pungung kabujur homan sakitar pingangmu umakan honie baju zirah keadilan, ¹⁵ umakan pasangam kaus kakiemu umakan kasiap Injil damai sajahtera. ¹⁶ Lalam uras hal, alap talawang iman akan kolaie bulih mampatie uras panah apie mula am jahat. ¹⁷ Alapkan salutup kasalamatan pedang Roh, ialah firman Hatalla, ¹⁸ samil badoa tiape waktu lalam roh umakan uras doa dengan bamohon.Lalam doamu itie, bajaga-jaga umakan uras karajin samil manaikan uras bamohon akan uras urang barasih. ¹⁹ Badoa jam akan aku nyaman katika aku mamuka nyawa, bapaner di karuniakan akan aku nyaman aku baranie mangisah rahasia Injil. ²⁰ Laie Injil itiam, aku manjadie pasuruh am terbalenggu. Doakan nyaman aku bulih mangisahkan umakan baranie sebagaimana saharusnya aku bapaner. (Salam Terakhir) ²¹ Tikhikus, manyarie seimanku am terkasih umakan pambantu am setia lalam tuhan, akan mamarah sagala sasuatu kan kolaie nyaman kolaie jam ingat apa ulahnyae kaadanku umakan apa am aku gawie. ²² Aku memang manyuruh nyae ka kolaie akan tujuan itie,nyah am nyaman kolaie ingat kabar kamie umakan nyaman nyae ulih mahibur hatimu. ²³ Damai sajahtera akan manyarie-manyarie seiman, dengan kasih umakan iman mula Hatalla ompaie umakan Tuhan Yesus Kristus. ²⁴ Pamori mairing uras urang am mangasih Tuhan dirie, Kristus Yesus, umakan kasih am hontae akan hilae.