¹ Amun, Saulus, samil tarus mangaruh pangola pamati taharap Murid-murid Hatala, badari maharap Panuha Bakah, ² am maminta surat mula inya, am ditujuk akan Sinagoge-sinagoge ka Damsyik sahompan inya manapat sapa jam am percaya dengan Jalan iti, baik labini kalaki, inya menaing urang am di belenggu ka Yerusalem. ³ Palamat inya bajalan, semakin damping dengan Damsyik, sakatika iyah mula cahaya langit mangaliling nya. ⁴ Lalu, inya jatu katana mandongar bungi am baparah dengannya, "Saulus,Saulus ngapa kolai melai aku?" ⁵ Saulus batanya "Sapa kolai ti,Tuan?" lalu, inya baparah, "Aku ti Yesus, am kolai jera. ⁶ Metuh yah, huas lalu tama ka Kota, nona,kolai langsung di bori apa am harus kolai gawi". ⁷ Urang-urang am badiri barota dengan Saulus badiri hinta bapaner apa-apa metuh inya manongar suara yah, tapi hinta maila apa-apa. ⁸ Saulus badiri ka tana, matanya tabuka, tapi inya hinta ulih maila apa-apa. Maka urang banya yah manuntunya dengan jari, manaing inya ka lalam Damsyik. ⁹ Salama, palamat tolu ari, Saulus hinta ulih maila hinta ulih makan lalu marai. ¹⁰ Salopas ari iyah, tege saurang Murid ka Damsyik, am banama Ananias. Hatala baparah dengan nya lalam pailanya, "Ananias!"Maka Ananias bapaner,"Iti Aku Tuhan." ¹¹ Lalu Hatala bapaner ka inya,"Huas lalu baguang kolai ka jalan am lurus, kadangau Yudas, gau urang Tarsus am banama Saulus, ila yah, urang yah am lagi badoa, ¹² lopas iyah inya bulih panampai tege urang am banama Ananias datang hona manumpang jari ka tingi nya nyaman ulih maila mula." ¹³ Tapi, Ananias manyawab, " Hatala, aku jari banya manongar kisah iti mula urang banya, berapa banya kajahatan am inya gawi taharap umat Kudus kam ka Yerusalem, ¹⁴ lalu mula diti inya hompu hak mula imam-imam kepala am takobat urang banya yah manimai nama-Kam." ¹⁵ Metuh yah, Tuhan bapaner kan nya, "Ingkas kam gawi urang iti yah alat am Ku pilih akan manaing nama-Ku ka paharap bangsa-bangsa bukan,raja-raja, lalu bangsa Israel. ¹⁶ Laie iya, aku akan menunyu akan inya banya mansai kasusah lai nama-Ku." ¹⁷ Lalu Ananias ingkas tama ka lalam dangau iyah, limah iyah inya mangora jarinya katingi Saulus, inya bapaner, "Manyariku Saulus, Tuhan Yesus, am mahamus arepnya lalam pajalan mu kaditi, jadi mautus aku nyaman kolai tahu maila Barasih." ¹⁸ Lopas, sakatika iyah jam, macam sisi laok jatu mula matanya lopas yah ulih maila mula. Limah iyah, inya huas lalu dibaptis. Saulus Manampara Mangesahkan Yesus ¹⁹ lalu, Salopas makan, Saulus jadi kuat. Inya barota kawan muridnya ka Damsyik babarapa ari. ²⁰ Lalu, inya mangabarkan Yesus ka sinagoge-sinagoge samil bapaner, " Yesus ti anak Hatala". ²¹ Uras urang am manongarnya heran lalu bapaner, "Honta inya ti am ka Yerusalem mampati urang am manyoku nama iyah am jari datang koti honi tujuan manaing urang lalam kasusah kapaharap imam-imam tuha?" ²² Tapi, Saulus mahi batamah kuat mangaruh heran urang-urang Yahudi am tingal ka Damsyik mamukti Yesus iyah am Kristus. Saulus Lopas Mula urang-urang Yahudi ²³ Ganap ari, urang-urang Yahudi basakongkol barami mampati Saulus. ²⁴ tapi, Sekongkol urang yah hinta saulus tahu. Urang maila pintu-pintu siang malam nyaman ulih mampatinya. ²⁵ Metuh iyah, Murid-murid Saulus manaing inya malam ari lalu manurunkannya melalui dinding dengan maulurnya kaloba ka lalam keranjang. Saulus ka Yerusalem. ²⁶ Metuh Saulus sampai ka Yerusalem, inya manyuba bagabung dengan murid. Metuh yah, urang urasnya gola gawi hinta percaya gawi inya muridnya. ²⁷ Tapi, Bernabas manaing Saulus ka Para Rasul, inya mangisah ka urang inya ti maila Tuhan lalam pajalannya, lalu inya bapaner dengannya, uma inya barani bapaner lalam nama Yesus am ka Damsyik. ²⁸ Lalu, Saulus barota dengan urang tama maluar bara Yerusalem samil bapaner lalam nama Tuhan. ²⁹ Inya bapaner lalu bakalahi dengan urang Helenis, tapi urang yah hona bausaha mampati inya. ³⁰ Metuh manyari saiman maingat hal iti, urang manaing ka loba ka Kaisarea lalu mamori perintah ka Tarsus. ³¹ Gawi iyah, jemaat uras Yudea, Galelia, kan Samaria baulih damai am batumuh. Am, Hirup ka lalam gola akan Tuhan lalam karami Roh am Barasih, urang tarus batamah banya. Petrus Ka Kota Lida Dengan Kota Yope ³² Katika ari iyah, Petrus mangaliling uras daerah diah, inya koca ka urang-urang kudus am tingi ka Lida. ³³ Kadikeh inya, manapat saurang kalaki am banama Eneas, inya ta galing ka human tidur jari lapan tahun inya lumpuh. ³⁴ Limah, Petrus baparah dengan nya, "Eneas, Yesus Kristus mama'i kolai. Huas rasihkan ka homan galing kam". Lopas iyah, sakatika iyah jam, Eneas huas. ³⁵ Lalu, uras urang am tingal ka Lida Saron jam maila Hatala lopas iyah batobat. ³⁶ Sakatika ari, ka Yope, tege saurang labini am banama Tabita, mun di artikan Dorkas. inya ponuh dengan perbuatan baik suka mambori. ³⁷ Metuh ari iyah, inya kamyaman lalu mati. Sakatika urang mamani nya, urang mangalingnya katingi. ³⁸ Gawi Lida am parak Yope, kawan murid, salopas mandongar Petrus tege kadiyah, inya mautus dua urang ka Petrus lalu maharap kan inya, "Hinam manunda ingkas ka human kami!" ³⁹ Lalu petrus ingkas barota kan urang. Limas, inya sampai, urang manaing Petrus ka tingi. Uras janda badiri ka sisi Petrus samil manangis, lalu manunyukkan rumai-rumai jubah am biasa dikaruh lai Dorkas kametuh inya masih bauma akan urang. ⁴⁰ Lopas iyah, Petrus manyuruh urang uras kaluar, limah iyah inya manyomah badoa. Salopas iyah, inya bapaling ka mayat Tabita lalu bapaner, "Tabita, huas kam!" limah, labini iyah mamuka matanya sakatika iyah jam inya ulih maila Petrus, inya duru. ⁴¹ lai, Petrus maulur jari akannya manulung badiri. Salopas yah, samil manimai urang-urang am barasih dengan kawan janda, inya hona mamukti amun Tabita ti hirup. ⁴² lai, kejadian yah am tasobar ka uras Yope, banyak urang am parcaya ka Hatala. ⁴³ lai, Petrus tingal lamat jam ka Yope barota saurang ba nama Simon, saurang tukang laok jolu. Saulus Jadi Pauma Yesus