(Petrus rang nua Kornalius) ¹ Katika iyah, ka Kaisaria tege siku urang namanya Kornelius, inya yah kapten pasukan Italia, ² Urang am taat, gola Akan Hatalla, sama jam urang-urang am tege ka dangaunya,lalu inya jam mamori banya sumangan akan urang-urang am selalu badoa kan Hatalla. ³ Katika ari, kolam sakitar jam jam tolu kolam , inya maila, puna nyata malekat hatalla datang lalu manimai inya, ''Kornelius!'' ⁴ Lalu, inya manampai malekat Hatalla puna gola lalu bapener, ''Apati,tuan?" lalu,malekat hatalla yah bapaner,"du,a-du,a mu tuntang pamori mu yah jari nai'k ka paharap Hatalla am pinta mu tuntang du,a mu jadi tarima hatalla, ⁵ Keken iti jam, suruh urang ka Yope manimai simon, am dijoku petrus, ⁶ Inya diam panehan homan dangau tukang kulit lau jolu am banama simon inya diam sisi sungai/tasik.'' ⁷ Lipas malekat yah bapaner akan kornelius inya lalu badari,kornelius manimai dua urang anak buah nya tuntang siku tatara pangawal nya am puna baik hati nya, ⁸ lalu inya majelas kan tuntang manyuruh urang ka Yope. ⁹ Ari pagi nya mula,urang lalam perjalanan nya lalu damping kota iyah ,Petrus naik ka hatap dangu rang sakitar jam kaonam ,akan badu,a. ¹⁰ lalu, inya mansai kaporan porut nya hona makan tapi urang-urang jadi manyiap pamakan nya ,Petrus baulih pailanya, ¹¹ Lalu inya maila langit am tabuka bera kain am puna himan turun taulur mula ompat buncu sampai katah. ¹² Kalalamnya,tege sagala jenis lau jolu bakaki ompat, tuntang am malantar ka bumi, sagala burung-burung ka udara. ¹³ Lalu,datang bungi suara bapaner kan inya, ''huas, petrus, samolihlah akan puseh! '' ¹⁴ Akan tatapi, petrus bapander,''honta ,tuhan sebab, aku honta basa museh am haram atau najis.'' ¹⁵ Lalu, suara inyah bapaner akan inya ka dua kali nya,"Apa am parah Hatalla barasih ,hinam sakali kali kolai manyoku nya haram'' ¹⁶ Hal iti tajadi tolu kali, lalu salenga uras taincang kalangit. ¹⁷ Metuh, Petrus masih bingung mamikir kan paila nya am di ilanya, puna batantu urang-urang am di utus lai kornelius mangau kamanih homan simon, samil badiri ka pintu gerbang, ¹⁸ Lalu manimai, urang samil batanya apa iti tege simon, am di joku Petrus, am diam diti. ¹⁹ Samantara Petrus mamikir kan pailanya yah, Roh bapaner ka inya,''ilaiti, tege tolu urang kalaki am mangau kolai. ²⁰ Misik am lalu turun kaloba, ingkas ja barota kan urang hinam kolai ragu laie aku mautus urang yah." ²¹ Lalu, Petrus turun akan urang-urang iti lalu bapaner,"Ila, aku ti urang am kolai gau. Apa alasan panatangmu?'' ²² Urang nimat ,"Kornelius, saurang perwira, urang am bujur tuntang gola akan Hatalla, am takenal baik antara saluruh bangsa Yahudi, jari diingat lai malaikat barasih akan manyuruh kolai datang ka dangau nya lalu mandongar paner mu." ²³ Petrus manaing rang tama kalalam lalu mamori urang yah tumpangan diah .Ari paginya mula, inya huas lalu ingkas barota kan urang, lalu kawan manyarinya am saiman kan inya mula Yope manamah inya. ²⁴ Sa ari iti lipas, inyah urang datang ka Kaisarea. Jadi di tanti laie Kornelius inya mangumpul kaban manyari nya tuntang kawal-kawal amdampinginya . ²⁵ Lalu Petrus tama, Kornelius manapat inya, lalu inya duru manyomah ka kaki Petrus. ²⁶ Lipas iyah, Petrus marompuh inya badiri samil bapaner, "Badiri ja ! aku ti siku urang kalunen jam." ²⁷ Samantara Petrus bapaner kan Kornelius, Petrus tama kalalam maila banya urang bakumpul basamah. ²⁸ Lipas yah, Petrus bapaner akan urang, " Kolai ingat bahwa tege kekejian akan urang Yahudi laie bahubung atau malauh bukan urang Yahudi, tetapi Hatalla jari manunyu aku bahwa aku honta saharusnya manyoku siyapa jam am haram atau najis. ²⁹ Yah sebabnya, aku honta ka boratan metuh kolai manyuruh aku datang. Laie inya, aku batanya apa alasan kolai manimai aku?" ³⁰ Lalu, Kornelius bapaner,"Ompat ari am lalu sampai iti ,pas jam kasamilan,aku metuh badu,a ka lalam dangauku, ila, tege urang badiri kapaharap ku mahoni pakayan am bakilau. ³¹ Lalu bapaner, ''Kornelius,du,a mu jari ku dongar pamorimu jam di ingat Hatalla. ³² Laie inyah,suruhlah ka Yope lalu mintalah ka Simon am di joku Petrus supaya datang. Inya metuh manumpang ka dangau Simon, iya tukang kulit lau jolu, ka sisi tasik. ³³ Laie iyah, aku laca manyuruh urang nguang kolai, laie kolai baik hati hona datang. keken iti,diri urasnya tege diti, ka paharap Hatalla, nyaman manongar apa jam am jari diperintah kan ka kolai laie Hatalla." (Petrus Mamarah Kabar ka dangau Kornelius) ³⁴ Lopas iyah, Petrus bapaner,"Keken iti, aku puna paham amat Hatalla iyah adil. ³⁵ Tapi, satiap bangsa, urang am gola akan inya lalu mangawi am bujur, Laie kahonanya. ³⁶ Bungi am Hatalla parah akan bangsa Israel mamorikan kabar baik damai sejahtera lantaran Kristus Yesus, inya yah Hatalla saluruhnya. ³⁷ Kolai kaniri ingat paristiwa am jari tajadi ka saluruh Yudea, mula Galelia, lopas pamani am Yohanes kabar kan, ³⁸ Kolai ingat inya yah Yesus, urang Nazaret, macam apa Hatalla manobat-Inya honi Roh barasih honi kuasa. inya ingkas kaliling mangaruhkan am baik manyaka banya urang am di tindas lai Roh jahat laie Hatalla mangawal inya. ³⁹ Kami ti saksi-saksi mula uras am jari Yesus karuh, baik ka daerah urang Yahudi tawa Yerusalem urang jadi mamaitikan Yesus lalu mangantungnya katingi kayu salib. ⁴⁰ Tapi Hatalla mahairupinya pas ari ka tolu lalu manyuruh inya mamarah arepnya. ⁴¹ Bukan akan saluruh urang, tapi akan kami, saksi-saksi am jari di pilih laie Hatalla sahompannya, am makan minum basamah-Nya salopas inya hirup mula antara urang mati. ⁴² Lalu, Inya mamarentah kami mangabar akan urang-urang lalu bapner buju-bujur bahwa Inya yah am jari di pilih Hatalla manjari Hakim katingi urang am hirup umakan am mati. ⁴³ Akan Inya, uras nabi am basaksi amun satiap urang am percaya ka lalam-Inya manarima pa'ngampun dosa mula nama-Nya." (Hatalla manarima uras urang). ⁴⁴ Metuh Petrus masih bapaner, Roh am Barasih turun katingi urang am manongar Panernya yah. ⁴⁵ Lalu, urang-urang am parcaya yah basunat, am datang dengan Petrus, heran laie haknya Roh barasih jari tacurah, akan bangsa-bangsa am bukan jam. ⁴⁶ Laie iyah, urang banya manongar am bapaner honi macam-macam bahasa am mamuji Hatalla. Lipas yah, Petrus bapaner, ⁴⁷ "Bukankah honta ara urang am ilih manahan arai akan am di pani akan urang-urang am jari manarima Roh barasih sama bera diri ti jam?" ⁴⁸ Lipas yah, Petrus manyuruh urang am di pani lalam nama Yesus Kristus. lalu, urang-urang yah maminta nyaman Petrus yah diam diah uma uranga yah akan babarapa ari mula. (Petrus dengan Kornelius)