¹ Maka, Agripa baparah ka Paulus, ''kolai kona diizinnya bapaner akan mambela kaniri''. Limah iyah, Paulus mahalangkan jarinya lalu mamarahkan pambelaannya. ² ''Sahubungan dengan uras hal am dituduhnya ka aku lai urang-urang Yahudi, Aku mangangap kaniriku baruntung, Raja Agripa, Lai aku akan mamarahkan pambelaanku ka harapmu ari itie, ³ khususnya lai kolai urang am bujur-bujur tahu uras kabiasaan lalu masalah di antara urang-urang Yahudi. Lai iyah, aku mamohon ka kolai akan manongarkan aku dengan sabar. ⁴ Uras urang Yahudi tahu cara hirupku sajak masa biaku, am sajak awal manghabiskan hirup ka tongah-tongah bangsaku kaniri ka Yerusalem. ⁵ Lai jadi lamat urang tahu tuntang kaniriku, jaka urang hona, urang baulih aku baparah bahwa aku hirup sasuai dengan ajaran kalompok am paling karas mula agama kami, aku hirup sabagai urang Farisi. ⁶ Boti tie, aku badari ka diti akan diadili lai mangharapankan akan janji am dikahona Hatalla ka hiya umuh dirie. ⁷ Janji itie am diharap lai kadua belas suku bangsa diri baulih jadi, samantara urang manyomah Hatalla dengan bujur-bujur siang rang nua malam. lai pangharapan iyaham aku dituduh lai urang-urang Yahudi, uy Raja. ⁸ ngapa kolai anggap mustahil bahwa Hatalla mahuaskan urang mati? ⁹ Lai iyah, aku kaniri mangira bahwa aku harus mangaruh banya hal am malawan nama Yesus mula Nazaret. ¹⁰ iyah am aku ngaruh ka Yerusalem. Aku bukan kali hona manama urang-urang kudus ka lalam panjara, limah manarima kuasa mula iman-iman kapala, tapi saat urang dihukum mati, aku manyatujunya. ¹¹ Lalu, aku rancak manghukum urang ka sinagoge-sinagoge akan bausaha mamaksa urang akan manyumpah. aku gusar amat kan urang, aku mangian urang, bahkan sampai ka kota asing.'' Paulus Bakesah Tuntang Badapat Akan Yesus ¹² ''Akan maksud iyah jam, aku masih lalam pajalanan ka Damsyik, honi kuasa tugas mula iman-iman kapala. ¹³ Saat tongah ari, uy Raja, ka tongah pajalananku, aku maila cahaya mula langit, lobih torang mula mata ari, am bacahaya torang tarus urang-urang am bajalan barota kan aku. ¹⁴ Lalu, kami uras tarahap ka tingi tanah, aku tege manongar suatu suara bapaner ka aku lalam bahasa Ibrani, 'Saulus, Saulus, ngapa kolai mangian Aku? sulit bagi kolai akan manandang tungkat.' ¹⁵ Lalu aku batanya, 'Sapakah kolai, aku Tuhan?' 'Limah iyah, Tuhan manyawab, 'Aku Yesus, am kolai malai aku hari. ¹⁶ Amun, huas lalu badiri dengan kaki hemu. Lai, Aku jadi manampakan arepku kaniri akan tujuan itie, am itie manotapkan hemu sabagai kaniri palayan saksi, honta akan hal-hal am jadi kolai ila, tapi jadi akan hal-hal am akan aku tunyukan ka kolai. ¹⁷ Aku akan manyalamat kolai mula bangsa hemu iti mula bangsa bukan, am ka urang aku mamutus kolai, ¹⁸ akan mamuka mata urang jadi urang babali maila jahat ka urang kuasa Iblis ka Hatalla supaya urang manarima pangampunan dosa-dosa uras manarima bagian ka antara urang-urang am jadi di kuduskan lai iman ka lalam Arepku.''' Paulus Mamarah tuntang Pangawinya ¹⁹ ''Maka, Raja Agripa, aku honta basa honta patuh akan panampai surgawi iyah, ²⁰ Tapi, mula-mula, aku mamarahkannya ka urang am tege ka Damsyik, lalu ka Yerusalem lalu uras homan Yudea, jadi ka bangsa-bangsa bukan, bahwa urang hapus batobat lalu babali ka Hatalla, dengan mangaruh sesuai partobatan urang. ²¹ iti am urang-urang Yahudi manangkap Aku Bait Hatalla atau pun bausaha mamatikanku. ²² Sampai ari itie, aku jadi manarima manulung mula Hatalla lalu aku badiri ka diti akan basaksi, bai ka urang-urang koni atau pun urang-urang bakah dengan honta mamarahkan hal bukan, apa am diparah lai kawan nabi rang nua musa tuntang am akan jadi, ²³ lalu kristus harus sia-sia bahwa, dengan alasan manjadi am partama huas mula antara urang mati, inya akan mamarahkan torang, bai ka urang-urang Yahudi atau pun ka bangsa-bangsa bukan.'' Paulus Bausaha Mayakinkan Agripa ²⁴ samantara Paulus masih mamarahakan hal-hal lalam pambelaannya, Festus baparah dengan suara nyaring, ''Paulus, kolai jadi gila! paningatmu am honta banya ngaruhmu honta waras.'' ²⁵ Amun, Paulus manyawab, ''Am Raja Festus, aku honta gila, tapi aku mamarahkan sabujurnya paner paru ara tama akal. ²⁶ Lai, Raja maingat hal-hal iti lalu aku uma bapaner lalu barani. Lai, aku parcaya bahwa honta tege suti pun mula hal-hal iti am lolos mula parhatiannya lai iti honta homan am tapencil. ²⁷ Raja Agripa, apakah kolai mamparcaya kawan nabi? Aku tahu kolai parcaya.'' ²⁸ Raja Agripa bapaner ka Paulus, ''lalam katika am singkat, kolai jadi mamparcayakan aku akan manjadi urang Kristen.'' ²⁹ Lalu, Paulus manyawab, ''Aku mamohon ka Hatalla supaya copat atau lamat, honta lai kolai, tapi uras urang am manongarku ari itie, tahu manjadi bera arepku, kacuali rantai-rantai itie.'' ³⁰ Limah iyah, raja badiri. lalu gubernur, Bernike, uras urang akan duru barota kan urang. ³¹ Lalu, panehan urang maluar ruangan iyah, urang bapaner suti am bukan, '' Urang itie honta ngaruh apa pun am pantas disamahkan akan hukuman mati apa panjara.'' ³² maka, Agripa bapaner ka Festus, ''Orang itie jadi tahu dibiarkan inya honta nai ka kaisar.''