¹ Tolu ari limah iyah, Festus datang ka provinsi iyah, limah iyah badari mula Kaisarea ka Yerusalem. ² Imam-imam kapala lalu kawan pamimpin Yahudi mangadu balik malawan Paulus, rang tarus manggosa Festus, ³ samil minta murah hati taharap urang yah manyuruh urang manaing Paulus ka Yerusalem, limah iyah urang bapakat mampati Paulus ka tongah perjalanan. ⁴ Festus manimat Paulus nyaman totap ditahan ka Kasiarea lalu inya datang koyah sacopatnya. ⁵ "Maka," ujanya, ''Biar am kawan pamimpin ka antara kolay turun ka koyah barota aku, jakai tege am salah mula urang yah, biar am urang mangadu dakwa nya ka urang yah." ⁶ Limah Festus tingal ka antara urang honta lobih mula lapan sampai sapuluh ari, inya baulang ka Kaisarea. Lalu, pagi nya mula, inya duru ka kursi pangadilan lalu marintah nyaman Paulus di taing ka paharap nya. ⁷ Metuh Paulus selenga, urang-urang Yahudi am turun mula Yerusalem badari mangalilingnya, mamarah banya dakwa malawan Paulus, am honta ulih sangup urang mambuktikan. ⁸ Samantara iyah, Paulus mamarahkan pambelanya, ''Aku honta mangaruh kasalahan apa am malawan, bai Hukum Taurat Yahudi, Bait Hatalla, ataupun Kaisar.'' ⁹ Akan tapi, lai hona marami urang-urang Yahudi, Festus bapaner ka Paulus, ''Apa kolai basadia nai ka Yerusalem lalu diadili ka paharapku tingi tuduhan-tuduhan itie?" ¹⁰ Amun, Paulus bapaner, "Aku lagi badiri ka paharap pangadilan Kaisar, homan sabujur nya aku di adili. Aku honta basalah apamun taharap urang-urang Yahudi bera am kolai kaniri tampa ingat. ¹¹ Jadi, jakai aku am basalah mangaruh gawi am pantas di hukum mati, aku honta akan coba badari mula hukuman mati iyah. Amun, jakai tuduhan urang ka paharap aku manyan ara am bujur, manyan ara siku urang am ulih manyarang aku ka urang yah. Maka, aku banding ka Kaisar." ¹² Limah iyah, Festus bapakat kan Sanhedrin, inya manimat, "Kolai jadi nai banding ka Kaisar, maka ka kaisar kolai harus badari.'' Festus Batanya ka Raja Agripa Manganai Paulus ¹³ Jadi babarapa ari am balalu, Raja Agripa rang Bernike salenga ka Kaisarea akan mori hormat ka Festus. ¹⁴ Samantara urang tingal ka koyah salama barapa ari, Festus manjelaskan kasus Paulus ka Raja, uja nya, "Tege siku am di tingalkan akan sabagai tahanan lai Feliks. ¹⁵ Metuh aku tege ka Yarusalem, iman-iman kapala tuha-tuha Yahudi manyampai tuduhan-tuduhan malawannya lalu maminta nyaman inya kona hukum. ¹⁶ Aku manimat urang honta hadat urang Roma akan manyorahkan urang sahompan tatuduh badapat dengan muha, lalu inya dibori kasempatan akan mangaruh pambelaan taharap tuduhan-tuduhan iyah. ¹⁷ Lalu, metuh urang datang bakumpul koti, aku honta manunda kasus itie, tapi pagi nya mula, aku duru ka karusi pangadilan marentah nyaman urang iyah ditaing maharap aku. ¹⁸ Metuh kawan tuduhannya badiri, urang honta mamarah tuduhan-tuduhan am jahat bera am di kiraku. ¹⁹ tapi, urang honta satuju kan urang iyah kan agama urang Yesus, am jadi mati, am Paulus parah Inya hirup. ²⁰ Lai aku bingung bera apa aku mamariksa uras nya itie, aku batanya apa inya hona nguang Yarusalem di hukum koyah lai kasus itie. ²¹ Amun, metuh Paulus naing banding ditahan mananti kaputusan Kaisar, aku marintah nyaman inya ditahan sampai aku ulih mangirimnya manguang Kaisar." ²² Lalu, Agripa bapaner ka Festus, "Aku jam hona manongar kaniri urang iyah." "Ari pagi," Festus bapaner, "Kolai pasti manongarnya." ²³ Lalu, limah paginya, Agripa rang nua Bernike datang mahoni kamewahnya tama ka ruang sidang barota tantara kan kawan pamimpin kota iyah. Limah iyah, sasuai kan paner Festus, Paulus ditaing tama. ²⁴ Festus bapaner, "Raja Agripa uras am datang barota kami koti. Ila ja urang itie, am dimohon lai uras urang Yahudi ka aku, bai am tege ka Yerusalem ataupun am tege koti, dengan basoru urang iyah saharusnya honta tahu hirup lobih lamat agi. ²⁵ Tapi, aku manapat inya tie honta mangaruh apa pun am sasuai kan hukuman mati. Metuh inya nai banding ka Am Mulia, aku mamutus nyaman mangirimnya nguang Kaisar. ²⁶ Amun, aku honta hompu am pasti akan ditulis ka rajaku. Lai iyah, aku jadi manaing urang itie ka paharapmu uras, lalu khususnya ka paharap kolai, Raja Agripa. Dengan bebeh, jadi baprisa iyah dijadikan, aku tege sasuatu akan ditulis. ²⁷ Lai, bera nya honta tama akal bagiku akan mangirim saurang tahanan tampa mangajukan tuduhan-tuduhan am jelas taharapnya.''