¹ Limah kami bapisah mula urang lalu kami ingkas, kami langsung balayar ka Kos, lalu ari pagi kami ka Rodos, mula dikeh kami ka Patara, ² salopas iyah mula kami baulih kapal am hona nipah kan Fenisia, kami naik ka kapal iyah lalu balayar. ³ Metuh kami jari maila Siprus, kami malalu kasorap kiwa, kami totap balayar ka Siria, lalu turun ka Tirus laie kapal laca manurun barangnya. ⁴ Limah badapat kan anak buahnya, kami diam diah sapalamat tujuh ari. Lalu, mula Roh Hatalla, urang yah tarus mamori nasehat akan Paulus nyaman honta naik ka Yerusalem. ⁵ Metuh kami koyah waktu jadi habis am,lalu kami ingkas melanjut pajalan kami. Urang uras, barota kan anak bini rang , ma'antat kami sampai ka luar kota. Lalu, limah duru honituut ka pantai lalu badu,a ⁶ Kami bapisah mula am bukan.lalu kami naik kapal, urang yah pulang jam ka rangau. ⁷ Limah yah kami bahonti bajalan mula Tirus, kami sampai ka Ptolemais, lalu kami manyalu kawan manyari saiman, lalu uma urang salama sa ari. ⁸ Mula ari sutinya, kami ingkas ka Kaisarea, lalu tama ka dangau pambarita Filipus, inya jam tapilih mula ka tujuh urang yah, lalu kami diam uma inya. ⁹ inya tege bagora ompat anak labini bujang am baulih talenta mula Hatalla nyaman mangabar barita Hatalla. ¹⁰ Honta barapa ari kami diam diah , siku nabi am banama Agabus turun mula Yudea. ¹¹ Lalu, datang nguang kami, inya ngalap kowat pungung Paulus mangowat jari kakinya kaniri, lalu bapaner,"iti am dipaner Roh am Barasih, ''bera cara iti urang-urang Yahudi ka Yerusalem akan mangowat urang am hompu kowat pungung ti lalu manyorahkan nya ka jari bangsa-bangsa am bukan ." ¹² Metuh kami nongar hal iyah, kami kan urang-urang am tingal diyah mamita ka Paulus nyaman honta ingkas ka Yerusalem. ¹³ Lalu, Paulus baner ,uja nya" apa am digawimu, managis diyah mahancur kan hatiku? Laie, aku siap, honta nya di kowat, gonae tapi akan mati ka Yerusalem demi nama Tuhan Yesus." ¹⁴ Laie, Paulus honta ulih dinasehat , kami suni lalu bapaner," Biar kahona Tuhan am jadi." ¹⁵ Honta barapa ari lipas iyah, kami basiap-siap hona ingkas ka Yerusalem. ¹⁶ umajam kaban murid mula Kaisarea hona ingkas jam barota uma kami.Lalu manaing kami ka rangau Manason, urang Siprus, siku murid am jari lamat, kami tingal uma iya. (Paulus Bakoca Yakobus) ¹⁷ Limah kami datang ka Yerusalem, kaban manyari saiman manyamut kami puna rami. ¹⁸ Lalu, ari sutinya, Paulus ingkas barotakan kami bakoca ka Yakobus, lalu kawan tuha-tuha ungkup datang diyah. ¹⁹ Limah jari batabe akan urang, Paulus nampara bakesah suti hal am jadi Hatalla karuh mula bangsa-bangsa bukan malewati pangawinya. ²⁰ Metuh, katika urang mandongarkannya, urang mamuja-muji Hatalla, limah yah urang bapaner kan Paulus,"ila ti, manyari, barapa ribu urang ka antara urang-urang Yahudi dikeh am jari percaya lalu urang uras am giat akan Hukum Taurat, ²¹ Lalu urang uras jari di paner soal kolai, amun kolai yah am malajar uras urang Yahudi antara bangsa-bangsa bukan am manyimpang mula hukum Musa, samil mamander ka urang nyaman urang honta mayunat anak-anak rang bajalan manurut adat istiadat diri. ²² Lipas yah, apa am diri gawi? Urang yah pasti mandongar amun kolai yah jari datang. ²³ Laie iyah, gawi ja apa am kami parah ka kolai. Tege ompat urang mula kami am tege bajanyi akan Hatalla. ²⁴ Taingkan urangnya, rasihkan arepmu barota kan urang, lipas yah bayar kan ongkos urang yah nyaman urangnya ulih manyukur palanya. Amun bera iyah, uras urang ingat akan parongka am jari urang paner akan kolai, tapi amun kolai kaniri jam am hirup lalam Hukum Taurut. ²⁵ bera, bangsa-bangsa bukan am jari percaya, kami jari manulis surat akan urang am harus mahindar mula, 'daging am jari dibori akan kawan imun iyah, umakan darah, bebeh jam am matie kona sekak, umakan urang am badosa, am jadi bakumpul honta baie. (Paulus kona Tangkap) ²⁶ Limah yah, Paulus manaing urang-urang yah, sota arinya, salopas inya jari mambarasihkan dirinya barota dengan urang nya, inya tama ka lalam dangau Hatalla lalu mamaner akan babasu, lalu baranai akan kurban persembahan am dibori kan masing-masing urang. ²⁷ Katika ari hona gonap ka tujuh, urang-urang Yahudi mula Asia, metuh maila Paulus ka lalam dangau Hatalla, maadu paner am honta baie mamakat manangkap Paulus, ²⁸ Samil basoru, " uy urang-urang Israel, Tolong! Urang iti am ma ajar kan urang kamanih-manih malawan bangsa diri, lalu Hukum Taurat, ka homan iti. Kan, lobih jam, inya manaing urang-urang Yunani ka lalam Dangau Hatalla am jari maisa kan homan baie iti!" ²⁹ Gawi, sahompannya urang jari maila Trofimus, urang Efesus, barota dengannya am kalalam kota lalu urang mangira Paulus jadi manaingnya tama ka Dangau Hatalla. ³⁰ limah iyah, saluruh kota jari gampar lalu urang-urang datang bakumpul. Urang manangkap Paulus manyeretnya ka luar mula Dangau Hatalla, saluruh pintu-pintu Dangau Hatalla uras ditutup. ³¹ samantara urang hona mamatie inya, datang laporan akan kepala pasukan Roma sampai saluruh Yerusalem lalam keadaan kacau. ³² Metuh iyah jam, Kapala Pasukan manaing Prajurit tuntang Perwiranya, lalu turun manguang urang. Metuh urang banya mailanya kepala pasukan umakan prajuritnya, urang bahonti manukuh Paulus. ³³ Salopas iyah, kepala pasukan mamara Paulus lalu manangkapnya, lalu manyuruh nyaman Paulus kona kobat dengan dua rantai. Limah yah, inya mulai batanya sapa Paulus apa am jari inya gawi. ³⁴ Tapi, sabagian mula urang am banya yah basoru akan sabagian urang am bukan yah. Lalu, metuh inya honta ulih ngasene gawi karusuhan yah, inya manyuruh supaya Paulus ditaing ka markas. ³⁵ Metuh inya datang ka tanga, Paulus lalu ditangung laie kawan prajurit gawi kona tukuh tatal rang, ³⁶ laie, kawan parusuh yah mairing urang, samil basoru badoru, "Patikan inya!" ³⁷ Metuh Paulus akan ditaing tama ka markas, Paulus bapaner akan kepala pasukan,"Tahukah aku bapaner sesuatu ka kolai?" Lalu, kepala pasukan yah manjawab, "Kolai ingat bahasa Yunani? ³⁸ Amun bera iyah, kolai bukan urang Mesir am metuh iyah manimbulkan pemberontakan lalu mamimpin ompat ribu urang parusuh ka padang pasir?" ³⁹ Tapi, Paulus bapaner."Aku urang Yahudi mula Tarsus, kilikia, suti warga mula kota am penting. Aku minta ijin aku hona bapaner akan urang-urang yah." ⁴⁰ Maka, katika kapala pasukan mamori ijin, Paulus badiri ka tanga yah, inya mamori isyarat akan urang-urang lalu maincang jarinya. Katika suasana jari suni, inya bapaner akan urang, lalam bahasa Ibrani uja nya.