¹ "Kawan mayari dengan ompay-ompayku, Dongar uja ku kan ikam" ² metuh urang manongar paulus manimay urang honi bahasa ibrani, urang lansung ta suni, paulus bapaner, ³ "Aku tie urang Yahudi, lahir ka Tarsus, Kilikia, Tapi bakah ka kota iti, dididik Gamaliel sasuai hukum hiya umuh diri, supaya jadi cangkal kan Hatalla, samah kan ikam mila ari tie. ⁴ Aku Mengiyan jalan iti sampai pamati, mangobat lalu manama urang, bai kalaki ataupun labini, ka lalam penjara, ⁵ nulat Imam bakah dengan majelis Panatua tahu basaksi ka aku. Mila urang aku bulih surat-surat kan kaban manyari ka Damsyik, manaing urang mila dikeh ka Yerusalem kan tahanan am kan dihukum. ⁶ Maka, iyahtajadi, metuh aku bajalan lalue hona datang ka Damsik, sakira tongah ari, salenga tege cahaya torang mula langit mangaliling aku. ⁷ Aku tasarungkup katanah manongar bunggie bapander kan aku, 'Saulus, Saulus, ngapae kolaie manggian Aku?' ⁸ Lalue, aku manimat, 'Sapae Kolaie, Tuhan?' Lalue iyae bapaner kan aku, 'Akutiam Yesus mula Nazaret, am kona kian mueyah.' ⁹ Urang-urang am uma aku maila cahaya iyah, tapi honta ngerti bungi urang am agi bapaner ka aku. ¹⁰ Aku bapaner, 'Apa am harus aku karuh, Tuhan?' Tuhan manjawab, 'Badiri ingkas kolay ka Damsyik, ka dikeh, kolay kan diparah urasnya am jadi ditotapkan am kolay karuh.' ¹¹ Metuh aku honta tahu maila laie karomis cahaya iyah, aku dituntun laie urang-urang am uma aku, lalu tama ka Damsyik." ¹² lepas iyah, tege urang am banama Ananias, urang saleh manurut hukum taurat, am dikenal bai laie urang yahudi am tingal ka dikeh, ¹³ inya datang ka aku, sajadi inya badiri kasorapku, inya bapaner,' manyariku Saulus, maila am,lalu, metuh iyah jam, aku tahu maila mula dengan tahu maila inya. ¹⁴ inya bapaner, 'Hatalla hiya umuh diri manyuruh kolay kan ingat kahonanya, maila am bujur,dengan nongar bungi mula nyawa-Nya, ¹⁵ lai kolay jadi saksi akan inya, kan urang apa ham jadi kolay ila dengan dongar. ¹⁶ Metuh tie, ngapa kolay manunda-nunda? badiri am, borikan kolay kaniri nyaman dibabtis, barasihkan dosa-dosa mu samil manimai nama-Nya'" ¹⁷ "Metuh aku baulang ka Yerusalem am agi badoa ka Dangau Hatalla, aku dikuasa Roh Hatalla, ¹⁸ Aku maila inya bapaner kan aku, 'Lacaam maluar mula Yerusalem laie urang honta narima am diparah tentang Aku.' ¹⁹ Lalu, aku bapaner, Tuhan, Urang kaniri jadi ingat aku am jadi mamanjara lalu mangobat dengan manaing urang ham pacaya kan kolay,mula suti sinagoge ka ham bukannya. ²⁰ lalu, kametuh darah saksimu, Stefanus, ditumpahkan, aku kaniri agi badiri ka dikeh,mansatujunya, dengan manjaga baju pakayan urang-urang am mamatinya.' ²¹ Sajadi iyah, Yesus bapaner ka aku, ' ingkas am! laie, aku jadi mautus kolay jauh kan bangsa-bangsa bukan."' ²² Urang banya iyah manongar paulus sampai mula panernya tie. sajadi iyah, hansira banya bapaner, "Buangkan urang iyah mula bumi laie inya honta pantas kan hirup!" ²³ Kametuh urang basoru, manibar jubah rang, dengan mahamur dabu ka tingi, ²⁴ kepala pasukan mamarintah urang nyaman Paulus ditaing ka markas, sambil mamarah laie paulus harus dipariksa honi cambukan sahingga inya dapat alasan ngapa urang basoru malawan inya nulat iyah. ²⁵ Tapi, metuh rang manopakannya honi tali-tali kulit, Paulus bapaner ka perwira ham badiri damping inya, "apakah sah bagi kolay hona mancambuk siku urang am warga negara Roma honta adil?" ²⁶ Metuh perwira iyah manongarnya, inya langsung mamaner kan kapala pasukan, ujanya, "apa ham kan kolay lakukan? lai, urang iti urang warga negara Roma." ²⁷ Lalu, kapala pasukan iyah datang, bapaner ka Paulus ujanya"Panerkan ka aku, apakah kolay urang warga negara Roma?"Paulus bapaner. "au." ²⁸ Kapala pasukan iyah manjawab, "Aku bulih kawarganegaraan iti honi duit bakah" Paulus bapaner" tapi, aku jadi warga negara laie aku lahir" ²⁹ Maka, urang-urang ham marisa paulus laca badari maningalnya, kapala pasukan jadi gola laie Paulus urang warga negara Roma laie inya jadi mangobatnya. (Paulus Bapaner Dengan Pamimpin Yahudi) ³⁰ Tatapi, limah ari iyah mula, laie kapala pasukan hona mangau alasan sabujurnya ngapa Paulus dituduh laie urang-urang Yahudi iyah, inya malopas Paulus, manyuruh kapala imam-iman,dengan saluruh sanhedrin nyaman bakumpul, lalu inya manaing Paulus turun kapaharap urang ti taie.