¹ Limah rusuh yah bahonti,paulus Mangumpul kaban ungkupnya ,inya jadi mamori samangat kan urang banyak, inya baparamisi kaurang lalu ingkas nguang Makedonia. ² Salipas inya mangaliling Wilayah iyah lalu mamori kan urang banyak nasehat, sampai ka Yunani. ³ Lalu, koyah paulus diam sapalamat tolu bulan . laie urang-urang Yahudi bapakat hona malawan inya metuh iya hona inngkas balayar ka Siria,inya mamutuskan akan baulang lewat Makedonia. ⁴ Paulus ditarima laie Sopater mula Berea, anak Pirus,laie Aristarkhus umakan Sekundus,mula Tesalonika, Gayus mula Derbe,lalu Timotius,lalu Tikhikus,umakan Trofimus urang mula Asia. ⁵ Urang ingkas jadi holu am lalu mananti kami ka Troas, ⁶ Tapi kami balayar mula Filipi sahompan Ari Raya Roti honta Baragi ,lalu kami datang kahoman rang Troas lalam lima ari,sapamat kami diam diah tujuh ari. (Panatang Paulus am Taahir ka KotaTroas) ⁷ Metuh ari am pamulanya mengo iyah kametuh kami barota-rota mamocah kan roti, paulus papaner akan urang laie inya bamaksut, hona ingkas ari pagi ,laie lamat bapner sampai tongah malam. ⁸ Tege banyak palita ka ruangan homan kami bakumpul. ⁹ Diah, jam tege siku pamuda am banama Eutikhus metuh duru katangawan pas tongah malam iya tatidur hayal.Katika iyah paulus masih bapanrer lalam yaktu am lamat ,iya sakakin tangolam lalam tidurnya , tabaring lalu jatu mula tingkat tolu pas rang maincang nya iya jari mati am. ¹⁰ Tapi Paulus turun kaloba lalu iya ngaling arep ya ka puju kalaki iyah samil mahekup nya lalu bapaner , ''hinam sabak laie iya ti masih hirup.'' ¹¹ Lipas yah Paulus ba ulang katingi mula,lalu mamocah-mocah roti lalu museh nya,jadi mamuseh nya,inya papanner mula akan urang lamat ,sampai tongah nahari lipas iyah, iya ingkas . ¹² Urang am manaing pamuda iyah pulang lalam kaadan hidup lalu mansa'i puna tahibur. (Pajalan Mula Kota Troas ka Kota Miletus ) ¹³ Kami jadi ingkas lobih holu ka kapal ,tujuan hona ka Asos mangalap Paulus laie inya jadi koyah barancana bungi iyah, iya kaniri bamaksut ingkas koyah samil bajalan kaki. ¹⁴ Lalu,metuh iya badapat akan kami ka Asos ,kami mangalapnya,lalu ingkas ka Matilene. ¹⁵ Lipas balayar mula koyah,kami datang ka ari pagi nya ka Khios. Arisutinya, kami damping Samos,saari lipas inyah kami datang ka Miletus. ¹⁶ Laie, Paulus jadi batukas hona bahontika Efesus nyaman iya honta mahabis kan waktu nya ka Asia laie hana laca datang ka Yerusalem , supaya sompat,Akan ari Pantakosta. (Paulus Bapaner Kan Ungkup Ka Efesus) ¹⁷ Mula Miletus,Paulus manugas urang ka Efesus lalu manyuruh kaban pamimpin ungkup datang nguang iya. ¹⁸ Lalu metuh urang datang ka inya,iya bapaner akan urang,''Kolai kaniri ingat,laie apa Aku hirup ka antara kolai sa panjang waktu, metuh ari pamula aku manyoja kan kaki ku ka Asia, ¹⁹ Sambil bagawi kan Tuhan aku honi sagala paloba hati,lalu honi arai mata, lalu sagala panyakit pahoram malai aku lalu rancana jahat kumlan urang -urang Yahudi, ²⁰ Macam apa aku honta manahan arep ku akan baparah kan kolai sagala am baguna lalu malajar kolai ka paharap umum lalu mula dangau ka dangau , ²¹ Buju-bujur mamori kasaksian,am baik Akan urang -urang Yahudi atau jam urang-urang Yunani ,tuntang batobat ka Hatalla atau baiman akan tuhan diri Yesus-Kritus. ²² Tapi metuh iti, Ilaja, am di kobat laie Roh Nya, aku metuh pajalan ku hona ka Yerusalem,honta ingat apa am tajadi akan aku koyah, ²³ Kacuali amun Roh Hatalla am baparah puna buju-bujur mula kota ka kota akan aku bahwa panjara umakan siksaan jadi mananti aku. ²⁴ Tapi aku honta maanggap hirup ku baroga akan kaniri ku sahompan aku ulih manyari kan tugas ku lalu palayanan am aku tarima mula Tuhan Yesus,iyah am honi basaksi puna buju-bujur laie Injil yah Rajaki mula Hatalla. ²⁵ Lalu Keken iti, ilaja, Bahwa honta ara di kolai maila muha ku mula, am laie kolai aku bakaliling mamaner karajaan Hatalla. ²⁶ Laie iyah,aku basaksi Akan kolai ari iti bahwa aku honta basalah Akan darah mu saluruhnya. ²⁷ Soalnya,aku honta manahan arep ku mangesah akan kolai saluruh rancana Hatalla. ²⁸ Jagalah arep mu ka niri lalu saluruh umat Hatalla, laie kolai jadi di pilih Roh am Barasih kolai jam mangwas tuntang mangambala ungkup Hatalla,am jadi iya dapat mula darah Anak Nya kanniri. ²⁹ Aku ingat bahwa lipas paingkas ku, serigala-serigala buas am akan datang ka antara kolai,honta sayang akan umat Hatalla iyah. ³⁰ Lalu, mula antara kolai kaniri akan badiri urang-urang am bapaner masalah hal-hal am sosat samil manaing murid-murid uma urang. ³¹ La'i iyah ,bajaga-jaga jam, samil batahoyu bahwa siang malam,salama tolu tahun ti, aku honta basa bahonti maingat kan kolai masing-masing honi Arai mata. ³² lalu metuh iti, aku manyorah kan kolai ka Tuhan uma kan firman Nya am sangup bambangun lalu mamori kolai Warisan ka antara saluruh urang am jadi barasih. ³³ Aku honta hona perak,atau Amas,atau pakayan sapajam. ³⁴ Kolai kaniri ingat la'i honi jari iti am aku bagawi mangkoni arep ku uma kan kaban kawal ku. ³⁵ Lalam sagala hal, aku jadi baparah kan kolai la'i honi bagawi bahimat bera cara iti ,diri harus marompuh rang am oyoh samil batahoyu amdi paner Tuhan diri Yesus, la'i iya jam baner,''Baik diri mamori mula diri manarima.''' ³⁶ Lalu jadi bapaner bungi iyah, Iya suntup lalu ba du,a basamah rang uras nya. ³⁷ Metuh iyah, rang banyak manangais tege am mahekup mangulir Paulus,sampai mansim mangumuh nya, ³⁸ Urang puna sakit hati, ampastinya la'i ujakata-katanya akan urang honta akan maila muhanya mula.samil rang manamah Paulus kakapal.