¹ Kametuh Apolos tege ka Korintus, Paulus malalu banua sampai ka Efesus. Koyah, Inya bulih saruai murid. ² Paulus bapaner "apa tege kolai bulih Roh Kudus metuh kolai jadi yakin?" timat rang," honta, manongar tege Roh Kudus mahi mayan." ³ Limah iyah, Paulus bapaner "ka lalam apa, limah iyah, kolai di baptis?" Timat rang, "kalalam baptisan Yohanes." ⁴ Paulus bapaner," Yohanes mambaptis mahoni baptisan pertobatan," samil mamarah ka hansia banya, supaya yakin ka siku kalunen am akan datang limah inya, iyah am Yesus. ⁵ Limah urang nongar kesah itie, urang di baptis lalam nama Tuhan Yesus. ⁶ Limah yah metuh Paulus mangora jarinya ka tingi rang, Roh kudus datang ka tingi rang. Limah yah rang nampara bapaner lalam bamacam bahasa mangaruh hal am ba'ie. ⁷ Rang uras bajumlah dua blas iku kalaki. ⁸ jadi, Paulus tama ka sinagoge barani bapaner sapalamat tolu bulan, bapaner baparu mayakin rang akan Kerajaan Allah. ⁹ Tapie saruai urang honta yakin, samil baparah am honta ba'ie kan Jalan iyah paharap hansia banya. Paulus maningal rang manaing kawan muridnya badarie, samil bapaner baparu satiap arie ka sakulah Tirani. ¹⁰ Hal itie bajalan sapalamat dua tahun yah am uras rang am tingal ka Asia manongar firman Tuhan. baienya rang Yahudi apa rang Yunani. (Ana-Ana Skewa) ¹¹ Hatalla banya mangaruh tana malalu jarie Paulus, ¹² kain am kona kulit Paulus alap taing borie ka urang am bapanyakit, am sarung sangkep urasnya kona sangka. ¹³ Tapie, saruai dukun Yahudi manyoku nama Tuhan Yesus manyangka rang am sarung sangkep samil bapaner "Aku manyumpah kolai lalam nama Yesus am di joku Paulus." ¹⁴ Tujuh anak kalaki skewa, tege siku imam bakah Yahudi, am mangaruhnya. ¹⁵ Tapie, imun iyah manimat samil bapaner ka rang "Aku kasene kan Yesus ingat ku jam kan Yohanes, sapa kolai tie?" ¹⁶ Limah yah urang am sarung sangkep yah nangkeru manguang rang, manguasa rang, mangalah rang urasnya rang badari baguang mula lalam dangau yah sambil talanyang luka lungkih. ¹⁷ Rang sabanua Efesus ingat hal itie, ba'ienya rang Yahudi ba'ienya rang Yunani. Limah yah, rang urasnya gola nama Tuhan Yesus sasar dipuja. ¹⁸ banyak jam saruainya am jd jadi percaya tatap datang, samil mangaku mangabar gawi-gawi rang. ¹⁹ limah yah, banya rang am basa badukun, mangumpul buku-buku rang manutungnya paharap uras hansia. Rang mahitung nilai buku-buku yah baulih nilainya 50.000 buti perak. ²⁰ Jadi, firman Tuhan sasar batumuh bakuasa. (Paulus manamuai) ²¹ limah hal-hal iyah jadi, lalam Roh, Paulus hona ingkas ka Yerusalem limah inya malalu Makedonia kan Akhaya, samil bapaner "Limah aku notap koyah, aku jam harus maila Roma." ²² Limah mangirim dua iku hulunnya ka Makedonia yah am Timotius rang nua Erastus, inya kanirie notap babarapa ari ka Asia. (Demetrius marusuh ka Kota Efesus) ²³ Kametuh iyah, koyah tege karusuhan am bakah la'i jalan iyah. ²⁴ La'i tege kalunen am namanya Demetrius, ukang perak, am mangaruh balai-balai perak Dewi Artemis, mamori paulih am honta koci kan kawan tukangnya. ²⁵ Kawan tukang kumpulnya barota kan pangawi-pangawi am gawinya samah samil bapaner"Manyari-manyari, kolai ingat meh kasugih diri baasal mula gawi iti. ²⁶ Limah iyah, Kolai jadi maila manongar honta ka Efesus gona hona uras Asia, Paulus jadie mangaruh hansia banya parcaya hatalla am di karuh mahoni jari kalunen hontanya Hatalla. ²⁷ Laie iyah, hontanya gawi diri jam am tahu di kacala urank, tapie balai Artemis jam, Artemis am disomah uras Asia kan dunia ti tahu hila tarung sewutnya ²⁸ Sota rang nongar paner iyah, rang gusar amat samil basoru-badoru"Jaya Artemis, dewa urank Efesus!" ²⁹ Limah iyah banua yah sabak rang gosa-gosau barota manguang balai maihir Gayus rang nua Aristarkus, urank Makedonia kawal Paulus. ³⁰ kametuh Pualus hona ingkas manguang hansia banya,kawan ungkup mangirahnya. ³¹ Urang am batantu ka Asia kawal laie Paulus jam mangirah Paulus ingkas manguang balai iyah. ³² Hansia banya basoru-badoru.am siku bapaner iti,am siku mula bapaner iyah,kawan hansia banya am sabak saruainya mula honta ingat apa gawi rank diyah. ³³ Tege siku kalunen am namanya Aleksander kona dorong ka paharap laie urank-urank Yahudi. Laca inya ma incang jarinya mori paner am baie paharap hansia banya. ³⁴ Tapi rang ingat inya urank Yahudi, sapalamat dua jam, rang urasnya barota basoru"Jaya Artemis, dewi urank Efesus!" ³⁵ limah pajabat pamarintah mamyuni hansia banya,sapa rang honta ingat banua Efesus panyaga balai Artemis am turun mula langit ? ³⁶ Iyah honta ulih di sangka, laie iyah kam ti hinang ngaruh gawi am gosa-gosu ³⁷ Laie kolai jadi manaing urang-urang ti kotikan,am honta mangolit manida mangacala balai dewi diri ti. ³⁸ Amunnya Demetrius kan tukang-tukangnya tege am hona di kadu, guang ja kantor pengadilan, koyah homan rang bakadu. ³⁹ Amunnya tege mula am di kahona am bukan, jaka ulih kahonamu jadikan ka lalam sidang rakyat am sah. Laie ⁴⁰ diri tahu kona tuntut, laie mangaruh pangawi am honta baie arie itie, laie mayan alasan diri mangona gawi am salah itie. ⁴¹ Limah inyae bapaner, inya manyuruh kaban hansia banya badarie.