¹ lipas iyah, Paulus badari ka Atena lalu ka Korintus. ² Lalu, Paulus badapat urang Yahudi am banama Akwila, keturunan Pontus, haru datang mula Italia rang nua bininya, Priskila Klaudius limah manyuruh uras urang Yahudi badari mula Roma. Paulus datang ka urang, ³ Lai urang tege gawi ba uma, Paulus diam uma urang bagawi ngaruh tenda. ⁴ Lalu, Paulus batukar pikiran ka Sinagone satiap ari Minggu, lalu ba usaha mayakin urang Yahudi rang nua Yunani. ⁵ Tapi, katika Silas rang nua Timotius turun mula makedonia, Paulus nampara manyorah pa hirupnya honi mamori kabar baie, samil bapaner ka urang Yahudi laie Yesus ti iyaham Kristus. ⁶ Tapi, katika urang manantang lalu gusar kan Paulus, inya mangobar pakayannya lalu bapaner ka urang," Darah mu tege ka tingi palamu kaniri! Aku barasih. mula wayah iti sampai satarusnya aku badari ka banua bukan." ⁷ Limah iyah, inya ingkas homan lalu badari nguang dangau Titus Yustus,urang bukan yahudi am manyomah Hatalla. Dangau nya badamping sinagone. ⁸ Krispus, kapala sinagone am jadi parcaya Hatalla lai uras uras urang tege lalam dangaunya, lalu banya urang Korintus am jadi nongar Paulus jadi parcaya lalu kona babtis. ⁹ Lalu, Tuhan bapaner kan paulus malam iyah lalam pailanya," Hinang gola tatap bausaha bapaner hinang suni, ¹⁰ Lai aku uma kolai mayan ara siku urang mun manyarang atau malai kolai lai banya anabuah-Ku kabanua iti.'' ¹¹ Maka, Paulus diam diah salama 1 tahun 6 bulan,samil balajar Firman Hatalla antara urang. [Paulus Dipaharap ka Galio] ¹² Metuh Galio jadi Prokonsul Akhaya, urang Yahudi basamah malawan Paulus manaingnya kapaharap kursi pagadilan, ¹³ Lalu bapaner,'' urang iti kametuhnya mampagarug urang banya nyaman manyomah Hatalla am malawan Hukum Taurat.'' ¹⁴ Tatapi Paulus nyaris hona bapaner, Galio bapaner kaurang Yahudi,'' Iti parsoalan pelangaran kajahatan am honta bai, uii urang Yahudi,aku harus batanggung jawab am malai ikam, ¹⁵ Tapi,iti parsoalan bugi paner, nama-nama, umakan hukuman kaniri, urus meh kaniri. Aku honta huna jadi hakim am malai ikam.'' ¹⁶ Limah inyah, Galio ma usir urang mula lalam pagadilan. ¹⁷ Limah inyah urang pamanya manangkap Sostenes, kapala Sinagone, lalu malainya kapaharap lalam pangadilan, tapi Galio honta mailanya. Paulus pulang ka kota Antiokhia ¹⁸ Limah inyah, Paulus diam babarapa ari mula, lalu baparah ka manyarinya am sa iman lalu balayar ka Siria, rang nua Priskila, Akwila. Ka Kengkrea, Paulus jadi mancukur balainya lai jadi kebiasaannya. ¹⁹ Limah inyah urang datang ka Efesus lalu Paulus maninggalkan Priskila rang nua Akwila diah, tapi inya kaniri tama ka Sinagone lalu batukar pikiran kan urang Yahudi. ²⁰ Tapi urang minta Paulus diam lobih lamat. Paulus honta hona, ²¹ Tapi baparah ka urang lalu bapaner,'' Aku baulang koti mula amun Hatalla bakahona,'' lalu inya balayar mula Efesus. ²² Limah inyah inya turun ka Kaisarea inya nia lalu mori salam ka jema'atnya, lalu turun ka Antiokhia. ²³ Lalu habis waktunya, inya pinah homan lalu bakaliling mula suti homan pinah ka wilayah Galatia pang nua Frigia, samil manguatkanuras muridnya. Apolos ka kota Efesus uma kota Korintus ²⁴ Katika inya, tege urang Yahudi am banama Apolus, katurunan Aleksandria,datang ka Efesus, inya urang am tapalajar, mahir lalam hal Kitab Suci, ²⁵ Urang iti jadi balajar uma jalan Hatalla basamagan lalam Roh. inya bapaner lalu malajar dengan talitinya lalam ajaran Yesus, tapi inya baya ingat baptisan Yohanes, ²⁶ Inya nampara barani bapaner lalam Sinagene, tapi limah inyah Priskila pang nua Akwila manogarnya, urang manariknya kasisi lalu manjelaskan ka inya jalan Hatalla am lobih bai mula. ²⁷ Limah inyah Apolos hona manipah ka Akhaya, kawan manyarinya am sa iman manogar lalu manulis ka murid-murid nyaman nyaman manyamut panatangnya. limah inya sampai, inya banya marompuh urang lai Anugerah limah jadi parcaya, ²⁸ Lai inya dengan kakarasnya malawan urang Yahudi ka paharap urang banya, samil manunyu Kitab Suci tahuyu Kristus inyaham Yesus.