¹ Metuh iyah, Paulus rank nua Silas malalu Amfipolis ka Apolonia, urang datang ka Tesalonika, kamanih tege suti sinagoge urang Yahudi. ² sasuai, kabiasaan Paulus, inya tama ka antara urang salama tolu ari Tuhan bagawi bapaner ka urang banya mula Kitab Suci, ³ samil mamaner lalu mamori bukti Kristus harus manahan rang bangkit antara urang mati, lalu bapaner, ''Yesus iti, am jadi diparah ku ka kolai, iyah am Kristus." ⁴ Lalu, sabagiyat mula urang dipercaya Paulus rang nua Silas, barota rang sajumlah urang Yaunani. am gola kan Hatalla kan hinta koci labini-labini tarhormat. ⁵ Amun, urang-urang Yahudi bongis hati lalu mamakat babarapa urang jahat am bakaluyuran ka homan urang banya, urang mangumpul banya urang lalu mangaruh kasabak dangau Yason samil mangau Paulus rang nua Silas lalu manaing urang kaluar ka urang banya. ⁶ lalu urang hinta badapat kan Paulus rang nua Silas, urang manuna Yason lalu kawat manyari nya saagama ka paharap pajabat kota, lalu banyawa, ''urang-urang iti, am jadi mangacau dunia, jadi datang diti. ⁷ Yason, manamang urang, urang uras mangalap kaputusan am malawat hukum kaisat lalu mamaner tege raja bukan, iyah am Yesus." ⁸ Urang banya lalu para pagawai kota jadi honta karuwat manongar hal bungi iyah. ⁹ Metuh, urang manarima jaminan mula Yason lalu am bukan, urang-urang iyah malopaskannya. (Paulus rang nua Silas ka Kota Berea) ¹⁰ Manyari-manyari saagama lalu manyuruh Paulus rang Silas, malam iti jam, ka Barea, metuh urang datang, urang ingkas ka sinagoge urang Yahudi . ¹¹ Urang-urang Yahudi koyah paling bai hatinya bai mula urang am Tesalonika lai urang jadi manarima firman dengan rami-rami, samil mahoning kitab barasih tiap ari urang maingat jakai bungi iyah memang bujur. ¹² Lai mun iyah, banya mula urang am jadi percaya, termasuk labini tuntang kalaki Yunani tahormat am jumlah nya hinta koci. ¹³ Tapie, metuh urang-urang Yahudi ka Tesalonika lai kisah Hatalla di bori Paulus ka Barea, urang pang datang hona mangacau balau kan banya urang, ¹⁴ Lalu, salenga, manyari-manyari saagama nyuruh Paulus badari nguang pantai, tapi rang nua Timotius tingal diah. ¹⁵ Urang-urang am manamah Paulus manaing inya sampai ka Atena, lalu jadi manarima suti pantal mula Paulus akan Silas lalu Timotius nyuruh datang kan inya laca sacopat nya, urang ingkas. (Paulus ka Kota Atena) ¹⁶ Sahompan Paulus mananti urang ka Atena, rohnya mansai ka oyoh kalalam kanirinya laie inya ma ila kota iyah ponuh dengan hampatung-hampatung Imun. ¹⁷ Lai iyah, inya batukar pamikiran ka Singagoge akan urang-urang Yahudi lalu mula urang-urang bangsa bukat am gola akan Hatalla, serta homan umum, tiap ari, barota kan urang-urang am bujur tege diah. ¹⁸ Barapa urang am pintar bapikir mula kalompok Epikuros lalu Stoa jam bakesah-kesah akan inya?" lalu babarapa paner, "samahkan, inya iyah am urang am pamaner dewa-dewa urang luar," lai inya mamaner Yesus lalu bangkit. ¹⁹ Lalu, urang mamakat lalu Manaing nya ka Areopagus, samil bapaner, ''Tahukah kami maingat nya palajaran baharu am di borimu itie? ²⁰ Sabab, kolai metuh manaing babarapa hal am ngaruh diri bingung am kaponing kami. kami hona maingat apa maksut hal-hal itie." ²¹ (Saat itie, uras urang Atena am urang-urang luar am tingal dikeh jadi tabiasa am mahabis waktu rang am hinta mangaruh apa am hinta salain mamaner lalu manongar sasuatu am baharu.) ²² Lalu, Paulus badiri katongah-tongah Areopagus lalu bapaner, "Uy urang-urang Antena, aku manampai lai sagala hal kolai samah kan urang misterius. ²³ Lai, aku metuh aku bakaliling manampai barang imun kolai somah, aku manapat altar am tatulis bera itie, ' KA HATALLA AM HONTA KASENE.' Lai iyah, apa am kolai somah honta mangasenenya, iyah am parah ku kakolai. ²⁴ Hatalla mangaruh dunia uras am ara kalalamnya, lai Inya yaham Tuhan tingi langit dengan bumi kalalam dangau am dikaruh honi jari kalunen, ²⁵ honta jam di layan honi jari-jari kalunen, saolah-olah Inya mamerlukan lai inya kaniri am mamori kan sapa-sapa jam pahirup, kosah, lalu sagala isi nya. ²⁶ Lalu, Inya mangaruh, mula siku urang, uras bangsa umat kalunen akan tingal ka muha dunia itie, jadi manapat musim-musim lalu batas-batas homan hirup urang, ²⁷ nyaman urang mangau Hatalla, amun bujur mungkin urang tahu manyoput-Nya lalu manapat-Nya biar Inya honta jauh mula kami kaniri-kaniri. ²⁸ Sabab, kalalam Inya, diri hirup, bakanyah, am tege.Ayub 12:10 Samahkan kunjangan-kunjangan kaniri am bapaner, 'Lai diri tie jam katurunan-Nya.' ²⁹ Jadi, lai diri tie katurunan Hatalla, diri tie saharusnya honta bapikir lai kaadaan Ilahi yah bera amas, perak, batu, sabuah wujud am dikaruh mula katarampilan lalu bapikiran kalunen. ³⁰ Lai iyah am, metuh lai honta mahirau masa-masa kabungul, wayah itie Hatalla bapaner kasaluruh urang kamanih-manih nyaman batobat, ³¹ lai Inya jadi Manentukan suatu arie lai iyah hona mahakim dunia lalam kaadilan lalu siku Urang am jadi diharap-Nya, lai inya mori bukti akan saluruh urang lalu mahuas urang iyah mula antara urang mati." ³² Lalu, metuh urang manongar tuntang kabangkitan mula antara urang mati, babarapa urang nampara maolo-olo, tapi am urang bukan bapaner, "Kami hona manongar kolai tuntang hal itie," ³³ Maka, Paulus ingkas mula tongah-tongah urang ³⁴ Akan tapi, barapa urang bagabung dengannya lalu manjadi parcaya, ka antaranya jam tege Dionisius, anggota Areopagus, lalu tege labini nama nya Damaris, lalu barapa urang bukan am barota kan urang.