¹ Aku harus baagak biar pun iyah honta mauntungkan. Aku akan manyamung panampai lalue panyataan-panyataan mula Tuhan. ² Aku ingat siku lalam Kristus, am ompat bolas tahun am lalue jadie ditaing ka surga tingkat tolu apa am lalam tuwuh nya, aku honta ingat; lalue ka luar tuwuh, aku jam honta ingat, Hatalla am ingat. ³ Lalue, aku ingat apa ulah nya urang itie -- apa ka lalam lalue ka luar tuwuh nya, aku honta ingat, Tuhan meh am maingat -- ⁴ inya diincang ka Firdaus lalue manongar paner am honta tajoku, am honta tahu diparah laie kalunen. ⁵ Akan urang itie aku akan baagak, tapie akan aku kaniri, aku honta akan baagak kacuali tingi kalomah ku. ⁶ Tapie, amun honta baagak, aku honta akan jadie bungul laie aku akan mamarah kabujur. Laie aku manahanya nyaman honta tege urang am manampai aku lobih mula apa am urang ila lalue am urang dongar tuntang aku. ⁷ Honi manyaga nyaman aku honta terlalu baagak tingi penyataan-penyataan am luar biasa iyah, maka suti duri dibori lalam dagingku, iyah am suruhan Iblis honi manyusah aku nyaman aku honta manirikan kaniriku. ⁸ Mangonai hal itie, aku mamohon ka Tuhan sabanya tolu kali nyaman hal itie maningal aku. ⁹ Tapie, Inya bapaner ka kolai, "Anugerah-Ku cukup kan kolai laie kuasa-Ku disempurnakan lalam kalomah." Laie iyah, aku lobih rami baagak tingi kalomah ku nyaman kuasa Kristus diam ka lalam ku. ¹⁰ Iyah am laie nya, aku mansai rami lalam ka lomah, lalam siksaan, lalam ka oyoh, lalam dilaie, lalue ka lalam ka sulit akan Kristus. Laie metuh aku lomah, maka aku onya. Kasih Paulus akan Ungkup ka Korintus ¹¹ Aku jadie bungul laie kolai mamaksa ku akan iyah, padahal aku saharusnya di puji laie kolai. Laie, aku honta kurang apa-apa dibandingkan para rasul am luar biasa iyah, meskipun aku mayan ara apa-apa nya. ¹² Tana-tana am membuktikan siku rasul jadie diila ka antara kolai lalam sagala kasabar, lalam tana-tana, mukjizat-mukjizat, lalue ka ajaiban-ka ajaiban. ¹³ Laie, lalam hal apa kolai di lobakan mula ungkup-ungkup am bukan, kacuali amun aku honta jadie beban kan kolai? Ampunkan kahontaadilan ku itie! ¹⁴ Wayah itie, aku siap manguang kolai am ka tolu kali nya aku honta akan jadie beban ka kolai laie aku honta mangau apa am kolai hompu, tapie bukan kolai. Laie, ana-ana honta wajib mangumpul harta akan urang tuhanya, tapie urang tuha akan ananya. ¹⁵ Lalue, aku akan rami mamori hompu heku lalue kaniriku kan kolai. Amun lobih mangasihi kolai, apa kolai akan kurang mengasihi aku? ¹⁶ Laie, biar pun aku bukan beban kan kolai, kolai mamarah aku licik lalue mangobat kolai honi tipu muslihat. ¹⁷ Apa aku mangalap kauntungan mula kolai malalu urang-urang am disuruh ku ka kolai? ¹⁸ Aku mamaksa Titus nyaman badari lalue manyuruh manyari kamie nyaman badari barota inya. Apa Titus mangalap kauntungan mula kolai? Apa kami honta bajalan lalam roh am samah lalue bajalan lalam bokas-bokas am samah. ¹⁹ Lalue, apa kolai jadie lamat mamikir amun kamie mambela kaniri kamie paharap kolai? Kamie bapaner ka paharap Hatalla lalam Kristus, tapie hal itie, uii am takasih, iyah am honi mahuas kolai ²⁰ Laie, aku gola, amun metuh aku datang, aku akan manguang kolai honta bera am aku harapkan, lalue kolai honta akan manguang aku bera am kolai harapkan. Hinang sampai tege salah paham, hiri hati, pangusar, keperluan diri kaniri, fitnah, gosip, kaangkuhan, lalue kakacauan. ²¹ Aku khawatir metuh aku datang mula, Hatalla ku akan maloba aku kapaharapmu lalue aku akan berduka katingi urang banya am holu jadie badosa sahompan umakan totap honta batobat mula am isa, babanung, uma kan hawa nafsu am jadie dikaruh rang.